Доминикан Республикасы ЭКСПО-2017-ге қатысу туралы шартқа қол қойды

28 желтоқсан 2016, 12:00
Фото: expo2017astana.com

Санто-Домингода Доминикан Республикасының Астанадағы ЭКСПО-2017 халықаралық мамандандырылған көрмесіне қатысуы туралы шартқа қол қоюының ресми рәсімі өтті. 

Шартқа қол қоюға қазақстан тарапынан Қазақстанның Канада мен Доминикан Республикасындағы елшісі Константин Жигалов, Доминикан тарапынан - сыртқы істер министрі Мигель Варгас пен ұлттық секция комиссары Ханс Данненберг (Доминикан Республикасының Үндістан мен Қазақстандағы елшісі) қатысты.

К. Жигалов жиналғандарды Астанадағы ЭКСПО-2017-ге дайындықтың ауқымды жұмыстары туралы ақпараттандырып, Доминикан басшылығының көрмеге қатысуы Қазақстан-Доминикан қарым-қатынасының оң ширақ дамуынан көрініс табатынын айтып өтті. Қазақстан елшісі М. Варгасқа өзінің Қазақстанға алғашқы сапарын көрмеге қатысуға келумен байланыстыруын ұсынды. 

М. Варгас Доминикан Республикасының Қазақстанды өңірдегі басты серіктес ретінде қарастыратынын және энергетика саласындағы , соның ішінде жаңғыртылатын энергия саласындағы ынтымақтастық екі елдің келешегі зор, өзара тиімді әріптестігінің маңызды бағыттарының бірі екенін атап өтті. Доминикан Республикасының Астанадағы ЭКСПО-2017-ге қатысуы тек «жасыл энергетика» өндірісіндегі тәжірибе алмасуға ғана ықпал етпей, сонымен қатар, екі ел арасындағы сауда-экономикалық, инвестициялық және мәдени-гуманитарлық байланыстардың дамуына да қосымша септігін тигізеді. 

Доминикан Республикасының сыртқы істер министрі Латын Америкасы өңірінің елдері үшін «Болашақ энергиясы» тақырыбының өзекті екенін айтып, елдің Астанадағы ЭКСПО-2017-дегі делегациясына өзі жетекшілік етуге ниетті екенін білдірді.