19 мамырда Астанада, «Назарбаев университетінің» ғимаратында QazaqGeography «Қазақстандық ұлттық географиялық қоғамы» республикалық қоғамдық бірлестігінің кезектен тыс съезі өз жұмысын бастады.

Съезд жұмысына QazaqGeography Қамқоршылық және Басқару кеңестерінің мүшелері, сондай-ақ географиялық қоғамның белсенді мүшелері қатысты.

Съезде ұйымдастырушылық мәселелер, атап айтқанда, QazaqGeography Төрағасы — жаңа лауазымын енгізу мәселесі талқыланды. Дауыс беру қорытындысы бойынша оған Асқар Ұзақпайұлы Мамин сайланды. Сондай-ақ, Төраға туралы ереже бекітіліп, ҚҰГҚ Жарғысына тиісті түзетулер енгізілді. Бұдан өзге, «Қазақстандық ұлттық географиялық қоғамды» дамытудың өзекті мәселелерін талқылауға арналған жұмыс кездесуі өтті.

 

Анықтама: 2013 жылғы қазан айында QazaqGeography Қамқоршылық кеңесінің Төрағасы К. Қ. Мәсімовтың бастамасымен және қолдауымен құрылған QazaqGeography «Қазақстандық ұлттық географиялық қоғамы» РҚБ бес бағытта қызмет көрсетеді:

• география, климат;
• қоршаған орта, табиғи ресурстар;
• биоалуантүрлілік;
• туризм, саяхат, өлкетану;
• тарихи-мәдени мұра, этнография.

Қазіргі уақытта келесі өңірлерде 11 өкілдік ашылған: Алматы, Ақмола, Ақтөбе, Шығыс Қазақстан, Батыс Қазақстан, Қарағанды, Қостанай, Маңғыстау, Павлодар, Солтүстік Қазақстан және Оңтүстік Қазақстан облыстары. QazaqGeography өз жобаларын Еуразия Тобы (ERG), «Шығыстүстімет» ЖШС, «Қазақмыс корпорациясы» ЖШС демеушілік қолдауы арқылы жүзеге асырады.

 

• 
• 
• 
•