Пилотсыз такси, медицинадағы ЖИ және инклюзия: Digital Bridge 2025 қандай жобаларды ұсынды

Астанада Орталық Еуразиядағы ең ірі Digital Bridge 2025 технологиялық форумы өтті. Іс-шараның басты тақырыбы жасанды интеллектіні дамыту болды. Мемлекет басшысы Қасым-Жомарт Тоқаев форумға қатысушылар алдында құттықтау сөз сөйледі.

Қазақстан Премьер-министрі Олжас Бектенов форум аясындағы отандық IT-әзірлемелер көрмесімен танысты.

Digital Bridge 2025 Мемлекет басшысы Қасым-Жомарт Тоқаевтың тапсырмаларын жүзеге асырудың көрнекі үлгісі болды. Ол Қазақстанды толыққанды цифрлық елге айналдыру міндетін қойып, соның ішіде ЖИ-ді дамытуға баса назар аударды.

Digital Bridge: Generative Nation халықаралық форумы биыл өз алаңында инвесторларды, сарапшыларды, стартаптар мен IT-компаниялардың өкілдерін қоса алғанда 67 мыңнан астам қатысушыны жинады.