23 Маусым 2020, 09:57
Премьер-Министр Асқар Маминнің төрағалығымен өткен Үкімет отырысында энергетика министрі Нұрлан Ноғаев алдағы күзгі-қысқы кезеңге дайындық туралы баяндады.
Н. Ноғаевтың айтуынша, жалпы алғанда, Қазақстан Республикасында жылу беру кезеңі тұрақты режимде өтті.
«Қысқы жүктеме максимумы 2020 жылғы 9 қаңтарда белгіленген және 15 182 МВт-ты құрады, бұл өткен жылдың деңгейінен 4%-ға артық», — деді энергетика министрі.
226 энергия кәсіпорны (немесе 87%) 2019-2020 жылдардағы күзгі-қысқы кезеңде жұмысқа әзірлік паспортын алды. Әзірлік паспортын алмаған 34 энергия кәсіпорны әкімшілік жауапкершілікке тартылды.
«Мұндай кәсіпорындар үшін жылу беру маусымына дайын болмау салдарынан электр қуатын өшіру қаупі жоғары. Алайда, олар тыйымдардың болмауына байланысты өз қызметін әрі қарай жалғастыруда. Айыппұлдардың мөлшері аз болғандықтан, энергетикалық мекемелері жылу беру маусымына дайын болу үшін паспорт алудан бас тартып отыр. Бұл мәселе тұрақты түрде Министрлікте көтерілуде, бірақ қолдау таппады», — деді Н. Ноғаев.
2019 жылы Қазақстанның Бірыңғай электр энергетикалық жүйесінде 3 996 технологиялық бұзушылық орын алды. Өткен жылдың ұқсас кезеңімен салыстырғанда технологиялық бұзушылықтар саны 34-ке немесе 1,3%-ға азайды, жылыту кезеңінде 135 немесе 6%-ға өсті.
Өткен жылыту кезеңінде жылумен жабдықтау кәсіпорындарының жергілікті атқарушы органдармен бекітілген жылу желілері жұмысының температуралық кестесін сақтамауының 48 жағдайы тіркелді, бұл өткен жылдың деңгейінен 20%-ға аз.
Өткен жылыту маусымында энергия көздерінде пайдаланылатын отын қорының қажетті көлемі 3 млн көмір және 120 мың тонна мазут қамтамасыз етілді.
Н. Ноғаев жылыту маусымына дайындық кезінде шешімді қажет ететін маңызды мәселе — отынға кредиторлық берешектің айтарлықтай үлкен көлемі.
«Биылғы 1 маусымдағы жағдай бойынша энергия өндіруші ұйымдардың “ҚазТрансГаз-Аймақ” АҚ алдындағы берешегі 6,4 млрд теңгені құрайды. Сондай-ақ энергия өндіруші ұйымдардың “Богатырь-Көмір” ЖШС алдындағы жалпы сомасы 3,3 млрд теңгені құрайтын қарызы бар», — деді министр.
Бүгінде энергетикалық кәсіпорындар алдағы күзгі-қысқы кезеңге дайындықты бастады.
Биыл 8 энергоблокты, 59 қазандықты, 44 турбинаны жөндеу жоспарланған. Маусым айының басында 3 энергоблокта, 5 қазандықта және 8 турбинада жұмыстар аяқталды. Жөндеудің әртүрлі сатыларында 3 энергоблокта, 21 қазандықта және 9 турбинада жұмыстар жүргізілуде. Жалпы жөндеу жұмыстары кестеге сәйкес жүргізілуде.
Қазақстан Республикасының біртұтас электр энергетикалық жүйесінің электр желілерін 2020-2021 жылдардағы күзгі-қысқы кезеңге дайындау үшін жалпы ұзындығы 25 828 км электр беру желілерін, сондай-ақ 429 бірлік жоғары вольтты қосалқы станцияларды жөндеу жоспарланған. Бүгінгі күні электр желілерінде 1140 км электр беру желілері мен 65 шағын станцияға жөндеу жұмыстары жүргізілді.
Н. Ноғаев иесіз деп танылған электр желілерін жою бойынша жүргізіліп жатқан жұмыстарға тоқталды.
Министрдің айтуынша, «100 нақты қадам» Ұлт жоспарының 51-қадамында белгіленген міндеттерді жүзеге асыру аясында иесіз желілерді жою қарастырылған.
Ауқымды жұмыс атқарылды. Иесіз желілердің ұзындығы едәуір төмендеді. Жүргізілген жұмыстың қорытындысы бойынша 2020 жылғы қаңтардағы жағдай бойынша иесіз электр желілерінің ұзындығы 225 км және 98 трансформаторлық қосалқы станцияны құрады», — деп хабарлады Н. Ноғаев.
Жалпы алғанда, анықталған иесіз электр желілері 2020 жылдың соңына дейін энергия беруші ұйымдардың балансына берілуі тиіс.
Соңында Н. Ноғаев 2020-2021 жж. күзгі-қысқы кезеңдерден табысты өту үшін бірқатар орындалуы тиіс міндеттерді атап өтті:
«Министрлік жергілікті атқарушы органдармен бірлесе отырып, алдағы жылыту маусымына энергия кәсіпорындарының дайындығын бақылау бойынша жұмыстарын әрі қарай жалғастыруда», — деп түйіндеді Н. Ноғаев.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу