Бүгін «Нұр Отан» ХДП Орталық аппаратында ҚР Премьер-Министрі  Серік Ахметов пен  партия төрағасының бірінші орынбасары Бақытжан Сағынтаевтың кездесуі өтті.

Әңгіме барысында ҚР Үкіметі мен «Нұр Отан» ХДП-ның  кең ауқымды мәселелер, әсіресе Президенттің Қазақстан халқына арнаған «Қазақстан-2050: қалыптасқан мемлекеттің жаңа саяси бағыты Стратегиясының» қағидаларын жүзеге асыру жөніндегі өзара әрекеттестігі туралы мәселелер талқыланды.  

С.Ахметов Үкіметтің партияның орталық аппаратымен, сондай-ақ Парламент Мәжілісіндегі фракциясымен ынтымақтастығының қалыптасқан  деңгейіне қанағаттанушылық сезімін белдірді.

Өз кезегінде, Б.Сағынтаев  «Президенттің Жолдауын жүзеге асыру аясында Партияның ұзақ мерзімді стратегиялық міндеттері айқындалатын болады.Партия алаңшасында «Қазақстан-2050» Стратегиясында» айтылған заң жобаларын, бағдарламалық құжаттарды талқылау ұйымдастырылады» деді.

Сондай-ақ кездесу барысында «Нұр Отан» ХДП-ның  «Қазақстан. 2017- мақсаттары»  Сайлауалды платформасының негізгі тоғыз басымдықтарын жүзеге асырудың жағымды динамикасы атап айтылды.

• 
• 
• 
•