«Еңбек» мемлекеттік бағдарламасының іске асырылуы: көпбалалы аналарды ШОБ саласына тарту, шағын несиелендіру, отбасылық бизнес құру

Сәрсенбі, 11 Желтоқсан 2019, 18:46:05


Мемлекет басшысы Қ. Тоқаев өзінің Қазақстан халқына арнаған «Сындарлы қоғамдық диалог – Қазақстанның тұрақтылығы мен өркендеуінің негізі» Жолдауында әлеуметтік аспектілерге баса назар аударумен бизнесті қолдаудың жаңа формаларын белсенді енгізуге шақырды, ал бұл бірінші кезекте көпбалалы және аз қамтылған отбасылар үшін отбасылық бизнес құру. Бүгінде көпбалалы отбасылар 2017 – 2021 жылдарға арналған «Еңбек» нәтижелі жұмыспен қамту және жаппай кәсіпкерлікті дамыту мемлекеттік бағдарламасы аясында өз ісін ашуға шағын несиелер алуда. А.ж. 1 қарашадағы жағдай бойынша Бағдарлама қатысушылары 568 мыңнан аса адам болды, оның ішінде 254 мыңға жуығы немесе қатысушылардың жалпы санынан 44,8%-ы - әйел адамдар.  

«Еңбек» бағдарламасы азаматтарды кәсіпкерлікке техникалық және кәсіптік білім берумен, қысқамерзімді кәсіптік оқытумен қамту, жаппай кәсіпкерлікті дамыту және еңбекке орналастыру тәрізді бағыттар бойынша тартуға бағытталған.

Бірінші бағыт аясында 32,5 мыңнан аса әйел қысқа мерзімді оқытудан өтті, оның ішінде 17,1 мыңы оқытуды аяқтады, оның ішінде 8,8 мыңы еңбекке орналастырылды.

Екінші бағыт аясында жыл басынан бері барлығы 15,1 мың шағын несие алынды, оның ішінде әйел адамдарға 5 156 немесе 34,1% шағын несие берілді. Сонымен қатар, 20,4 мыңнан астам адам өздерінің бизнес идеяларын іске асыру үшін мемлекеттік гранттар алды, оның ішінде 3,8 мың адам аз қамтылған және көпбалалы отбасылардың мүшесі.

Бағдарламаның үшінші бағыты аясында әлеуметтік жұмыс орындарына 8,9 мың әйел еңбекке орналастырылды, жастар іс-тәжірибесіне 21 мың адам бағытталды, қоғамдық жұмыстарға 48,4 әйел тартылды.

Айта кетейік, бағдарлама қатысушылары жұмыссыз тұлғалар, жұмыспен қамтылған тұлғалардың жекелеген санттары, жас және аз қамтылған көпбалалы отбасылардың мүшелері, аз қамтылған еңбекке қабілетті мүгедек жандар, ауыл шаруашылығы кооперативтері мен олардың зейнет жасына жетпеген мүшелері, зәкірлі кооперация мүшелерін қоса алғанда, шаруа қожалықтары мен фермерлік шаруашылықтар бола алады.

Шағын несиелерді беру шарттары:

  • шағын несие мерзімі - 5 жылға дейін, мал шаруашылығы саласындағы және ауыл шаруашылығы кооперативтерін құру жобаларына - 7 жылға дейін;
  • шағын несиенің ең жоғарғы сомасы: ауылдар мен шағын қалаларда - 2,5 мың АЕК дейін (6,3 млн теңге), зәкірлі кооперацияларды дамытуға – 5 мың АЕК дейін (12,6 млн теңге); қалаларда, шағын қалаларда (Нұр-Сұлтан, Алматы, Ақтау, Атырау қалаларынан басқа) - 6,5 мың АЕК дейін (16,4 млн теңге); Нұр-Сұлтан, Алматы, Ақтау, Атырау қалаларында - 8 мың АЕК дейін (20,2 млн теңге);
  • нақты сыйақы мөлшерлемесі – жылдығы 6% аспайды.

Үміткерлер шағын несие алу үшін өңірлік кәсіпкерлер палатасының аудандық филиалдары/ауылдық округтер мен елді мекендердің әкімдері арқылы немесе тікелей халықты жұмыспен қамту орталықтарына келесі құжаттарды ұсынумен кеңес алу үшін жүгінеді:

  • жеке басын куәландыратын құжат көшірмесі;
  • егер болса, кәсіпкерлік негіздеріне оқытылғаны туралы құжаттың көшірмесі (куәлік, сертификат).

Биыл бүкіл ел бойынша шағын несиелендіру үшін 83 млрд теңге және гранттар алу үшін 18 млрд теңге бөлінді. Есептеулер бойынша, 20 мың адам шағын несие, ал 38 мың адам гранттар алуы тиіс.

2018 жылы 14 мың шағын несие берілді, оның ішінде Start-up жобаларды қолдауға – 9,8 мың (70%), зәкірлі кооперацияларды дамытуға 1 мың (7%), өз ісін кеңейтуге 3,3 мың (23%) несие берілген.

Жұмыссыз, аз қамтылған, көпбалалы азаматтарды, жастарды нәтижелі жұмыспен қамтуға тарту үшін аталған азаматтар санатына арналған  мың шағын несиеге квота қарастырылған. Әйел адамдардың арасындағы кәсіпкерлікті дамыту үшін 10 млрд теңге қарастырылған.

Көпбалалы аналарды дамыған және инклюзивті экономика аясында микро және шағын бизнеске тарту, оның ішінде үйдегі бизнеске тарту көпбалалы аналарға жеңілдікпен несиелендірудің жекелеген шарттарын ұсынумен Бағдарламаның қолданыстағы тетіктерінің аясында жүзеге асырылатын болады.

Көпбалалы және аз қамтылған отбасылардың мүшелері үшін 7 жыл мерзімге пайыздық мөлшерлемесі жылына 4%-дан аспайтын жеңілдікті шарттармен шағын несие беру қарастырылады.

«Еңбек» мемлекеттік бағдарламасында қайтарымсыз гранттар түрінде жаппай кәсіпкерлікті дамыту үшін жақсы құралдар бар. Сонымен қатар, «Бастау Бизнес» жобасының аясында кәсіпкерлік негіздеріне оқыту қарастырылған.

Қазақстанның барлық өңірлерінде атаулы әлеуметтік көмектің (АӘК) арқасында және мемлекеттік бағдарлама аясында нақты көмек алған жауапты әрі еңбексүйгіш азаматтар өз отбасыларының қаржылық жағдайын түзеп қана қоймай, өз ісін ашқан көптеген мысалдар бар.

Мысалы, қысқаша оқыту курсынан өткен көптеген әйелдер несие мен әлеуметтік көмек алған соң сұлулық салонын ашқан, ал ерлер - мал сатып алып, шеберханалар ашты.

2019 жылы АӘК төлеуге 204 млрд 500 млн теңге қарастырылған, оның ішінде 186 млрд 100 млн теңгесі - республикалық бюджеттен, 8 млрд 400 млн теңгесі - жергілікті бюджеттен. 144 млрд 300 млн теңгесі төленді.

Қостанай облысында көпбалалы ана АӘК тағайындаған соң алған қаражатына Денисовка аудан орталығының шетінен шағын сұлулық студиясын жалға алды. Ж. Куженова мемлекеттен үнемі әлеуметтік көмек алғанша, өз бизнесіңнің болғаны жақсы деп санайды. 

2019 жылдың бірінші тоқсанында Жанар Куженова 3 жасқа дейінгі баланы күту демалысында болды. Жұбайы жеке тұлғаларға бейресми жұмыс істеді. Отбасының табысы кедейлік шегінен төмен болды (жан басына шаққандағы орташа табысы бір адамға 8772 теңге), сондықтан 2019 жылдың сәуір айынан бастап оларға ай сайын 110 мың 157 теңге көлемінде атаулы әлеуметтік көмек тағайындалды, жалпы сомасы - 1 млн 321 мың 884 теңге.

Ақмола облысы Сандықтау ауданы Арбузинка ауылынан атаулы әлеуметтік көмек алушы ірі қара мал өсірумен айналысты. М. Асхабова «Күміс алқа» құрметті белгісінің иегері. Ол алты баланың анасы. Отағасы - комбайншы, өзі - үй шаруасындағы әйел. Өзінің барлық бос уақытын ол балалар тәрбиесіне жұмсайды. Отбасы «Жұмыспен қамтудың жол картасы» бағдарламасы бойынша 3 млн теңге сомасына несие алды. Бұл қаражатқа сарай салды, сауылатын 8 сиырдан күніне 25-30 литр сүт алады. Айына орта есеппен 600 литр сүт шығады.

Айта кетейік, атаулы әлеуметтік көмек көпбалалы отбасыларға өмір сүру жағдайларын жақсартуға мүмкіндік береді, оны алушылардың көбі мемлекет есебінен қайта даярлау курстарынан өтеді.

Мәселен, Маңғыстау облысы Мұнайлы ауданында тұратын көпбалалы отбасы атаулы әлеуметтік көмек тағайындалғаннан кейін кедейлік шегінен төмен деңгейде өмір сүретін отбасылар санатынан шығып, жолаушылар тасымалын ұйымдастыру бойынша өз істерін ашуға әзірленуде.

Б. Кенжеев бұрын жалдамалы жұмыскер ретінде автобус жүргізушісі болып жұмыс істеді, ал оның жұбайы Рабиға Дүйсенова кондуктор болып күйеуін көмектесті. АӘК алуға жүгінуге дейін 7 адамнан тұратын олардың отбасының тіпті өз баспанасы болған жоқ, тек времянканы жалға алып тұрды. Биыл сәуір айынан бастап отбасы АӘК ала бастады, материалдық-тұрмыстық жағдайлары жақсарды, баспана құрылысын аяқтады.

Өз ісін ашу үшін «Еңбек» мемлекеттік бағдарламасы аясында несие алуға өтінім берді. Ерлі-зайыптылар аудан ішінде жолаушылар тасымалдауды ұйымдастыру бойынша бизнес-жоспарларын дайындады, жақында өз автобустарын сатып алуға қаражат алады.

Жаңаөзен қаласында да осыған ұқсас мысал бар. 4 баланың анасы Н. Назарова 505 мың теңге көлеміндегі мемлекеттік грантты алған соң үйінен тігін цехын ашты. Қордай ауданында 5 баланың анасы М. Чораева шаштараз кәсібі бойынша қысқаша курста оқытудан өткен соң мемлекеттік грант алып, сұлулық салонын ашты.

 

АӘК - бұл тек аз қамтылған отбасыларға ақшалай төлемдер түрінде көрсетілетін және отбасыға қиын өмірлік жағдайлардан шығуға оқытуға, еңбекке орналастыруға бағыттау, өз ісін ашуда қолдау көрсету арқылы ықпал көрсетуді мақсат ететін атаулы көмек.

2019 жылы ең төменгі күнкөріс деңгейі  29 698 теңге көлемінде белгіленді, АӘК тағайындау үшін шекті критерий ең төменгі күнкөріс деңгейінің 50%-ынан 70%-ына дейін ұлғайтылды, яғни әлеуметтік көмекті алуға жан басына шаққандағы орташа табысы 20 789 теңгеден төмен болатын отбасылар алуға құқылы. АӘК жан басына шаққандағы орташа табыс пен кедейлік шегінің арасындағы айырмашылық ретінде тағайындалады, бірақ бұл ретте балалар ең төменгі күнкөріс деңгейінен 70% көлемінде толық соманы алады (20 789 теңге).

Биыл тоғыз айда АӘК 417 мың отбасыға немесе 2,1 млн адамға тағайындалды. Бір адамға шаққандағы АӘК орташа көлемі 2,5 есе, 6848 теңгеден 16 446 теңгеге дейін өсті. Орта есеппен отбасына шаққанда 90 мың теңгеден, айына тағайындалған ең жоғарғы сома - 455 мың теңге. Биыл АӘК төлеуге барлығы 206,2 млрд теңге қарастырылған, оның ішінде 146,4 млрд теңгесі төленді.

А.ж. 16 қыркүйектегі жағдай бойынша АӘК 2 млн 87 мың 400 адамға тағайындалған (405 мың 600 отбасы), оның ішінде 1 млн 302 мың 500-і - бала (олардың үлесі барлық алушылардан 62,4% құрайды). Алушылар құрамындағы көпбалалы отбасылар 40%-ға жуығын құрайды (161,6 мың отбасы немесе 1 млн 71,6 мың адам).

АӘК алушылардың басым бөлігі еліміздің оңтүстік өңірлерінің тұрғындары, онда барлық алушылардың 67%-ы шоғырланған, оның ішінде Түркістан облысында – 96 мың 800 отбасы, Алматы облысында – 53 мың 600 отбасы, Шымкент қаласында – 51 мың 600 отбасы, Жамбыл облысында – 39 мың отбасы және Қызылорда облысында – 31 мың 700 отбасы.

АӘК төлеуге 2019 жылы 204 млрд 500 млн теңге қарастырылды, оның ішінде республикалық бюджеттен 186 млрд 100 млн теңге жән жергілікті бюджеттен 18 млрд 400 млн теңге. 144 млрд 300 млн теңге төленді.

Орын алуы мүмкін бұзушылықтарға жол бермеу мақсатында атаулы әлеуметтік көмекті алудың кейбір рәсімдері мен шарттары өзгертілетін болады.

АӘК алатын отбасындағы барлық еңбекке қабілетті жандар жұмыс істеуі тиіс. Оларды еңбекке орналастыру үшін «Еңбек» нәтижелі жұмыспен қамту және жаппай кәсіпкерлікті дамыту бағдарламасының барлық тетіктері қолданылатын болады.

АӘК көрсетудің жаңа тетіктерінде аз қамтылған отбасылардан шыққан балаларды қолдауға ерекше көңіл бөлінеді, 2020 жылдың 1 қаңтарынан бастап олар үшін кепілдендірілген әлеуметтік пакет енгізу ұсынылады.

Мектеп жасына дейінгі балалар үшін балалар тағамы, гигиеналық құралдар, білім беру қызметтері ұсынылатын болады. Мектеп жасындағы балалар үшін мектептерде ыстық тамақпен қамту, мектеп киімін және құралдарын сатып алу, жол шығынын өтеу, сондай-ақ медициналық қызмет көрсету қарастырылған.

Жоғарыда аталған әлеуметтік қолдау шараларымен қатар, балалары бар аз қамтылған отбасыларға үйде бизнес жүргізу бойынша дағдыларды алуда көмек көрсетілетін болады.

Алматының барлық сегіз ауданында үкіметтік емес ұйымдар «Бақытты отбасы» орталығын құрды, онда аналары оқытудан өтіп жатқан кезде балаларды ойнату үшін барлық жағдайлар жасалған. Курстардан өткен соң әйелдерге қажетті жабдықтарды сатып алу үшін қайтарымсыз гранттар берілетін болады. Бұл тәжірибені барлық өңірлерге тарату жоспарланған. Сонымен қатар «Менің кәсібім» жобасы іске қосылды, оның аясында әкімдіктердің қолдауымен демеушілер есебінен балалары бар аналарға үйдегі шағын бизнеспен айналысуда көмек көрсетіледі.

«Менің кәсібім» жобасы аз қамтылған, көпбалалы отбасыларға және мүгедек балаларды тәрбиелеп отырған тұлғаларға кәсіпкерлік дағдыларын дамытуда және өз ісін ашуда қолдау шараларын көрсетуге бағытталған.

Мұқтаж азаматтарға үйде бизнес жүргізуде көмекті жоба авторы қажетті құрал-жабдықтар мен материалдарды ұсыну арқылы көрсететін болады.

Пилоттық режимде мұндай жоба Маңғыстау облысында сәтті іске асырылды, онда 250-ге жуық адам жеке кәсіпкерлікті жүргізудің негізгі дағдыларына оқытылып, өз істерін ашты.

Бұдан кейін «Менің кәсібім» жобасын іске асыру бойынша меморандумдар барлық өңірлердің әкімдерімен жасалатын болады.

Еске салайық, министрліктің әр отбасы бойынша әлеуметтік картасы бар, сол арқылы мемлекеттік органдардың ақпараттық жүйелерінен алынған автоматтандырылған деректер негізінде олардың нақты статусын дәлірек анықтап, қадағалау мүмкін болады. Бұдан кейін бұл ақпарат өмірде қиын жағдайда ұшыраған отбасы мүшелеріне әлеуметтік көмек пен еңбекке орналасуды ұйымдастыру үшін пайдаланылады.


Жаңалықтар тізбегі
28 Наурыз 2020, 12:15
Машина жасау саласындағы бір жұмыс орны іргелес салаларда 7-8 жұмыс орнын құруға жол ашады
28 Наурыз 2020, 11:56
ҚР Премьер-Министрі А. Мамин мен ӨР Премьер-Министрі А. Арипов Қостанайда жаңа автомобиль модельдерінің бірлескен өндірісін ашты
27 Наурыз 2020, 13:01
Нұр-Сұлтан және Алматы қалаларында 30 наурыз бен 5 сәуір аралығында кәсіпорындар мен ұйымдардың жұмысы уақытша тоқтатылады
27 Наурыз 2020, 08:30
Тұрғын үй құрылыс жинақ банкі клиенттерге төлемді кейінге шегеруді автоматты түрде қосымша құжаттарды талап етпей жүзеге асырады
26 Наурыз 2020, 18:42
ҚР Президенті жанындағы ТЖ режимін қамтамасыз ету жөніндегі мемлекеттік комиссия Нұр-Сұлтан, Алматы және Шымкент қалаларында шектеу шараларын күшейтті
25 Наурыз 2020, 16:56
Қасым-Жомарт Тоқаев Ұлттық биотехнология орталығына барды
24 Наурыз 2020, 22:41
ҚР Президенті ҚХР Төрағасы Си Цзиньпинмен және БҰҰ Бас хатшысы Антониу Гутерришпен телефон арқылы сөйлесті
24 Наурыз 2020, 15:11
Үкіметте Мемлекет басшысының тапсырмасын іске асыру шаралары қаралды
24 Наурыз 2020, 14:34
«Birgemiz» Қоғамдық қорының Қамқоршылар кеңесінің құрамы жарияланды
23 Наурыз 2020, 13:36
Президент Қасым-Жомарт Тоқаевтың Төтенше жағдай жөніндегі мемлекеттік комиссияның отырысында сөйлеген сөзі
22 Наурыз 2020, 13:20
Видеодайджест: «Аптаның айшықты оқиғалары» №53
21 Наурыз 2020, 16:09
Қ. Тоқаев коронавируспен күрес жұмыстарын үйлестіру және мониторинг жасау жөніндегі Шұғыл әрекет ету орталығына барды
21 Наурыз 2020, 14:50
ҚР Премьер-Министрі А. Мамин Ресей, Өзбекстан, Қырғызстан және Тәжікстанның үкімет басшыларымен телефон арқылы сөйлесті
21 Наурыз 2020, 12:34
Асқар Мамин қазақстандықтарды Наурыз мейрамымен құттықтады
21 Наурыз 2020, 09:06
ҚР Тұңғыш Президенті – Елбасы Нұрсұлтан Назарбаев Қазақстан халқын Наурыз мерекесімен құттықтады
21 Наурыз 2020, 09:01
Мемлекет басшысы Қасым-Жомарт Тоқаев қазақстандықтарды Наурыз мейрамымен құттықтады
21 Наурыз 2020, 08:05
Қазақстан Республикасы Үкіметінің 2020 жылғы 20 наурыздағы №127 Қаулысы
21 Наурыз 2020, 08:00
Қазақстан Республикасы Үкіметінің 2020 жылғы 20 наурыздағы №126 Қаулысы
20 Наурыз 2020, 17:52
А. Мамин әкімдерге ірі кәсіпорындармен және ШОБ-пен бірлесіп жұмыс орындарының сақталуын қамтамасыз етуді тапсырды
20 Наурыз 2020, 12:00
Карантин енгізу қазақстандықтарды барлық қажетті өнімдермен қамтамасыз етуді шектемейді — Е. Тоғжанов
20 Наурыз 2020, 11:53
Нұр-Сұлтан және Алматы қалаларындағы мемлекеттік ұйымдардың қызметкерлерінің 70%-ы қашықтан жұмыс істеуге көшірілді
20 Наурыз 2020, 11:29
Қазақстанда азық-түлік қауіпсіздігін қамтамасыз етуге 32 млрд теңгеден астам қаржы бөлінеді
20 Наурыз 2020, 09:38
ҚР Премьер-Министрі А. Мамин Нұр-Сұлтан қаласында карантин режимін қамтамасыз ету жұмыстарын тексерді 
20 Наурыз 2020, 07:55
Қазақстан Республикасының Тұңғыш Президенті – Елбасы Нұрсұлтан Назарбаевтың Қазақстан халқына үндеуі
19 Наурыз 2020, 20:56
ҚР аумағында COVID-19 таралуына жол бермеу шаралары туралы брифинг өтеді
19 Наурыз 2020, 19:34
Мемлекет басшысы Ұлттық банк төрағасы Ерболат Досаевтың есебін тыңдады
19 Наурыз 2020, 19:15
Қасым-Жомарт Тоқаев Нұр-Сұлтан қаласының кіреберісіне қойылған бақылау-өткізу бекетіне барды
19 Наурыз 2020, 12:48
Қазақстан Президенті Бас прокурор Ғизат Нұрдәулетовті қабылдады
18 Наурыз 2020, 21:17
Әлеуметтік маңызы бар өнімдерді импорттау үшін «жасыл дәліз» ашылды
18 Наурыз 2020, 18:59
Үкімет азық-түлік бағасының тұрақтылығын және үздіксіз жеткізілуін қамтамасыз етеді
18 Наурыз 2020, 13:17
Нұрсұлтан Назарбаев коронавируспен күреске 200 миллион теңге бөлуді тапсырды
18 Наурыз 2020, 13:15
Мемлекет басшысы Нұр-Сұлтан және Алматы қалаларының әкімдерімен бейнебайланыс арқылы кеңес өткізді
18 Наурыз 2020, 11:22
Мемлекет басшысы Премьер-Министр, Төтенше жағдай режимін қамтамасыз ету жөніндегі мемлекеттік комиссия төрағасы Асқар Маминді қабылдады
17 Наурыз 2020, 20:36
Нұр-Сұлтан және Алматы қалаларына кіруді және шығуды шектеу туралы
17 Наурыз 2020, 18:50
2020 жылы «Бәйтерек» холдингі 19 мыңнан аса ШОБ жобасына қолдау көрсетеді
17 Наурыз 2020, 16:10
ҚР Президенті жанындағы ТЖ режимін қамтамасыз ету жөніндегі мемлекеттік комиссия биылғы 19 наурыздан бастап Нұр-Сұлтан және Алматы қалаларында карантин режимін енгізді
17 Наурыз 2020, 15:46
Мемлекет басшысы Ұлттық қоғамдық сенім кеңесінің мүшесі, саясаттанушы Расул Жұмалыны қабылдады
17 Наурыз 2020, 14:13
Р. Дәленов уақытша жабылған нысандарды қолдау шаралары туралы айтып берді
17 Наурыз 2020, 13:50
Баға өткен аптаның басындағы деңгейде болуы тиіс — Б. Сұлтанов сөзін қазақстандық кәсіпкерлерге бағыттады
17 Наурыз 2020, 13:41
ҚР-да жеке тұлғалардың тұтынушылық қарыздары бойынша 90 күннен астам мерзімі өткен кезде сыйақы есептеуге тыйым салу енгізіледі — М. Әбілқасымова 
17 Наурыз 2020, 13:13
Әлихан Смайылов ТЖ кезеңінде бюджетті қалыптастырудың ерекше тәртібі туралы айтып берді
17 Наурыз 2020, 12:52
Қазақстанда 200 мың жұмыс орны ашылады — Б. Нұрымбетов азаматтарды жұмыспен қамту шаралары туралы
17 Наурыз 2020, 11:36
Қазақстанда ішкі нарықты отандық азық-түлік өнімдерімен толықтыру үшін қажетті жағдайлар жасалған — ҚР АШМ 
17 Наурыз 2020, 11:22
Көктемгі егіс жұмыстарын жүргізу басталғанға дейін техникалардың дайындығы 100%-ды құрайды — ҚР АШМ
17 Наурыз 2020, 11:07
Ірі сауда нысандары, кинотеатрлар мен спорт нысандары бір жылға салықтан босатылады — ҚР ҰЭМ 
17 Наурыз 2020, 10:07
Үкімет көктемгі егіс жұмыстарына дайындық барысын қарады
17 Наурыз 2020, 09:52
Үкімет дағдарысқа қарсы шаралар топтамасын бекітті
16 Наурыз 2020, 20:34
ҚР Премьер-Министрі А. Мамин сауда желілерінің басшыларымен кеңес өткізді
16 Наурыз 2020, 19:24
Қ. Тоқаев Экономиканы тұрақтандыру жөніндегі одан арғы шаралар туралы Жарлыққа қол қойды
16 Наурыз 2020, 18:27
Н. Орманбетов  Н. Карбеновтың орнына ҚР Қарулы Күштері Әуе қорғанысы күштерінің бас қолбасшысы қызметіне тағайындалды
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі