Әбдірахманов Қайрат Құдайбергенұлы

Қ. Әбдірахманов 1964 жылғы 21 сәуірде дүниеге келген.

Әл-Фараби атындағы Қазақ ұлттық университетін (тарих факультеті) тәмамдаған. Ағылшын тілін меңгерген.

2016 жылғы 28 желтоқсанда Қазақстан Республикасының сыртқы істер министрі болып тағайындалды.

2013 жылғы 26 қарашадан бастап 2016 жылғы 28 желтоқсанға дейін Қазақстан Республикасының Біріккен Ұлттар Ұйымы жанындағы Тұрақты өкілі қызметін атқарды.

2011-2013 - Қазақстан Республикасының Аустрия Республикасындағы Елшісі – Вена қаласындағы Халықаралық ұйымдар жанындағы Тұрақты өкілі.

2008-2011 - Қазақстан Республикасының Еуропадағы Қауіпсіздік және Ынтымақтастық Ұйымы (ЕҚЫҰ) жанындағы Тұрақты өкілі.

2007-2008 - Қазақстан Республикасының Аустрия Республикасындағы Елшісі – Вена қаласындағы Халықаралық ұйымдар жанындағы Тұрақты өкілі.

2006-2007 - Қазақстан Республикасы сыртқы істер министрінің орынбасары.

2003-2006 - Қазақстан Республикасының Израиль мемлекетіндегі Елшісі.

2001-2003 - Қазақстан Республикасының Ұлыбритания және Солтүстік Ирландия Құрама Корольдігіндегі Елшілігінің кеңесші-уәкілі.

1999-2001 - Қазақстан Республикасының сыртқы істер вице-министрі.

1998-1999 - ҚР СІМ Екіжақты ынтымақтастық департаментінің директоры.

1994-1998 - ҚР СІМ Азия, Таяу Шығыс және Африка департаментінің басқарма басшысы, директорының орынбасары және директоры.

1993-1994 - ҚР Сыртқы істер министрлігіндегі қызметке кірісті. ҚР СІМ Еуропа департаментінің үшінші, екінші хатшысы.

1987-1993 – Қазақ ұлттық техникалық университетінде тарих пәнінің лекторы, Әл-Фараби атындағы Қазақ ұлттық университетінің аспиранты.

«Құрмет» және «Парасат» ордендерімен марапатталған. Төтенше және Өкілетті Елші дипломатиялық дәрежесіне ие.

Үйленген, екі баласы бар.  

Тұлғаға қатысты материалдар