Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

 Қазақстан Республикасы Үкіметінің 2014 жылғы 05 тамыздағы №901 Қаулысы

Опубликовано: Сейсенбі, 05 Тамыз 2014

«Қазақстан Республикасы Ауыл шаруашылығы министрлігінің кейбір мәселелері» туралы Қазақстан Республикасы Үкіметінің 2005 жылғы 6 сәуірдегі № 310 қаулысына өзгерістер мен толықтырулар енгізу туралы

 

Қазақстан Республикасының Үкіметі Қаулы етеді:

1. «Қазақстан Республикасы Ауыл шаруашылығы министрлігінің кейбір мәселелері» туралы Қазақстан Республикасы Үкіметінің 2005 жылғы 6 сәуірдегі № 310 қаулысына (Қазақстан Республикасының ПҮАЖ-ы, 2005 ж., № 14,168-құжат) мынадай өзгерістер мен толықтырулар енгізілсін:

көрсетілген қаулымен бекітілген Қазақстан Республикасы Ауыл шаруашылығы министрлігі туралы ережеде:

16-тармақта:

11) тармақша мынадай редакцияда жазылсын:

«11) мал шаруашылығы саласындағы селекциялық жетістіктерді сынақтардан және байқаулардан өткізу әдістемесін әзірлейді және бекітеді;»;

мынадай мазмұндағы 11-1) тармақшамен толықтырылсын:

«11-1) Қазақстан Республикасында пайдалануға рұқсат етілген мал шаруашылығы саласындағы селекциялық жетістіктердің мемлекеттік тізілімін жүргізу қағидаларын әзірлейді және бекітеді;»;

63-1), 75), 87), 88) тармақшалар мынадай редакцияда жазылсын:

«63-1) өсімдіктерді қорғау саласындағы халықаралық ұйымдармен және мемлекеттік органдармен ынтымақтастықты жүзеге асырады;»;

«75) ветеринариялық ғылыми зерттеулерді және ветеринария саласындағы мамандарды, ветеринария саласында кәсіпкерлік қызметті жүзеге асыратын жеке және заңды тұлғаларды қайта даярлауды ұйымдастырады;»;

«87) жануарлар өсіруді, жануарларды, жануарлардан алынатын өнімдер мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп және жемшөптік қоспаларды өндіру, сақтау және өткізу жөніндегі ұйымдарға есептік нөмірлер беру тәртібін әзірлейді;

88) орны ауыстырылатын (тасымалданатын) объектілердің және биологиялық материалдың сынамаларын іріктеп алу қағидаларын әзірлейді;»;

89) тармақша алып тасталсын;

96), 97), 98), 103), 104) тармақшалар мынадай редакцияда жазылсын:

«96) ветеринариялық (ветеринариялық-санитариялық) нормаларды, ветеринариялық есепке алу және есептілік нысандарын әзірлейді және бекітеді;

97) ветеринариялық есепке алуды және есептілікті жүргізу, ұсыну тәртібін әзірлейді;

98) ветеринария саласында кәсіпкерлік қызметті жүзеге асыратын жеке және заңды тұлғаларды есептік тіркеу тәртібін бекітеді және оны өткізеді;»;

«103) жануарлардың аса қауіпті ауруларына қарсы ветеринариялық
іс-шараларды жоспарлау және өткізу қағидаларын бекітеді;

104) жаңа, жетілдірілген ветеринариялық препараттарға, азықтық қоспаларға нормативтік-техникалық құжаттаманы келісу тәртібін бекітеді;»;

мынадай мазмұндағы 105-1), 105-2), 105-3), 105-4), 105-5), 105-6), 105-7), 105-8), 105-9), 105-10), 105-11), 105-12), 105-13), 105-14), 105-15), 105-16) тармақшалармен толықтырылсын:

«105-1) мемлекеттік ветеринариялық ұйымдар желісінің мемлекеттік нормативін әзірлейді;

105-2) биологиялық қалдықтарды кәдеге жарату, жою тәртібін әзірлейді;

105-3) тамақ қауіпсіздігін қамтамасыз ету жөніндегі мемлекеттік мониторинг жоспарын бекітеді;

105-4) сараптама актісін (сынақтар хаттамасын) беру қағидаларын әзірлейді;

105-5) ветеринариялық-санитариялық сараптаманы өткізу қағидаларын әзірлейді;

105-6) ветеринариялық препараттарды, азықтық қоспаларды мемлекеттік тіркеуді өткізу қағидаларын әзірлейді;

105-7) жануарларды өткізу қағидаларын әзірлейді;

105-8) жануарларды карантинге қою қағидаларын әзірлейді;

105-9) дезинфекциялауды, дезинсекциялауды, дератизациялауды өткізу қағидаларын әзірлейді;

105-10) эпизоотиялық мониторинг жүргізу қағидаларын әзірлейді;

105-11) ветеринариялық препараттарды және азықтық қоспаларды байқаудан өткізу қағидаларын бекітеді;

105-12) жануарлармен жұмыс істеу қағидаларын әзірлейді;

105-13) шектеу іс-шараларын және карантинді белгілеу және алып тастау қағидаларын әзірлейді;

105-14) ветеринариялық іс-шараларды өткізу кезінде мемлекеттік органдардың өзара іс-қимыл жасау қағидаларын әзірлейді;

105-15) диагностикалық зерттеулерді жүргізу қағидаларын бекітеді;

105-16) жануарлардың аса қауіпті ауруларының профилактикасы, диагностикасы және оларды жою жөніндегі ветеринариялық іс-шараларды бекітеді;»;

166-2) тармақша алып тасталсын;

мынадай мазмұндағы 168-1), 168-2), 168-3), 168-4), 168-5) тармақшалармен толықтырылсын:

«168-1) өңірлер бойынша азық-түлік тауарларының запастарын есепке алу және есептілік ұсыну нысандарын бекітеді;

168-2) ауыл шаруашылығы өнімдерін терең өңдеу өнімдерін өндіру үшін оларды сатып алуға қайта өңдеу кәсіпорындарының шығындарын субсидиялау қағидаларын әзірлейді;

168-3) олар бойынша кепілдендірілген сатып алу бағасы және сатып алу бағасы белгіленетін ауыл шаруашылығы өнімдерінің тізбесін әзірлейді;

168-4) агроөнеркәсіптік кешен субъектілерінің қарыздарын кепілдендіру және сақтандыру шеңберінде субсидиялау қағидаларын әзірлейді;

168-5) агроөнеркәсіптік кешен субъектілері инвестициялық салымдар кезінде жұмсаған шығыстардың бір бөлігін өтеу бойынша субсидиялау қағидаларын әзірлейді;»;

169) тармақ алып тасталсын;

мынадай мазмұндағы 173-1), 173-2), 173-3), 173-4), 173-5), 173-6), 173-7), 174-1), 174-2) тармақшалармен толықтырылсын:

«173-1) топырақты агрохимиялық зерттеп тексеруді өткізу қағидаларын әзірлейді;

173-2) ауыл шаруашылығы өндірісіне агрохимиялық қызмет көрсетудің заттай нормаларын әзірлейді;

173-3) агрохимикаттарды мемлекеттік тіркеуді өткізу қағидаларын әзірлейді;

173-4) агрохимикаттарды мемлекеттік тіркеуді жүзеге асырады;

173-5) ауыл шаруашылығы мақсатындағы жерлердің агрохимиялық жай-күйі туралы ақпараттық деректер банкін құру және жүргізу қағидаларын бекітеді;

173-6) ауыл шаруашылығы өнімдерінің және оны қайта өңдеу өнімдерінің табиғи кему, кебу, нығыздалу, бүліну нормаларын әзірлейді;

173-7) ауылдық елді мекендерге тартылатын агроөнеркәсіптік кешен мамандары лауазымдарының тізбесін әзірлейді;»;

«174-1) «Агроөнеркәсіптік кешендегі кәсібі бойынша үздік» конкурсын өткізу қағидаларын әзірлейді;

174-2) агроөнеркәсіптік кешен өнімдерінің республикалық көрмелерін, жәрмеңкелерін ұйымдастырады;»;

175) тармақша мынадай редакцияда жазылсын:

«175) субсидия алушы міндеттемесінің нысанын бекітеді;»

мынадай мазмұндағы 177-1), 232-1), 232-2), 232-3), 232-4), 232-5), 232-6), 232-7), 232-8), 238-1) тармақшалармен толықтырылсын:

«177-1) мыналарды:

жоғары құнды өсімдіктердің және ауыл шаруашылығы жануарлары, құстары мен балықтар тұқымдарының гендік қорын сақтауды және дамытуды;

тұқым шаруашылығын дамытуды;

мал шаруашылығы өнімдерінің өнімділігі мен сапасын дамытуды;

асыл тұқымды мал шаруашылығын дамытуды;

аквадақыл (балық өсіру) өнімдерінің өнімділігі мен сапасын көтеруді;

басым дақылдар өндірісін субсидиялау жолымен өсімдік шаруашылығы өнімдерінің өсімділігі мен сапасын жоғарлатуды, көктемгі егіс және астық жинау жұмыстарын өткізу үшін қажетті жанар-жағармай материалдарының және басқа тауарлық-материалдық құндылықтардың құнын;

тыңайтқыштардың құнын (органикалық тыңайтқыштарды қоспағанда);

өсімдіктерді қорғау мақсатында ауыл шаруашылығы дақылдарын өңдеуге арналған гербицидтердің, биоагенттердің (энтомофагтардың) және биопрепараттардың құнын;

ауыл шаруашылығы тауарын өндірушілерге су беру жөніндегі көрсетілетін қызметтердің құнын;

жеміс-жидек дақылдарының және жүзімнің көпжылдық екпелерін отырғызу және өсіру (соның ішінде қалпына келтіру) шығындарының құнын;

ауыл шаруашылығы дақылдарын қорғалған топырақта өңдеу шығындарының құнын;

отандық ауыл шаруашылығы өнімдерін қайта өңдеу үлесін арттыруды;

технологиялық жабдық кредиттері мен лизингі бойынша сыйақы мөлшерлемесін;

шитті мақтаның және мақта талшығының сапасын сараптауға шығындардың құнын;

ауыл шаруашылығы өнімінің өндірісін басқару жүйесін дамытуды;

ауыл шаруашылығы техникасының лизингі бойынша сыйақы мөлшерлемесін субсидиялау қағидаларын әзірлейді;»;

«232-1) агроөнеркәсіптік кешен саласындағы мемлекеттік көрсетілетін қызметтер стандарттары мен регламенттерінің қолжетімділігін қамтамасыз етеді;

232-2) көрсетілетін қызметті алушылардың агроөнеркәсіптік кешен саласындағы мемлекеттік қызметтер көрсету тәртібі туралы хабардар болуын қамтамасыз етеді;

232-3) көрсетілетін қызметті алушылардың агроөнеркәсіптік кешен саласындағы мемлекеттік қызметтер көрсету мәселелері бойынша өтініштерін қарайды;

232-4) агроөнеркәсіптік кешен облысындағы уәкілетті органмен келісілген ақпараттандыру сферасы бойынша Қазақстан Республикасының заңнамасына сәйкес мемлекеттік қызмет көрсетуді оңтайландыру мен автоматизациялау процесстері бойынша шара қолданылады;

232-5) мемлекеттік қызмет көрсетудің сапасын бағалауды өткізу, сонымен қоса акпаратты мемлекеттік қызмет көрсетудің сапасын реті мен мерзіміне сәйкес өткізу, Қазақстан Республикасының заңнамасымен бекітілген ішкі бақылау нәтижелері үшін агроөнеркәсіптік кешен облысындағы мемлекеттік қызмет көрсетуге баға беру мен сапасын бақылау уәкілетті органға ақпарат беруді қамтамасыз етеді;

232-6) егер Қазақстан Республикасының заңнамасында өзгеше көзделмесе, халыққа қызмет көрсету орталықтарына агроөнеркәсіптік кешен

саласындағы мемлекеттік қызметтер көрсету үшін қажетті мәліметтерді қамтитын ақпараттық жүйелерге қолжетімділікті ұсынады;

232-7) мемлекеттік қызметтер көрсету мәселелері жөніндегі бірыңғай байланыс орталығына агроөнеркәсіптік кешен саласындағы мемлекеттік қызметтер көрсету тәртібі туралы ақпарат береді;

232-8) көрсетілетін қызметті берушілердің агроөнеркәсіптік кешен саласындағы мемлекеттік көрсетілетін қызметтер стандарттарын сақтауын қамтамасыз етеді;»;

«238-1) «Қазақстан республикасындағы мемлекеттік бақылау және қадағалау туралы» Қазақстан Республикасының Заңына сәйкес тексерулер жүргізу жоспарын әзірлейді және бекітеді;»;

17-тармақта:

8-1), 9) тармақшалар мынадай редакцияда жазылсын:

«8-1) экспорттаушы елдердің құзыретті органдары ірі қара малдың импортталған асыл тұқымды өніміне (материалға) берген, оны тану ірі қара мал тұқымдары бойынша республикалық палата жүзеге асыратын асыл тұқымдық куәлікті немесе оған барабар құжатты қоспағанда, экспорттаушы елдердің құзыретті органдары импортталған асыл тұқымды өнімге (материалға) берген асыл тұқымдық куәлікті тануды жүзеге асырады;»;

«9) мал шаруашылығы саласындағы селекциялық жетістіктерді сынақтан және байқаудан өткізеді;»;

мынадай мазмұндағы 17-3) тармақшамен толықтырылсын:

«17-3) өсімдіктерді қорғау саласындағы халықаралық бағдарламаларды іске асыруға қатысады;»;

126), 162) тармақшалар мынадай редакцияда жазылсын:

«126) Қазақстан Республикасының заңнамасына сәйкес мемлекеттік ветеринариялық-санитариялық бақылауды және қадағалауды, фитосанитариялық бақылауды жүзеге асырады;»;

«162) жануарлардың аса қауіпті ауруларының профилактикасы, диагностикасы және оларды жою жөніндегі ветеринариялық іс-шараларды ұйымдастырады және қамтамасыз етеді;»;

мынадай мазмұндағы 180-1) тармақшамен толықтырылсын:

«180-1) жануарлар өсіруді, жануарларды, жануарлардан алынатын өнімдер мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп және жемшөптік қоспаларды өндіру, сақтау және өткізу жөніндегі ұйымдарға есептік нөмірлер береді;»;

184), 186) тармақшалар мынадай редакцияда жазылсын:

«184) ішкі сауда объектілерінде, жануарларды, жануарлардан алынатын өнімдер мен шикізатты өндіру, дайындау (сою), сақтау, пайдалану, қайта өңдеу және өткізу жөніндегі ұйымдарда, мемлекеттік ветеринариялық-санитариялық бақыланатын және қадағаланатын жүктерді Кеден одағының кедендік шекарасымен тұспа-тұс келетін Қазақстан Республикасының Мемлекеттік шекарасы  арқылы  тасымалдау  (орнын ауыстыру) кезінде шекаралық және

кедендік пункттерде (Кеден одағының кедендік шекарасымен тұспа-тұс келетін Қазақстан Республикасының Мемлекеттік шекарасы арқылы өткізу пункттерінде), сондай-ақ жануарлар мен құстардың аса қауіпті аурулары бойынша карантиндік аймақтарда және қолайсыз пункттерде жануарлардың жұқпалы ауруларының ошақтарын, таралуын болдырмау, жануарлардан алынатын өнімдер мен шикізаттың ветеринариялық-санитариялық қауіпсіздігін қамтамасыз ету және Қазақстан Республикасының аумағын жануарлардың аса қауіпті және экзотикалық ауруларын басқа мемлекеттерден әкелуден және олардың таралуынан қорғау бойынша Қазақстан Республикасы заңдарының, Қазақстан Республикасының Президенті жарлықтарының және Қазақстан Республикасының Үкіметі қаулыларының ветеринария саласындағы талаптарын сақтау тұрғынына күн сайынғы мемлекеттік ветеринариялық-санитариялық бақылауды және қадағалауды жүзеге асырады;»;

«186) эпизоотиялық мониторингті, эпизоотиялық ошақтар пайда болған жағдайда оларды тексеруді жүргізеді;»;

199) тармақша алып тасталсын.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Премьер-Министрі                   К.Мәсімов


Жаңалықтар тізбегі
14 Шілде 2020, 17:39
Нұрсұлтан Назарбаев «Самұрық-Қазына» ұлттық әл-ауқат қоры» АҚ басқармасының төрағасы Ахметжан Есімовті қабылдады
14 Шілде 2020, 15:59
ҚР Үкіметінің отырысы, 14.07.2020
14 Шілде 2020, 15:31
Қазақстан оқушылары үшін жаңа оқу жылы қашықтан оқыту форматында басталады - ҚР БҒМ
14 Шілде 2020, 13:12
2020 жылы электрондық еңбек биржасы арқылы 281 мыңға жуық қазақстандық жұмысқа орналасты
14 Шілде 2020, 12:54
Індет кезінде Қазақстанда 22 млн астам электронды қызмет көрсетілді - ЦДИАӨМ
14 Шілде 2020, 12:46
Қазақстанда суармалы жерлер көлемін 2030 жылға дейін 3 млн га жеткізу жоспарланған
14 Шілде 2020, 12:17
Қазақстанда импорттаушы елдер нарығына егжей-тегжейлі шолумен «экспорттық гидтер» типтік жүйесін енгізу жоспарлануда — ҚР АШМ
14 Шілде 2020, 12:02
2020 жылғы І жартыжылдықтың қорытындысы бойынша өңдеу өнеркәсібіндегі өндіріс көлемі 4,8%-ға өсті — ҚР ИИДМ
14 Шілде 2020, 11:33
2020 жылы инфляцияны 8-8,5% дәліз шегінде ұстап тұру үшін Ұлттық банк қолда бар құралдарды пайдаланады
14 Шілде 2020, 11:07
Іссапарлар мен өкілдік шығындарды қысқарту — Қаржы министрлігі мемлекеттік органдардың шығындарын қалай оңтайландырады
14 Шілде 2020, 10:59
Қазақстанда Үкімет пен Ұлттық Банктің экономикалық өсімді қалпына келтіру және халықты қолдау бойынша бірлескен жоспары қабылданады
14 Шілде 2020, 10:50
Биыл шілдеден бастап ай сайын 600 мыңнан аса қажетті дәрі-дәрмектермен қамтамасыз ету көзделген — ҚР ДСМ
14 Шілде 2020, 10:28
Үкімет шектеу шараларын а.ж. 2 тамызға дейін ұзартып, табысынан айырылуы бойынша 42 500 теңге көлеміндегі әлеуметтік төлемді жүзеге асырады
13 Шілде 2020, 18:46
14 шілде күні Үкімет үйінде Қазақстан Үкіметінің отырысы өтеді
13 Шілде 2020, 18:28
Қазақстан Президенті пандемия құрбандарын үнсіз еске алу рәсіміне қатысты
13 Шілде 2020, 17:57
Қазақстанда санитарлық-эпидемиологиялық жағдайды тұрақтандыру бойынша бірқатар маңызды шешімдер қабылданды
13 Шілде 2020, 11:31
Асхат Оралов ҚР ақпарат және қоғамдық даму вице-министрі болып тағайындалды
13 Шілде 2020, 11:15
Марат Қарабаев ҚР ИИДМ Индустриялық даму және өнеркәсіптік қауіпсіздік комитетінің төрағасы болып тағайындалды
13 Шілде 2020, 11:07
Қанат Баитов ҚР ИИДМ Индустриялық даму және өнеркәсіптік қауіпсіздік комитетінің төрағасы қызметінен босатылды
13 Шілде 2020, 10:30
ҚР Премьер-Министрі Асқар Мамин COVID-19 індетінен көз жұмған қазақстандықтардың отбасыларына көңіл айтты
12 Шілде 2020, 11:41
Ерхат Есқалиев «СК-Фармация» ЖШС басқарма төрағасы болып тағайындалды
10 Шілде 2020, 21:35
Б. Шәріп «СК-Фармация» ЖШС басқарма төрағасы қызметінен босатылды
10 Шілде 2020, 20:32
Атырау облысына жұмыс сапары: Е. Тоғжанов аймақтағы эпидемиологиялық ахуалға қатысты шұғыл жиын өткізді
10 Шілде 2020, 19:37
Қазақстан Президенті Үкіметтің кеңейтілген отырысын өткізді
10 Шілде 2020, 15:07
Үкімет 2020 жылдың бірінші жартыжылдығындағы әлеуметтік-экономикалық даму қорытындысын шығарды
09 Шілде 2020, 20:45
Форвардтық сатып алу, егіс жағдайы және азық-түлік тауарларының қоры — Қазақстанның агроөнеркәсіп саласын дамыту
09 Шілде 2020, 16:13
COVID-19 бойынша жедел штаб өңірлердегі жағдайды бақылауда ұстауда
08 Шілде 2020, 19:25
Үкіметтің дағдарысқа қарсы шаралары: экономика өсімін қалпына келтіру және ШОБ-ты қолдау
08 Шілде 2020, 18:30
Мемлекет басшысы «Астана» халықаралық қаржы орталығының Соты Төрағасының ант беру рәсіміне қатысты
07 Шілде 2020, 18:40
Айгүл Шайымова ҚР ұлттық экономика вице-министрі қызметіне тағайындалды
07 Шілде 2020, 18:35
Мәдина Жүнісбекова ҚР ұлттық экономика вице-министрі қызметінен босатылды
07 Шілде 2020, 18:29
Нариман Мұқышев ҚР еңбек және халықты әлеуметтік қорғау вице-министрі қызметінен босатылды
07 Шілде 2020, 18:20
Пандемия жағдайында АХҚО қаржы нарықтарының даму көрсеткіштері қалай өзгерді
07 Шілде 2020, 12:10
Ақылы трассалардың пайда болуы, жолдарды жөндеу және күтіп ұстау, жаңа технологияларды енгізу — Автомобиль жолдары комитетінің төрағасы С. Бармақовпен сұхбат
06 Шілде 2020, 20:15
Инвестиция тарту, ауқымды құрылыс жұмыстары және әлемде танылу — Қазақстанның бас қаласы қалай дамуда
05 Шілде 2020, 09:55
Видеодайджест: «Аптаның айшықты оқиғалары» №68
05 Шілде 2020, 09:37
Мемлекет басшысы Қасым-Жомарт Тоқаев Ұлттық домбыра күнімен құттықтады
04 Шілде 2020, 21:26
Ежелгі Түркістанның жаңғыруы мен қайта өрлеуі — түркі әлемінің рухани астанасы ретінде қалыптасудың жаңа кезеңі
03 Шілде 2020, 13:58
Мемлекет басшысы Тұңғыш Президент – Елбасы Н. Ә. Назарбаевқа арналған монументтің ашылу рәсіміне қатысты
03 Шілде 2020, 09:16
Қазақстан Республикасының Тұңғыш Президенті – Елбасы Н. Ә. Назарбаевтың Қазақстан халқына Үндеуі
02 Шілде 2020, 16:42
Келісім жасасудың жаңа форматы және қашықтан білім беруге көшу — пандемия кезеңінде әлемдік экономиканы онлайн-талқылау қалай өтті
02 Шілде 2020, 12:07
Мемлекеттік комиссия ҚР-дағы эпидемиологиялық жағдайды тұрақтандыру жөніндегі шараларды бекітті 
01 Шілде 2020, 17:42
Қазақстан Республикасы Үкіметінің 2020 жылғы 1 шілдедегі №417 Қаулысы
01 Шілде 2020, 12:04
Astana Finance Days: сарапшылар пост-пандемия дәуіріндегі ислам қаржысы мен финтех индустриясының мүмкіндіктері мен сын-тегеуріндері туралы айтты
30 Маусым 2020, 17:49
ҚР Премьер-Министрі А. Мамин Еуразиялық даму банкі Кеңесінің отырысын өткізді
30 Маусым 2020, 16:19
ҚР Премьер-Министрі А. Мамин РФ Үкіметінің Төрағасы М. Мишустинмен телефон арқылы сөйлесті
30 Маусым 2020, 15:27
2020 жылдың басындағы жағдай бойынша айналымда 30 млн-нан астам төлем карточкасы бар — М. Әбілқасымова
30 Маусым 2020, 13:22
ҚР Үкіметінің отырысы, 30.06.2020
30 Маусым 2020, 13:18
АТ-мамандарға деген жыл сайынғы қажеттілік 30 мыңнан астам адамды құрайды — ҚР ЦДИАӨМ
30 Маусым 2020, 11:18
АХҚО EduTech орталығын және Білім беру АТ Альянсын құруды ұсынады
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.