Қазақстан Республикасының Премьер-Министрі

Қосымшаны Android-қа жүктеп алу

Ауыл шаруашылығы жалпы өнімінің көлемі ағымдағы жылдың бірінші жартыжылдығында 3,1% өсті

20 шілде 2017, 12:10
Солтүстік Қазақстан облысы
Фото: primeminister.kz

Бүгін ҚР Премьер-Министрі Бақытжан Сағынтаевтың Солтүстік Қазақстан облысына жұмыс сапары аясында Қызылжар ауданы Новоникольск ауылында Ақмола, Солтүстік Қазақстан, Қостанай, Қарағанды, Павлодар облыстарының ауыл шаруашылығы тауарларын өндірушілерімен кездесу өтті.

Кездесу барысында ҚР Премьер-Министрінің орынбасары – ауыл шаруашылығы министрі А. Мырзахметов бірінші жартыжылдықтағы АӨК дамыту мемлекеттік бағдарламасын іске асыру қорытындылары туралы баяндады.

Үкімет қабылдаған субсидиялау шаралары мен жаңа тетіктері нәтижесінде ағымдағы жылдың бірінші жартыжылдығында ауыл шаруашылығы жалпы өнімінің көлемі 3,1%, ал азық-түлік өндірісі – 7,5% өсті.

Астық саласының рентабельділігін арттыру бойынша қабылданған шаралар 2017 жылы сапалы тұқымдар егісін 1,5 есеге арттыруға мүмкіндік берді. Элиталық тұқымдарды пайдалану 40% өсті, ал сапасы төмен тұқымдарды пайдалану 2 есеге қысқарды.

Тұқым шаруашылығының материалдық-техникалық базасын түбегейлі жақсарту үшін 2018 жылдан бастап тұқым өсіретін техникаға шығынның орнын толтыру нормативтерін 50% дейін арттыру жоспарланған. А. Мырзахметовтың айтуынша, бұл таяу үш жылда техникаға деген қажеттілікті толық қамтуға мүмкіндік береді.  

Бұдан өзге, А. Мырзахметов ет өндірісінің бірінші жартыжылдықтың қорытындысы бойынша 5,2%, сүттің – 2,9% өскенін атап өтті. Аталған өсім ауылда кооперацияларды енгізу бойынша ынталандыратын шаралар есебінен, сондай-ақ мал шаруашылығын субсидиялаудың тиімділігін арттыру есебінен қамтамасыз етілді.

Мал шаруашылығын мемлекеттік қолдаудың өзгертілген қағидаттары сол қаражат аясында субсидиялар алушыларды қамтуды бірнеше есеге арттыруға мүмкіндік берді. Егер бұған дейін сиыр еті бойынша субсидияларды өнеркәсіптік бордақылаумен айналысатын 175 тауар шаруашылығы алса, бүгінде қамту 522 шаруашылықты немесе 100% құрады. Нәтижесінде сиыр еті өндірісінің 40% өсімі күтілуде.

2017 жылғы 1 шілдедегі жағдай бойынша 326 жоспар кезінде 487 кооператив құрылды. Оның ішінде 168 – сүт бойынша, 261 – ет бойынша.

26,2 мың бас ірі қара малға 1580 отбасылық бордақылау алаңдары құрылды. Ауыл шаруашылығы өнімдерінің тауарлы өндірісіне 53,5 мың ӨҚШ және ұсақ фермер шаруашылығы тартылды. Бүгінгі таңда кооперативтер 25 мың тонна сүт пен 8 мың тонна ет дайындап қойды.