ҚР Президенті бірқатар кадрлық өзгерістер жасады

Бұл туралы Ақорданың баспасөз қызметі хабарлайды. 

Мемлекет басшысы Қасым-Жомарт Тоқаевтың Жарлықтарымен:

• Бақытжан Әбдірұлы Сағынтаев ҚР Президенті Әкімшілігінің Басшысы болып тағайындалды, ол ҚР Мемлекеттік хатшысы қызметінен босатылды;

• Марат Мұханбетқазыұлы Тәжин ҚР Мемлекеттік хатшысы болып тағайындалды, ол ҚР Президентінің Әкімшілігі Басшысының бірінші орынбасары қызметінен босатылды;

• Мұрат Әбуғалиұлы Нұртілеуов ҚР Президентінің көмекшісі болып тағайындалды, ол ҚР Финляндия Республикасындағы Төтенше және Өкілетті Елшісі қызметінен, ҚР Эстония Республикасындағы Төтенше және Өкілетті Елшісі қызметін қоса атқарудан босатылды;

• Әсет Өрентайұлы Исекешев басқа жұмысқа ауысуына байланысты ҚР Президенті Әкімшілігінің Басшысы қызметінен босатылды.