Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Биыл жол салуға бөлінген қаражат «Ауыл – Ел бесігі» бағдарламасы бойынша жұмсалады — Маңғыстау облысының әкімі

Бейсенбі, 22 Шілде 2021, 13:45:37

Биыл 10 шілдеде өткен Үкіметтің кеңейтілген отырысында Мемлекет басшысы Қасым-Жомарт Тоқаев жол инфрақұрылымы мен жол бойындағы сервис сапасы мәселелерін ерекше бақылауды тапсырған болатын. Маңғыстау облысында осы бағытта бірінші жартыжылдықта атқарылған жұмыстар және екінші жартыжылдыққа жоспарлар туралы облыс әкімі Серікбай Трұмов Рrimeminister.kz-ке берген сұхбатында айтып берді. 

Маңғыстау облысында жол құрылысына байланысты көптеген жұмыстар атқарылып жатыр. Атап айтқанда, өткен жылы «Жұмыспен қамтудың жол картасы» аясында және «Ауыл – Ел бесігі» бағдарламасына сәйкес өңірде 240 шақырым жолдың құрылысы жүргізілген. 

«Жұмыспен қамтудың жол картасы» аясында 31 млрд теңге көлемінде қаражат бөлініп, негізінен ауылдық елді мекендердің ішкі жол құрылыстары жүргізілді.  Сондай-ақ «Ауыл – Ел бесігі» бағдарламасына сәйкес Маңғыстау облысындағы елді мекендер арасындағы жолдар барлығы дерлік салынды. Оның ішінде өткен жылы өңірдегі үлкен жобалардың бірі – «Ақтау-Жетібай», «Жетібай-Жаңаөзен» үлкен магистарльдық І санатты жолды толық аяқтап шықтық», — деді С. Трұмов. 

2021 жылдың басында республикалық бюджеттен бөлінген 17 млрд теңге көлеміндегі қаражатты әуежайдан Ақтау қаласында дейінгі жолды қайта құрылымдау және қаладан демалыс аймағына дейінгі жолды реконструкциялау, «Ауыл – Ел бесігі» бағдарламасы бойынша ауылдық елді мекендердің ішкі жолдарын салуға жұмсау жоспарланған.

«Аталған жұмыстар қазір басталды. Әуежайдан Ақтау қаласында дейінгі жол құрылысының 80%-ға жуық аяқталды. Қаладан жылыжайға дейінгі жол құрылысы да 80% аяқталды. Алдағы уақытта «Жетібай-Құрық» тас жолын реконструкциялауға 11 млрд теңге қаражат қарастыру туралы жобаны да мемлекет қолдады, жұмысты бастап жатырмыз. Бүгінде жоба мердігері анықталды, оны алдағы жылы толық аяқтауға толық мүмкіндігіміз бар», — деді әкім.

Бұған қоса, «Ауыл – Ел бесігі» бағдарламасы аясында Сайын елді мекенінде, Форт-Шевченко қаласында, Мұнайлы және Бейнеу аудандарында, Қарақия елді мекенінде, Мұнайшы ауылында бірқатар жұмыстар қолға алынған. Әкім оларды осы жылдың 2 жартыжылдығында толық аяқтау көзделіп отырғанын жеткізді. 

«Елді мекендердің арасындағы жолдарды негізінен салып болдық. Қызан мен Ақшымырау ауылдарынан басқа елді мекендерде жұмыстар аяқталды.  Осыған дейін 30 шақырымға жуық асфальт жолды жөндеуге қатысты конкурс өтіп, мердігер таңдалып жатыр, республикалық бюджеттен осы жұмысты бастауға тиісті қаражат бөлінді. Осы жолды қоссақ, біздің елді мекендеріміздің арасындағы жолдар толық аяқталады», — деді Маңғыстау облысының әкімі.

Оның айтуынша, ендігі кезекте ауыл ішіндегі жолдарды салу жоспарланған.

Сонымен қатар облыс басшысы өңірдегі өзекті мәселе – ауыз сумен қамту мәселесіне де тоқталып өтті. Бүгінде облыс халқы Астрахань-Маңғышлақ бағытындағы су құбыры арқылы тәулігіне 64 мың текше метр су алады. «МАЭК-Қазатомөнеркәсіп» мекемесі күніне 52 мың текше метр және «Каспий» су тұщыту зауыты» 20 мың текше метр көлемінде су шығарады. Ал жер асты су көздерінен 12 мың текше метрге жуық су пайдаланылады. Облыс халқының бүгінгі күні тұтынып отырған су көлемі тәулігіне 140-150 мың текше метрді құрайды.

«Жаз мезгілінде бізде 40-50 мың текше метрдей су көлемі жетіспейді. Яғни, жазда су тапшылығы бар. Осыған сәйкес, су көздерінің көлемін арттыру, басқа да су көздерін пайдалану бағытында бес жылдық өңірлік бағдарлама жасалып, бірнеше жоба қолға алынды. Атап айтқанда, Кендірлі демалыс аймағының қасынан 50 мың текше метр теңіз суын тұщыландыратын зауыт салу жобасы жүзеге асырылуда. «Қазмұнайгаз» компаниясы осы жобаның құрылысын әрі қарай жалғастыру бойынша тиісті жұмыстарды атқарып жатыр. Одан кейін «Каспий» су тұщыту зауытының» көлемін тағы 40 мың текше метрге дейін жеткізу бойынша жоба жасалып бітті, қазір құрылысын бастап кеттік. Бұл жобаны жылдың аяғына дейін толығымен аяқтау жоспарланған», — деп нақтылады облыс әкімі. 

Бұдан басқа, «Қаражамбас» кен орнында 17 мың текше метр суды тұщыландыратын зауыт салынып жатыр. Сонымен қоса, Мұнайлы ауданында, қасымыздағы Түпқараған ауданының Ақшұқыр, Сайын елді мекендерінде жаз мезгілдерінде су тапшылығы болады. Бұл елді мекендерде жергілікті бюджет қаражаты есебінен шағын су тұщыландыратын қондырғылар қойылуда.       

 


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
19 Қазан 2021, 11:34
ҚР Үкіметінің отырысы, 19.10.2021
19 Қазан 2021, 11:23
Ә. Смайылов сыртқы сауда саясаты және халықаралық экономикалық ұйымдарға қатысу мәселелері жөнінде ВАК отырысын өткізді
19 Қазан 2021, 10:46
Қазақстанда соңғы екі аптада ауру деңгейі 17%-ға төмендеді — ҚР ДСМ
19 Қазан 2021, 10:30
Биыл «Ауыл – Ел бесігі» жобасы аясында 480 ауылды дамытуға 106 млрд теңге бөлінді — Ә. Ерғалиев
19 Қазан 2021, 09:39
А. Мамин ауыл аумақтарын дамытудың кешенді және бірыңғай тәсілін қамтамасыз етуді тапсырды
19 Қазан 2021, 09:24
8 млн астам қазақстандық коронавирусқа қарсы вакцинаның бірінші компонентін алды
18 Қазан 2021, 15:09
Еңбек өнімділігін арттыру, экспорттық өнімді ұлғайту, ауыл тұрғындарының табысын өсіру — АӨК ұлттық жобасы қандай міндеттер қойып отыр
18 Қазан 2021, 14:31
19 қазан күні Үкімет үйінде Қазақстан Үкіметінің отырысы өтеді
17 Қазан 2021, 10:16
Видеодайджест: «Аптаның айшықты оқиғалары» №133
16 Қазан 2021, 12:21
А. Мамин бағаны тұрақтандыру бойынша әкімдіктер жұмысының тиімділігін арттыруды тапсырды
15 Қазан 2021, 18:30
«Дені сау ұлт». Қазақстанның Денсаулық сақтау министрлігінің ұлттық жобасы қандай бағыттарды іске асыруды қамтиды
15 Қазан 2021, 11:34
Талғат Момышев экология, геология және табиғи ресурстар вице-министрі болып тағайындалды
14 Қазан 2021, 20:42
Е. Тоғжанов пен БҰҰ Бас хатшысының көмекшісі ҚР Үкіметі мен БҰҰ ДБ ынтымақтастығының басым бағыттарын талқылады
14 Қазан 2021, 18:06
А. Мамин ірі көлік инфрақұрылымы жобаларының іске асырылуын тексерді
13 Қазан 2021, 20:37
Қазақстан Республикасы Үкіметінің 2021 жылғы 8 қазандағы №718 Қаулысы
13 Қазан 2021, 20:21
Қайта вакциналау, бизнес нысандарының жұмысы және ұжымдық иммунитетті қалыптастыру — Е. Тоғжанов ВАК отырысын өткізді
13 Қазан 2021, 16:46
Қазақстан Республикасы Үкіметінің 2021 жылғы 22 қыркүйектегі №662 Қаулысы
13 Қазан 2021, 16:43
Қазақстан Республикасы Үкіметінің 2021 жылғы 6 қазандағы №714 Қаулысы
12 Қазан 2021, 15:26
Үкіметте Қазақстанның ЭЫДҰ-мен ынтымақтастығының мәселелері талқыланды
12 Қазан 2021, 13:46
ҚР Үкіметінің отырысы, 12.10.2021
12 Қазан 2021, 13:19
Мемлекеттік ведомстволар Қазақстанның ұлттық даму жобаларын ұсынды
12 Қазан 2021, 12:47
2021 жылдың 9 айында экономиканың барлық секторында оң өсу динамикасы сақталды — Ә. Ерғалиев
12 Қазан 2021, 10:27
Үкімет ұлттық даму жобаларын бекітті
12 Қазан 2021, 09:42
Қазақстан экономикасының қалпына келу қарқыны 9 айда 3,4%-ға дейін жеделдеді
11 Қазан 2021, 17:45
ҚР Премьер-Министрі Асқар Мамин Chevron басшылығымен кездесті
11 Қазан 2021, 14:54
12 қазан күні Үкімет үйінде Қазақстан Үкіметінің отырысы өтеді
11 Қазан 2021, 12:52
ҚР Үкіметі 2022 жылы демалыс күндерін ауыстыруды бекітті
11 Қазан 2021, 10:07
Қазақстан Республикасы Үкіметінің 2021 жылғы 8 қыркүйектегі №620 Қаулысы
11 Қазан 2021, 10:04
Қазақстан Республикасы Үкіметінің 2021 жылғы 5 қазандағы №707 Қаулысы
11 Қазан 2021, 09:56
Қазақстан Республикасы Үкіметінің 2021 жылғы 5 қазандағы №709 Қаулысы
11 Қазан 2021, 09:49
Қазақстан Республикасы Үкіметінің 2021 жылғы 4 қазандағы №703 Қаулысы
11 Қазан 2021, 09:37
Қазақстан Республикасы Үкіметінің 2021 жылғы 1 қазандағы №700 Қаулысы
11 Қазан 2021, 09:34
Қазақстан Республикасы Үкіметінің 2021 жылғы 23 қыркүйектегі №668 Қаулысы
11 Қазан 2021, 09:20
А. Маминнің БАӘ-ге сапары: бірлескен жаңа жобалар пулы $6 млрд-тан асады
10 Қазан 2021, 11:55
Видеодайджест: «Аптаның айшықты оқиғалары» №132
09 Қазан 2021, 12:37
А. Мамин әлеуметтік маңызы бар азық-түлік өнімдері мен жанар-жағар май бағасы мәселесі бойынша кеңес өткізді
09 Қазан 2021, 07:59
Е. Тоғжанов Орал қаласында өнер сарайының ашылуына қатысты
08 Қазан 2021, 20:23
Е. Тоғжанов Батыс Қазақстан облысының әлеуметтік нысандарын аралады
08 Қазан 2021, 18:06
ЕЭК отырысында интеграциялық процестерді одан әрі дамыту жөнінде бірқатар шешім қабылданды
08 Қазан 2021, 17:43
Инвестициялық ахуалды жақсарту жөніндегі кеңес баламалы энергетиканы дамыту мәселелерін қарастырды
08 Қазан 2021, 08:25
А. Мамин СИБУР басшысы Д. Коновпен мұнай-газ химиясы саласында бірлескен жобаларды іске асыруды талқылады
07 Қазан 2021, 19:43
Мемлекет басшысы Премьер-Министр Асқар Маминді қабылдады
07 Қазан 2021, 10:22
Қазақстан Республикасы Үкіметінің 2021 жылғы 4 қазандағы №702 Қаулысы
06 Қазан 2021, 15:02
А. Мамин Дүниежүзілік кеден ұйымының басшысы К. Микуриямен кездесу өткізді
05 Қазан 2021, 18:28
Ерлан Әукенов еңбек және халықты әлеуметтік қорғау вице-министрі қызметінен босатылды
05 Қазан 2021, 16:37
2021 жылдың бірінші жартыжылдығында ҚР экономикасына ТШИ көлемі 30,4%-ға артты
05 Қазан 2021, 16:14
Р. Скляр кореялық бизнес қауымы өкілдерімен кездесті
05 Қазан 2021, 14:44
ҚР Үкіметінің отырысы, 05.10.2021
05 Қазан 2021, 13:11
Маңғыстау облысын әлеуметтік-экономикалық дамытудың кешенді жоспарын іске асыру: 2025 жылға қарай 60 мыңнан аса жаңа жұмыс орны құрылады
05 Қазан 2021, 12:47
ҚР Премьер-Министрі А. Мамин Alstom басшысы А. Пупар-Лафаржбен кездесу өткізді
Депутаттық сауал
© 2019 - 2021 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.