ҚР Президенті бірқатар кадрлық өзгерістер жасады

Бүгін Қазақстан Президенті Қасым-Жомарт Тоқаев кадрлық өзгерістер жасады. Бұл туралы Ақорданың баспасөз қызметі хабарлайды. 

Мемлекет басшысының Жарлықтарымен:

• Ерұлан Кенжебекұлы Жамаубаев басқа жұмысқа ауысуына байланысты Қазақстан Республикасы Президентінің көмекшісі қызметінен босатылды;

• Тимур Мұратұлы Сүлейменов ҚР Президентінің көмекшісі болып тағайындалды.

Президент Өкімдерімен:

• Тимур Мұратұлы Сүлейменов басқа жұмысқа ауысуына байланысты ҚР Ұлттық Банкі Төрағасының орынбасары қызметінен босатылды;

• Айдос Ыдырысұлы Үкібай басқа жұмысқа ауысуына байланысты ҚР Президентінің Баспасөз хатшысы қызметінен босатылды;

• Берік Уәлиұлы Құрманғали ҚР Президентінің Баспасөз хатшысы қызметіне тағайындалды.