Қазақстан Республикасының Премьер-Министрі

Қосымшаны iOS-қа жүктеп алу

Қазақстан Республикасының Премьер-Министрі

Қосымшаны Android-қа жүктеп алу

Рүстем Құрманов ҚР ауыл шаруашылығы вице-министрі болып тағайындалды

25 шілде 2017, 13:50
Фото: primeminister.kz

ҚР Үкіметінің қаулысымен Құрманов Рүстем Жомартұлы Қазақстан Республикасының ауыл шаруашылығы вице-министрі қызметіне тағайындалды. Бұл туралы Primeminister.kz сайты хабарлайды.

Р. Ж. Құрманов 1981 жылы Солтүстік Қазақстан облысында дүниеге келген.

2003 – 2004 жылдары Қазақстан Республикасы Ауыл шаруашылығы министрлігінің агроөнеркәсіп кешеніндегі мемлекеттік инспекция комитетінің Ақмола облыстық аумақтық басқармасында жетекші маман міндетін атқарушы, жетекші маман қызметін атқарған.

2004 – 2006 жылдары Қазақстан Республикасы Ауыл шаруашылығы министрлігінің агроөнеркәсіп кешеніндегі мемлекеттік инспекция комитетінің Ақмола облыстық аумақтық басқармасында бас маман болып қызмет істеген.

2006 – 2009 жылдары Қазақстан Республикасы Ауыл шаруашылығы министрлігінің агроөнеркәсіп кешеніндегі мемлекеттік инспекция комитетінің Ақмола облыстық аумақтық басқармасында бөлім басшысы болып қызмет атқарған.

2009 – 2011 жылдары Қазақстан Республикасы Ауыл шаруашылығы министрлігі басқармасының басшысы лауазымында болған.

2011 – 2012 жылдары Қазақстан Республикасы Ауыл шаруашылығы министрлігінің агроөнеркәсіп кешеніндегі мемлекеттік инспекция комитетінде департамент директоры лауазымын атқарған.

2012 – 2013 жылдары Қазақстан Республикасы Ауыл шаруашылығы министрлігінде Департамент директоры қызметін атқарған.

2013 – 2015 жылдары ҚР Ауыл шаруашылығы министрлігінің Ветеринарлық бақылау және қадағалау комитетінің төрағасы қызметін атқарған, «А» корпусы.

2015 – 2016 жылдары Қазақстан Республикасы Ұлттық кәсіпкерлер палатасы Агроөнеркәсіп кешені комитеті хатшылығының хатшысы лауазымын атқарған.

2016 – 2017 жылдары Қазақстан Республикасы Ұлттық кәсіпкерлер палатасының агроөнеркәсіптік кешен және тамақ өнеркәсібі департаментінің атқарушы директоры – директоры қызметін атқарған.

2017 жылы Қазақстан Республикасы ауыл шаруашылығы министрінің кеңесшісінің м.а., Қазақстан Республикасы ауыл шаруашылығы министрінің кеңесшісі ретінде еңбек еткен.