ҚР Үкіметі жаңа Мемлекеттік аудит тұжырымдамасын әзірледі - Б.Жәмішев

«Осы Тұжырымдама, сонымен қатар бақылауға бағдарланған мемлекеттік аудит жүйесін енгізуді ғана емес, қолданыстағы басқару жүйесін бағалауды да көздейді», - деді Б.Жәмішев. 

Осылайша, Қаржы министрлігі басшысының айтуынша, жаңа мемлекеттік аудит жүйесі халықаралық стандарттарды енгізуді, 
мемлекеттік аудит жөнінде бірыңғай ақпараттық дерек қорларын әзірлеуді, сыртқы және ішкі аудиттің және бақылаудың аражігін ашуды көздейді.

«Үкіметтің ішкі аудит пен бақылау органы ретінде ішкі аудит жөніндегі уәкілетті органды құру мәселесі қаралып отыр. Басшылыққа және құрылымдық бөлімшелерге көмек көрсету жөніндегі функциялар ішкі аудит қызметтеріне бекітіп берілетін болады», - деп мәлімдеді министр. 

Жалпы алғанда, тұжырымдаманы іске асыру бюджет қаражатын пайдалану тиімділігіне, менеджмент сапасын арттыруға, ұйымдардың тәуекелдерін айқындауға және төмендетуге, тексерулер рәсімдерінің қайталануын азайтуға, бірыңғай қағидаттар мен стандарттарды пайдалану кезінде сенімділіктің жеткілікті дәрежесін қамтамасыз етуге ықпалын тигізеді.