Қазақстан Республикасының Премьер-Министрі

Қосымшаны iOS-қа жүктеп алу

Қазақстан Республикасының Премьер-Министрі

Қосымшаны Android-қа жүктеп алу

Бақытжан Сағынтаев Пәкістан Ислам Республикасының Президенті Мамнун Хуссейнмен кездесу өткізді

09 қыркүйек 2017, 18:00
Фото: primeminister.kz

Бүгін Астанада Қазақстан Республикасының Премьер-Министрі Бақытжан Сағынтаев Пәкістан Ислам Республикасының Президенті Мамнун Хуссейнмен кездесу өткізді.

Кездесу барысында екі елдің сауда-экономикалық, ғылыми-техникалық, мәдени-гуманитарлық қатынастар, сондай-ақ, отын-энергетикалық кешен, ауыл шаруашылығы, денсаулық сақтау салаларындағы ынтымақтастығын нығайту мәселелері талқыланды.

Өзара іс-қимылдың басымдықты бағыттары ретінде тау-кен өндірісі, түсті металлургия, машина жасау, энергетика, жеңіл өнеркәсіп, көлік және коммуникациялар салалары аталды.

Шанхай ынтымақтастық ұйымы кеңістігінің халықаралық көлік-логистика жүйесіне ықпалдасуы тұрғысынан Қазақстанның «Нұрлы жол» жаңа экономикалық бағдарламасы мен «Жібек жолының экономикалық белдеуі» қытай бастамасын іске асыру тақырыбы қозғалды.

Анықтама:

Қазақстанның Пәкістанмен тауар айналымының көлемі 2016 жылдың қорытындысы бойынша 25,5 млн долларды құрады. Қазақстанның Пәкістанға экспорт көлемі 2,7 млн долларды құрады.

2017 жылдың қаңтар-сәуір айларында ҚР мен ПИР арасындағы тауар айналымы 16,9 млн долларды құраған. Сонымен қатар Қазақстаннан Пәкістанға тауар экспорты 4,9 млн долларға тең болған.