Жылыту маусымында көмір тиеу үшін ашық вагондар жеткілікті — ҚР ИИДМ

Өткен жылдары көмір тасымалдауға арналған парк 2 мың ашық вагонға жаңартылды, деп мәлімдеді ҚР Индустрия және инфрақұрылымдық даму министрлігінің Көлік комитеті төрағасының орынбасары Жәнібек Тайжанов ҚР Үкіметінде өткен баспасөз конференциясында.

Оның айтуынша, бүгінде қазақстандық оператордың теңгерімінде тұрған парк 58 мың бірлікті құрайды. Жылыту маусымына 30 мыңнан астам ашық вагон жұмылдырылған, олардың басым бөлігі 60%-ы — ҚТЖ ұлттық операторының вагондары.

«Жылу беру маусымына дайындық аясында бұл ашық вагондар жөнделді – бұл 2785 және күрделі жөндеу аясында – 715 ашық вагон», — деді Ж. Тайжанов.

Көлік комитеті төрағасының орынбасары атап өткендей, қазіргі кезде ашық вагондардың тозуына қатысты жағдай шамамен 45% құрайды.

«Жаңарту тұрғысынан, соңғы жылдары “Нұрлы жол” бағдарламасының арқасында 2100-ге жуық ашық вагон сатып алынды. Бүгінгі таңда жылу беру маусымында көмір тасу бойынша ашық вагондар жетіспеушілігі жоқ», — деді ол.

Сонымен қатар, Ж. Тайжанов Қазақстанда ТМД елдері арасында көмірді жеткізу тарифі басқа елдермен салыстырғанда ең төмені екенін айтты.

«Бүгінде көмір бекітілген тарифтерге сәйкес әлеуметтік маңызды жүк болып саналады. Жалпы алғанда, көмір бағасындағы көлік құрауышы соншалықты үлкен емес. Меншік иесі енгізе алатын өзгерістерге байланысты өсім 2-ден 10% аралығында», — деп толықтырды Ж. Тайжанов.

Айта кету керек, биыл жылыту маусымына дайындық басталғаннан бері Қазақстан ішінде темір жол көлігімен 33,8 млн тонна көмір тасымалданды, бұл өткен жылыту маусымындағы жоспар көрсеткішінен 3%-ға артық.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу