Қазақстан Республикасының Премьер-Министрі

Қосымшаны Android-қа жүктеп алу

Жапония ЭКСПО-2017-ге қатысу туралы шартқа қол қойды

07 қараша 2016, 14:37
Фото: mfa.gov.kz

Токиода Жапонияның «ЭКСПО-2017» Халықаралық мамандандырылған көрмесіне қатысуы туралы шартқа қол қойылды.

Құжатқа «Астана ЭКСПО-2017» ҰК» АҚ басқармасының төрағасы Ахметжан Есімов пен Көрменің жапондық секциясының Комиссары Томиясу Накамура қол қойды.

Ұлттық компания басшысы Жапонияның Көрмеге қатысуын алғашқы болып растаған елдердің бірі екендігін атап өтті. А. Есімов Астана қаласында «Болашақ энергиясы» тақырыбында ЭКСПО-2017 көрмесін өткізу бастамасына қолдау көрсеткендіктері үшін жапондық тарапқа алғыс білдірді.

«Жапонияның осындай іс-шаралар өткізудегі Осака, Цукуба және Аичи қалаларындағы ЭКСПО көрмелері кезінде көрсеткен іс-тәжірибесі мен табысы біз үшін Көрмені сапалы ұйымдастырудың жарқын мысалы болып табылады», - деді А. Есімов.

Өз кезегінде Жапония секциясының комиссары баламалы энергетика облысында алдыңғы қатардағы орындардың бірінде тұрған ел ретінде Жапония ЭКСПО-2017 көрмесінде өзінің ЖЭК саласындағы ең тамаша жетістіктерімен таныстыратындығын мәлімдеді.

«ЭКСПО-2017 біздің мемлекетіміздің жаңартылатын энергия көздері облысындағы ғылыми әлеуетімен таныстыруға арналған алаңға айналады және осы саладағы көпжақты әріптестіктің дамуына түрткі болады, - деп мәлімдеді Т. Накамура.

Естеріңізге сала кетейік, «Астана ЭКСПО-2017» Халықаралық мамандандырылған көрмесіне қатысушы елдердің тізімін жасау процедурасы екі кезеңнен тұрады – көрмеге қатысуды ресми түрде растау, содан кейін қатысу шартына қол қою.