Қазақстан Республикасының Премьер-Министрі

Қосымшаны Android-қа жүктеп алу

Бақытжан Сағынтаев Бәсекеге қабілеттілік жөніндегі сараптама кеңесінің отырысын өткізді

01 наурыз 2018, 17:32
Фото: primeminister.kz

Бүгін Үкімет үйінде ҚР Премьер-Министрі Бақытжан Сағынтаевтың төрағалығымен Бәсекеге қабілеттілік жөніндегі сараптама кеңесінің отырысы өтті.

Отырыста қазақстандық мұнай сервисінің бәсекеге қабілеттілігін арттыру, ТКШ дамыту, сондай-ақ кедендік реттеуді жетілдіру мәселелері қаралды.

Талқылауға ҚР Премьер-Министрінің орынбасарлары Е. Досаев пен А. Жұмағалиев, қаржы министрі Б. Сұлтанов, энергетиканың бірінші вице-министрі М. Досмұхамбетов, инвестициялар және даму вице-министрі Қ. Өскенбаев, сондай-ақ Сараптама кеңесінің мүшелері: «Сентранс» АҚ директорлар кеңесінің төрағасы Е. Әбдіразақов, Globalink Logistics Group бас директоры С. Хан, Raimbek Group директорлар кеңесінің төрағасы Р. Баталов, PWC өкілі Н. Ефимчук, «Қазақстан темір жолы» ҰК басқарма төрағасы Қ. Алпысбаев, Astana Group президенті Н. Смағұлов, «Атамекен» ҰКП төрағасының орынбасары Д. Жүнісова қатысты.



Қазақстан Премьер-Министрі мен Үкіметі жаңалықтарынан хабардар болыңыз — ресми Telegram-арнаға жазылыңыз