2018 жылғы 12–17 наурыз аралығындағы аптаның айшықты оқиғалары

• 13 наурызда Бақытжан Сағынтаевтың төрағалығымен ҚР Үкіметінің кезекті отырысы өтті. Онда “Президенттің бес әлеуметтік бастамасын” іске асыру жөніндегі жол картасы, 2018 жылғы қаңтар–ақпандағы әлеуметтік-экономикалық даму қорытындысы, әлеуметтік мәні бар азық-түлік тауарлары бағасының өсуіне жол бермеу шаралары, Сыбайлас жемқорлыққа қарсы іс-қимыл бойынша ұлттық баяндама қаралды.

• Сол күні Үкімет үйінде ҚР Премьер-Министрі Астанада инфрақұрылымдық жобаларды іске асыру мәселелері жөнінде кеңес өткізді.

• Сәрсенбі күні, 14 наурызда Бақытжан Сағынтаев мал шаруашылығы және кәсіпкерлікті одан әрі дамыту мәселелері жөнінде кеңестер өткізді.

• 15–16 наурызда Үкімет үйінде Премьер-Министр «Цифрлық Қазақстан» мемлекеттік бағдарламасын іске асыру аясында электрондық денсаулық сақтауды және білім беруді дамыту мәселелері жөнінде кеңестер өткізді.  

• Халықаралық жаңалықтар аясындағы маңызды шаралардың бірі — Қазақстандағы Өзбекстан жылының ашылуы болды. Салтанатты ашылу рәсіміне Орталық Азия елдерінің Мемлекет басшылары қатысты.

• Сондай-ақ, осы аптада Астанада Бақытжан Сағынтаев Қазақстанға ресми сапармен келген Тәжікстан Президенті Эмомали Рахмонмен кездесті.

• Үкімет үйінде Премьер-Министрдің төрағалығымен Халықаралық қаржы ұйымдарымен және Экономикалық ынтымақтастық және даму ұйымымен өзара іс-қимыл жөніндегі үйлестіру кеңесінің отырысы өтті.

• 13 наурызда Үкімет үйінде Бақытжан Сағынтаев «Шеврон Еуропа, Еуразия, Таяу Шығыс. Барлау және Өндіру» президенті Джеффри Тодд Левимен кездесу өткізді.

• «Президенттің бес әлеуметтік бастамасын» іске асыру аясында ҚР Үкіметінің баспасөз орталығында МЖӘ қағидаларына негізделген студенттер жатақханаларының құрылысы туралы және елімізді одан әрі газбен қамтамасыз ету мәселелері туралы баспасөз конференциялары өтті.

• 
• 
• 
•