Күрделі су тасқыны жағдайына жедел ден қою үшін 20 мыңнан астам құтқарушы әзірлікке келтірілді - ҚР ТЖМ

«Біздің Министрлік күрделі су тасқыны жағдайына жедел ден қою үшін саны  23 мыңнан астам адам мен 3 мың бірлік техникадан тұратын барлық құтқару бөлімшелерін әзірлікке келтірді… Үкімет тапсырмасына сәйкес облыстардың, Астана және Алматы қалаларының мәслихаттары ағымдағы жылы тасқынға қарсы іс-шараларға жергілікті бюджетті 5,4 млрд. теңгеден 14,5 млрд. теңгеге дейінұлғайтты», - деді В.Петров.

Сонымен қатар, ол мемлекеттік органдар қардың еруіне, өзендердің ашылуына, су құйылуына бақылауды және тасқын жағдайына ғарыш мониторингін; сел-, сырғыма- және көшкін қауіпті учаскелерге үздіксіз бақылауды тұрақты негізде жүргізетінін атап өтті.
 

Комиссия 759 гидротехникалық құрылысты тексерді, су жайылу кезеңіне аса қауіпті акваторийлерді патрульдеу ұйымдастырылды; мұз кептелісін жою үшін  жанар-жағармай мен инертті материалдар, жарылғыш заттар қоры жасалды.

Сонымен қатар, елді мекендерден 6 млн. текше метр қар шығарылды және су өткізу инженерлік құрылыстары мен арық-арна жүйелері тазартылды. 

Айта кету керек, Алматы, Шығыс Қазақстан, Жамбыл және Қарғанды облыстарындағы қауіпті учаскелерде 8 бірлік мамандандырылған қар жинаушы техника еліміздің мемлекеттік материалдық резервінен броньнан шығарылды және ТЖМ бөлімшелеріне бекітілді.