Қазақстан Республикасының Премьер-Министрі

Қосымшаны Android-қа жүктеп алу

Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды

13 наурыз 2019, 21:05
Батыс Қазақстан облысы
Фото: primeminister.kz

Елбасының «Әлеуметтік қамқорлық» жаңа әлеуметтік шараларын түсіндіру мақсатымен өңірлерге сапарларды жалғастыру аясында Премьер-Министрдің орынбасары Гүлшара Әбдіқалықова Батыс Қазақстан облысының жұртшылығымен кездесті, сондай-ақ азаматтарды жеке қабылдап, жергілікті тұрғындарды, оның ішінде аз қамтылған отбасыларды толғандыратын мәселелермен танысты.

Облыс жұртшылығымен кездесу барысында Елбасының «Әлеуметтік қамқорлық» жаңа әлеуметтік шаралары талқыланды, атап айтқанда, Г. Әбдіқалықова азаматтарды халықтың әл-ауқатын жақсарту мен табысын өсіру, сондай-ақ халықтың мұқтаж санаттары үшін мемлекеттік қолдау шараларын күшейту бойынша жүргізіліп жатқан жұмыстар туралы хабардар етті. Өз кезегінде, еңбек және халықты әлеуметтік қорғау министрі Б. Сапарбаев аз қамтылған және көп балалы отбасыларды қолдау туралы мәлімдеді. Мәселен, 1 сәуірден бастап балаларға 20 789 көлемінде атаулы әлеуметтік көмекті төлеу басталады. Кездесу қорытындысы бойынша Г. Әбдіқалықова азаматтарды жеке қабылдап, облыс басшылығына халықтың жеткізген мәселелері мен ұсыныстарын пысықтауды тапсырды.

Сонымен қатар, денсаулық сақтау министрі Е. Біртановтың жетекшілігімен жұмыс тобы Ақсай қаласына, Теректі және Тасқала аудандарына барып, аудандық ауруханаларды аралап, азаматтар үшін жеке қабылдаулар өткізді.

Бұған қоса, Орал қаласында білім және ғылым министрі К. Шәмшидинова мектептер мен колледждердің педагог қызметкерлерінің ұжымдарымен кездесу өткізіп, азаматтарды жеке қабылдады, онда білім беру жүйесін жетілдіруге қатысты ата-аналардың өзекті сұрақтарына жауап берді.

Батыс Қазақстан облысындағы бірінші жұмыс күнінің соңында Г. Әбдіқалықова аудандардың, қала түзуші кәсіпорындардың, кәсіподақтық ұйымдардың басшыларымен кеңес өткізді. Онда ұжымдық еңбек дауларының алдын алу және оларды ескерту, төмен жалақы алатын жұмысшылардың еңбек ақысын арттыру мәселелері талқыланды. Сонымен қатар, жұмыс берушілердің, ең алдымен, жұмысшылардың аз қамтылған санатының тұрғын үй мәселелерін шешуге қатысты әлеуметтік жауапкершілігіне ерекше көңіл бөлінді.

Еске сала кетейік, бұған дейін үкіметтік жұмыс тобы Атырау облысында болды, онда өңір халқымен ақпараттық-түсіндіру жұмыстары жүргізілді. Топ құрамына еңбек және халықты әлеуметтік қорғау министрі Б. Сапарбаев, білім және ғылым министрі К. Шәмшидинова, денсаулық сақтау министрі Е. Біртанов, Құрылыс және тұрғын үй-коммуналдық шаруашылық істері комитетінің төрағасы М. Жайымбетов, Орман шаруашылығы және жануарлар дүниесі комитетінің төрағасы Қ. Рыскелдинов, журналистер мен блогерлер кіргенін айта кеткен жөн.

Батыс Қазақстан облысы бойынша жұмыс сапары ертең жалғасады. Бәйтерек ауданының Переметное ауылына бару жоспарланған, онда Халықты жұмыспен қамту орталығы мен аудандық ХҚКО жұмысы тексеріледі. Бұдан кейін топ жұмысы Ақтөбе облысында жалғасады.

Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
1/7
Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
2/7
Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
3/7
Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
4/7
Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
5/7
Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
6/7
Тұрғындармен кездесу және азаматтарды жеке қабылдау: үкіметтік жұмыс тобы Батыс Қазақстан облысына барды
7/7