02 Қараша 2016, 14:42
«Қазақстан Республикасында атом электр станцияларын салу жөніндегі бірінші кезектегі іс-шаралар жоспарын бекіту туралы» Қазақстан Республикасы Премьер-Министрінің 2014 жылғы 4 мамырдағы № 60-ө өкіміне өзгерістер мен толықтыру енгізу туралы
«Қазақстан Республикасында атом электр станцияларын салу жөніндегі бірінші кезектегі іс-шаралар жоспарын бекіту туралы» Қазақстан Республикасы Премьер-Министрінің 2014 жылғы 4 мамырдағы № 60-ө өкіміне мынадай өзгерістер мен толықтыру енгізілсін:
2 және 3-тармақтар мынадай редакцияда жазылсын:
«2. Қазақстан Республикасының Энергетика министрлігі «Самұрық-Қазына» ұлттық әл-ауқат қоры» акционерлік қоғамымен (келісім бойынша) бірлесіп, осы өкімнен туындайтын қажетті шараларды қабылдасын.
3. Осы өкімнің орындалуын бақылау Қазақстан Республикасы Премьер-Министрінің бірінші орынбасары А.Ұ. Маминге жүктелсін.»;
көрсетілген өкіммен бекітілген Қазақстан Республикасында атом электр станцияларын салу жөніндегі бірінші кезектегі іс-шаралар жоспарында:
реттік нөмірі 3 және 4-жолдар мынадай редакцияда жазылсын:
3 | Экологиялық заңнама талаптарын ескере отырып, Шығыс Қазақстан облысы Курчатов қаласының және Алматы облысының Жамбыл ауданы Үлкен кентінің аудандарында атом электр станцияларын салу бойынша жобалау алды (техникалық-экономикалық негіздемелер) құжаттамасын әзірлеу |
Атом электр станцияларын салудың ТЭН-і |
2018 жыл | «Қазатомөнеркәсіп» ҰАК» АҚ, «Қазақстандық атом электр станциялары» АҚ» (келісім бойынша) |
4 | Техникалық-экономикалық негіздемелер нәтижелерінің негізінде атом электр станцияларын салу бойынша Үкімет шешімінің жобасын дайындау | Қазақстан Республикасының Үкіметі шешімінің жобасы | 2018 жыл | ЭМ және мүдделі мемлекеттік органдар |
Ескертпеде:
аббревиатуралардың толық жазылуында:
«ИЖТМ – Қазақстан Республикасы Индустрия және жаңа технологиялар министрлігі» деген жол мынадай редакцияда жазылсын:
«ЭМ – Қазақстан Республикасының Энергетика министрлігі»;
мынадай мазмұндағы жолмен толықтырылсын:
«Қазатомөнеркәсіп» ҰАК» АҚ» – «Қазатомөнеркәсіп» ұлттық атом компаниясы» акционерлік қоғамы».
Премьер-Министр Б.Сағынтаев
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу