Қазақстан Республикасы Үкіметінің 2024 жылғы 29 тамыздағы №711 қаулысы

«Қазақстан Республикасы Ұлттық экономика министрлігінің мәселелері» туралы Қазақстан Республикасы Үкіметінің 2014 жылғы 24 қыркүйектегі №1011 қаулысына толықтырулар енгізу туралы

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Ұлттық экономика министрлігінің мәселелері» туралы Қазақстан Республикасы Үкіметінің 2014 жылғы 24 қыркүйектегі №011 қаулысына мынадай толықтырулар енгізілсін:

көрсетілген қаулымен бекітілген Қазақстан Республикасы Ұлттық экономика министрлігі туралы ережеде:

15-тармақ:

мынадай мазмұндағы 17-1) тармақшамен толықтырылсын:

«17-1) орнықты даму мақсаттарын іске асыру қызметін үйлестіру;»;

мынадай мазмұндағы 100-2) тармақшамен толықтырылсын:

«100-2) стратегиялық объектілердің меншік иелерінің (құқық иеленушілерінің), оңалтуды немесе банкроттықты басқарушылардың стратегиялық объектіге ауыртпалық салу не оларды иеліктен шығару туралы өтініштерін қарау тәртібін әзірлеу;»;

мынадай мазмұндағы 105-2), 105-3) және 105-4) тармақшалармен толықтырылсын:

«105-2) Қазақстан Республикасының Әкімшілік рәсімдік-процестік кодексіне сәйкес жеке және заңды тұлғалардың өтініштерін өз құзыреті шегінде қарау;

«105-3) Қазақстан Республикасының Әкімшілік рәсімдік-процестік кодексіне сәйкес Қазақстан Республикасы азаматтарының петицияларын өз құзыреті шегінде қарау;

105-4) цифрлық трансформация жүргізу;»;

мынадай мазмұндағы 121-1) және 121-2) тармақшалармен толықтырылсын:

«121-1) облыстар, республикалық маңызы бар қалалар және Астана әкімдерінің орынбасарлары мен аппарат басшылары үшін міндеттерді (қызметтің функционалдық бағыттарын) бөлуді мемлекеттік қызмет істері жөніндегі уәкілетті органмен бірлесіп әзірлеу және бекіту;

121-2) орталық мемлекеттік органдардың (Қазақстан Республикасы Президентінің Әкімшілігін, Қазақстан Республикасы Үкіметінің Аппаратын қоспағанда) және жергілікті атқарушы органдардың штат санының лимиттерін ұлғайту жөніндегі ұсыныстарға Қазақстан Республикасының Үкіметі қорытындысының жобасын дайындау;»;

мынадай мазмұндағы 154-1) тармақшамен толықтырылсын:

«154-1) автоматтандыруға жататын және жатпайтын рұқсаттар тізбесін бекіту туралы ақпараттандыру саласындағы уәкілетті органмен бірлескен бұйрықты
бекіту;»;

мынадай мазмұндағы 231-1) тармақшамен толықтырылсын:

«231-1) ерікті мүшелікке (қатысуға) негізделген өзін-өзі реттейтін ұйыммен қызмет нәтижелерін тану туралы келісім жасасу қағидаларын әзірлеу және бекіту;».

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының

Премьер-Министрі                                                                      О. Бектенов