Бүгін Үкімет үйінде ҚР Премьер-Министрі Бақытжан Сағынтаев еліміздің агроөнеркәсіп кешенін (АӨК) дамыту мәселелері жөнінде кеңес өткізді.

Кеңес барысында мемлекеттік агроөнеркәсіп саясатын жетілдіру, сондай-ақ Агроөнеркәсіп кешенін дамытудың 2017-2021 жылдарға арналған мемлекеттік бағдарламасын іске асыру мақсатында әзірленген АӨК-тің басым бағыттарын дамыту карталары қаралды.

Анықтама: Карталар 13 бағыт бойынша әзірленді:

• ауыл шаруашылығы кооперациясы;

• аграрлық қайта өңдеу;

• АӨК-ні қарқынды техникалық қайта жарақтандыру;

• тұқым шаруашылығы;

• фитосанитарлық іс-шаралардың тиімділігін арттыру;

• агрохимия; жемшөп өндіру (жемшөп теңгерімі);

• көтерме-үлестіру орталықтары;

• егіндікті айналымға тарту;

• отарлы қой шаруашылығы;

• аграрлық ғылымды түбегейлі жаңғырту; 

• сиыр еті өндірісі; 

• мемлекеттік қолдау шараларын жетілдіру.