Астананың 20 жылдығы: «Ақтөбе–Астана» автокеруені кеңестік және тәуелсіз Қазақстанның барлық астаналарынан өтеді

25–29 маусым аралығында Ақтөбеде Қазақстан астанасының 20 жылдығын мерекелеуге орай QazaqGeography қазақстандық ұлттық географиялық қоғамының республикалық «Хан Қорық» жастар фестивалі өтіп жатыр. 

Бұл Қазақстанның барлық облыстарынан келетін студенттер мен жастар үшін жыл сайын өткізілетін жастар жобасы. Өткен жылдары фестиваль Ұлытау тарихи алқабында, Сайрам су биік таулы шатқалында және Баянауыл облысының көркем мекендерінде өтті.

Биыл шара Қазақстан елордасы Астаннаның 20 жылдығын мерекелеу аясында өтіп жатыр. Ақтөбеден кеңестік және тәуелсіз Қазақстанның барлық астаналарын: Орынбор, Қызылорда, Алматыны аралайтын және Астанада саяхатты аяқтайтын автокеруен бастау алды. Фестивальға 14 қазақстандық ЖОО-дан, Ресей және Өзбекстан университеттерінен 120-дан аса қатысушы келеді деп жоспарланып отыр.

Фестивальдің ашылу салтанатына Ақтөбе облысы әкімінің орынбасары Е. Нұрғалиев және «Хан Қорық» фестивалінің басшысы Т. Дәуітбаева қатысты.

«Ақтөбе жерінде Республиканың киелі орындарының тізіміне кірген мәдени мұраларының 11 объектісі бар. Қатысушыларға облысымыздың ең әдемі жерлерін аралау қызықты болатынына сенімдімін», — деді Е. Нұрғалиев.

Өз кезегінде, QazaqGeography өкілі Т. Дәуітбаева «Хан Қорық» фестивалінің көпке жақсы танылып келе жатқанын атап өтті.

«Жыл сайын фестивальға Қазақстанның әр бұрышынан және жақын шетелден студенттер мен жастар жиналады. Біз көптеген қатысушылардың жадында жаздың ең жарқын естелігі ретінде қалатын фестивальді ұйымдастыра алғанымызбен мақтанамыз», — деді ол.

Фестиваль ғылыми, ойын-сауық және экскурсиялық бөлімдеріне бөлінген. 25 маусымда Қ. Жұбанов атындағы Ақтөбе өңірлік мемлекеттік университетінің (АӨМУ) қабырғасында «Климаттың өзгеруі» және «Су ресурстары» тақырыптары бойынша баяндамалар конкурсы, ғылыми-тәжірибелік студенттік конференциясы өтті. Конференция БҰҰ ДБ-ның «Жасыл экономика моделіне көшу үшін Қазақстанды қолдау» және «Климаттың өзгеруі және екі жылдық баяндама туралы БҰҰ Шекті конвенциясы аясындағы Ұлттық қатынасын әзірлеу» жобаларымен қолданды.

Бұдан кейінгі күндерде қатысушылар «Әлия» мұражайына, Абат-Байтақ кесенесіне, Қобыланды батыр мемориалдық кешеніне, Ақтөбе ескерткіштеріне және су қоймасына экскурсияға барады; пейнтбол, ату және волейбол жарыстарына; спорттық ойындарға, от шашулар, гала-концерттер мен көптеген басқа да жарыстарға қатысады.