Мемлекеттік комиссия отырысында ЭКСПО-2017 Халықаралық көрмесінің жаңа логотипі бекітілді
Бүгін Үкімет үйінде ҚР Премьер-Министрі Серік Ахметовтің төрағалығымен ЭКСПО-2017 халықаралық мамандандырылған көрмесін дайындау мен өткізу жөніндегі Мемлекеттік комиссияның кезекті отырысы өтті.
Күн тәртібінде көрменің жаңа логотипін таңдау туралы мәселе қаралды. Мемлекеттік комиссия мүшелерінің назарына халықтың онлайн арқылы дауыс беруі барысында іріктеп алынған екі нұсқа ұсынылды.
Естеріңізге салайық, үстіміздегі жылдың 9-22 шілдесі аралығында қазақстандықтар белгілі Интернет ресурстар мен әлеуметтік желілер арқылы ұсынылған жеті логотиптің біреуіне дауыс беруге мүмкіндік алған болатын.
Сонымен, дауыс беру қортындысы бойынша «Жасыл энергия» және «Жел энергиясы» атты екі озық үлгі анықталды.
Мемлекеттік комиссияның шешімімен ЭКСПО-2017 халықаралық мамандандырылған көрмесінің жаңа фирмалық белгісі ретінде «Жел энергиясы» логотипі бекітілді.
Отырыста бұдан басқа да бірқатар мәселелер қаралып, олар бойынша Үкімет басшысы тиісті тапсырмалар берді.
Қазақстанның Премьер-министрі мен Үкіметі жаңалықтарынан хабардар болыңыз — ресми Telegram-каналға жазылыңыз
