Қазақстан Республикасының Премьер-Министрі

Қосымшаны iOS-қа жүктеп алу

Қазақстан Республикасының Премьер-Министрі

Қосымшаны Android-қа жүктеп алу

Бақытжан Сағынтаев шетелдегі қазақстандық туристерге қатысты жағдайды айрықша бақылауда ұстауды тапсырды

10 қаңтар 2017, 11:07
Фото: primeminister.kz

Ресми күн тәртібін қарастырмас бұрын ҚР Премьер-Министрі жыл басында түрлі себептермен еліне орала алмай қалған қазақстандық азаматтарға қатысты мәселеге тоқталды. Атап айтқанда, Түркия мен БАӘ-ге қатысты, онда ауа райы жағдайына байланысты әуе рейстері кейінге қалдырылған болатын.

Инвестициялар және даму министрі Жеңіс Қасымбек қалың тұман мен нашар көрінуге байланысты Шарджа және Дубай қалаларынан әуе рейстері кейінге қалдырылғанын баяндады. Соның нәтижесінде Қазақстанға бағыт алған 500-ге жуық адам зардап шекті. Аталған мәселені шешу үшін ҚР СІМ-мен бірлесе отырып, әуе компаниялары мен туроператорлар жедел штаб құрды.

«Біз алғаш рет қазақстандық азаматтардың көшпелі туризм саласындағы құқықтарына кепілдік беру жүйесінің тетіктерін іске қостық. 31 желтоқсанда «Туристік Қамқор» корпоративтік қорының кепілдігімен 300 жолаушыны шұғыл алып келу ұйымдастырылды, қалған жолаушылар қалған әуе компанияларының тұрақты рейстерімен жеткізілді. Күту кезінде оларға қонақ үй мен тамақ ұсынылды. Әуе компаниясының мәліметінше кейінге қалдырылған рейстердің барлық жолаушыларына тарифтің толық құны өтеледі», - деп хабарлады Ж. Қасымбек.

Сондай-ақ, министр Ыстамбұл қаласының әуежайындағы жағдай бойынша есеп берді, онда қалың қар түсуіне байланысты Қазақстанға бірқатар рейстер кейінге қалдырылды. Соның нәтижесінде 900-ге жуық адам зардап шекті, олардың 600-ы қолайлы ауа райы кезінде жеткізілсе, тағы 300 адам қазіргі уақытта әуежайда. Қазақстан тарапы оларды тамақпен және қонақ үймен қамтамасыз ету шараларын қабылдауда.

Премьер-Министр Б. Сағынтаев инвестициялар және даму министрлігі мен сыртқы істер министрлігіне аталған мәселені айрықша бақылауда ұстауды тапсырды. 

1/1