Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Қазақстан Республикасы Үкіметінің 2019 жылғы 04 мамырдағы № 248 қаулысы

Жарияланды: Сейсенбі, 26 Қараша 2019

Қазақстан Республикасы Үкіметінің «Жеке кәсіпкерлікті мемлекеттік қолдаудың кейбір шаралары туралы» 2016 жылғы 19 сәуірдегі № 234 және «Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы» 2018 жылғы 11 желтоқсандағы № 820 қаулыларына өзгерістер мен толықтырулар енгізу туралы

Қазақстан Республикасының Үкіметі ҚАУЛЫ ЕТЕДІ:

  1. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:
  2. «Жеке кәсіпкерлікті мемлекеттік қолдаудың кейбір шаралары туралы» Қазақстан Республикасы Үкіметінің 2016 жылғы 19 сәуірдегі № 234 қаулысында (Қазақстан Республикасы ПҮАЖ, 2016 ж., № 25-26, 139-құжат):

көрсетілген қаулымен бекітілген «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде сыйақы мөлшерлемесінің бір бөлігін субсидиялау қағидаларында:

72-2-тармақтың үшінші бөлігі мынадай редакцияда жазылсын:

«Бұл ретте, айналым қаражатының мөлшері қарыз алушының бір жобасы шеңберінде кредит сомасының 50 %-ынан аспауға тиіс айналым қаражатын толықтыруға арналған кредитті субсидиялауға рұқсат етіледі.»;

72-3-тармақтың бірінші бөлігі мынадай редакцияда жазылсын:

«72-3. Өңдеу өнеркәсібіндегі және көрсетілетін қызметтердегі, сондай-ақ агроөнеркәсіптік кешендегі өндіру мен өңдеудегі сомасы 10 (он) миллиард теңгеден асатын жобаларға кредит беру бойынша тиісті салалық орталық уәкілетті органның оң қорытындысы қажет.»;

72-6-тармақ мынадай редакцияда жазылсын:

«72-6. Агроөнеркәсіптік кешендегі өндіру бойынша 10 (он) миллиард теңгеден асатын жобалар бойынша салалық қорытынды келіп түскеннен кейін қаржы агенттігі жұмыс органына хабарлама-хат пен осы Субсидиялау қағидаларының
72-3-тармағында көрсетілген құжаттарды салалық қорытындыны алған күннен бастап 5 жұмыс күні ішінде жібереді.

Жобаларды субсидиялау № 436 бұйрыққа сәйкес жүргізіледі.»;

72-8-тармақ мынадай редакцияда жазылсын:

«72-8. Өңдеу өнеркәсібіндегі және көрсетілетін қызметтердегі, сондай-ақ агроөнеркәсіптік кешендегі өңдеу бойынша 10 (он) миллиард теңгеден асатын жобалар бойынша қаржы агенттігі салалық қорытынды келіп түскеннен кейін 5 (бес) жұмыс күні ішінде субсидиялау туралы шешім қабылдайды.»;

75-тармақтың 2) тармақшасы мынадай редакцияда жазылсын:

«2) мыналар қамтылатын кәсіпкер жобасының бизнес-жоспары:

Бағдарлама шеңберінде жобаны іске асыруға өз қаражатының (ақшасының, жылжымалы/жылжымайтын мүлкінің) және/немесе үшінші тұлғалардың мүлкінің (180 (бір жүз сексен) миллион теңгеден жоғары кредиттер/қаржылық лизинг шарттары бойынша) қатысуын қамтамасыз ету мерзімдері. Бұл ретте мүліктің мұндай қатысуы жобаны іске асырудың жалпы құнының кемінде 10 %-ы деңгейінде қамтамасыз етілуі тиіс;

қаржы агенттігі субсидиялау туралы шешім қабылдаған күннен бастап
2 (екі) қаржы жылынан кейін міндетті зейнетақы жарналары және (немесе) әлеуметтік аударымдар бойынша деректердің негізінде кірістердің өсуіне, жұмыс орындарының орташа жылдық санының ұлғаюына және төленетін салықтар көлемінің 10 %-ға өсуіне қол жеткізу кезеңдері (осы абзацтың талабы Бағдарламаның бірінші бағыты шеңберінде қатысуға өтініш берген жағдайда/Бағдарламаның екінші бағыты шеңберінде кәсіпкерлер – шағын кәсіпкерлік субъектілерінің жобалары бойынша қолданылады);

салықтық есептілік деректері негізінде жұмыс орындарының орташа жылдық санын сақтау/ұлғайту немесе қаржы агенттігі субсидиялау туралы шешім қабылдаған күннен бастап 2 (екі) қаржы жылынан кейін кірісті 10 %-ға өсіруге қол жеткізу шарты (осы абзацтың талабы Тетік шеңберіндегі жобаларға қолданылады);»;

79-1-тармақ мынадай редакцияда жазылсын:

«79-1. Тетік шеңберінде жобаны қаржы агенттігі құжаттар мен қажетті ақпарат келіп түскен күннен бастап 5 (бес) жұмыс күні ішінде қарайды.

Қаржы агенттігінің тиісті салалық орталық уәкілетті органның қорытындысы бар шешімі құжаттар топтамасы мен қажетті ақпарат банктен қаржы агенттігіне келіп түскен күннен бастап 15 (он бес) жұмыс күні ішінде беріледі.

Бұл ретте, қаржы агенттігінің уәкілетті органы оң шешім қабылдаған жағдайда шешімде: жеке кәсіпкерлік субъектісінің салықтық есептілік                   (100-нысан) деректері негізінде жұмыс орындарының орташа жылдық санын сақтау және (немесе) ұлғайту жөніндегі міндеттемелері немесе қаржы агенттігінің уәкілетті органы субсидиялау туралы шешім қабылдаған күннен бастап 2 (екі) қаржы жылынан кейін кірісті 10 %-ға өсіруге қол жеткізуі көрсетіледі.»;

124-тармақтың 8) тармақшасы мынадай редакцияда жазылсын:

«8) қаржы агенттігінің уәкілетті органы шешім қабылдаған күннен бастап        2 (екі) қаржы жылынан кейін кәсіпкерлердің міндетті зейнетақы жарналары және (немесе) әлеуметтік аударымдар жөніндегі деректердің негізінде кірістің өсуіне және жұмыс орындарының орташа жылдық санының 10 %-ға ұлғаюына қол жеткізу жөніндегі (Бағдарламаның бірінші бағыты шеңберіндегі кәсіпкерлердің жобалары бойынша, сондай-ақ Бағдарламаның екінші бағыты шеңберінде кәсіпкерлер – шағын кәсіпкерлік субъектілерінің жобалары бойынша), сондай-ақ қаржы агенттігінің уәкілетті органы Тетік шеңберінде субсидиялау туралы шешім қабылдаған күннен бастап 2 (екі) қаржы жылынан кейін салықтық есептілік деректері негізінде жұмыс орындарының орташа жылдық санын сақтау және (немесе) 10%-ға ұлғайту немесе кірістің 10%-ға өсуіне қол жеткізу бөлігінде міндеттемелерін орындамау фактілері анықталған кезде кәсіпкерлерді субсидиялауды тоқтата тұрады.»;

8 және 10-қосымшалар осы қаулыға 1 және 2-қосымшаларға сәйкес жаңа редакцияда жазылсын;

көрсетілген қаулымен бекітілген «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде шағын және орта кәсіпкерлік субъектілерінің кредиттері бойынша кепілдік беру қағидаларында:

1, 2, 3 және 4-тармақтар мынадай редакцияда жазылсын:

«1. Осы «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде шағын және орта кәсіпкерлік субъектілерінің кредиттері бойынша кепілдік беру қағидалары (бұдан әрі − Кепілдік беру қағидалары) Қазақстан Республикасының Кәсіпкерлік кодексіне сәйкес әзірленді және кәсіпкерлердің кредиттері бойынша міндеттемелердің орындалуын ішінара қамтамасыз ету ретінде кепілдіктер беру тетігі мен шарттарын айқындайды.

2. Кепілдік беру кәсіпкерлердің «Бизнестің жол картасы-2020» бизнесті қолдау мен дамытудың мемлекеттік бағдарламасы (бұдан әрі − Бағдарлама)/ «Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы» Қазақстан Республикасы Үкіметінің 2018 жылғы 11 желтоқсандағы № 820 қаулысымен бекітілген Басым жобаларға кредит беру тетігі (бұдан әрі − Тетік) шеңберіндегі кредиттері бойынша жүзеге асырылады.

3. Кепілдік беру кәсіпкерлерді қаржылық қолдау құралы болып табылады және кредиттік ресурстарға қол жеткізуді кеңейту мен қамтамасыз ету үшін пайдаланылады.

4. Кепілдік беру үшін көзделген қаражатты Бағдарлама бойынша − облыс (астана, республикалық маңызы бар қалалар) әкімі қаржы агентіне өзара жасалатын Бағдарлама шеңберінде субсидиялау және кепілдік беру туралы шарттың негізінде жергілікті бюджет қаражаты есебінен аударады. Бағдарлама шеңберінде субсидиялау және кепілдік беру туралы шарттың үлгі нысанын кәсіпкерлік жөніндегі уәкілетті орган бекітеді.

Тетік шеңберінде кепілдік жағдайы (кепілдік бойынша төлем) туындағанда кәсіпкерлік жөніндегі уәкілетті орган жылына екі реттен сиретпей қаржы агенттігіне қаржы агенттігі мен уәкілетті орган арасында жасалған Тетік шеңберінде кепілдік беру үшін қаражат аудару туралы келісімнің негізінде республикалық бюджеттен жобалар бойынша қаржы агенттігі орындаған талаптардың 100 %-ы мөлшерінде төлем жүргізеді.»;

5-тармақтың 1) тармақшасы мынадай редакцияда жазылсын:

«1) банк – екінші деңгейдегі банк, оның ішінде Бағдарламаға қатысатын даму банкі/Тетіккеқатысатын екінші деңгейдегі банк;»;

5-тармақтың 3) тармақшасы мынадай редакцияда жазылсын:

«3) кепілдік беру – Бағдарламада/Тетікте, осы Кепілдік беру қағидаларында және кепілдік шартында айқындалған шарттарда кәсіпкердің кредиті бойынша міндеттемелердің орындалуын қамтамасыз ету ретінде ішінара кепілдік беру түрінде пайдаланылатын кәсіпкерлерді мемлекеттік қолдау нысаны;»;

5-тармақ мынадай мазмұндағы 18) тармақшамен толықтырылсын:

«18) кәсіпкер – өз қызметін 2015 жылғы 29 қазандағы Қазақстан Республикасының Кәсіпкерлік кодексіне сәйкес жүзеге асыратын шағын және (немесе) орта кәсіпкерлік субъектісі, сондай-ақ «Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы» Қазақстан Республикасы Үкіметінің 2018 жылғы         11 желтоқсандағы № 820 қаулысымен бекітілген Басым жобаларға кредит беру тетігінде көрсетілген жеке кәсіпкерлік субъектісі.»;

мынадай мазмұндағы 4-1-тараумен толықтырылсын:

«4-1. Тетік шеңберінде кепілдіктер беру шарттары

44-1. Кепілдік беру кәсіпкерлік субъектілерінің Тетікте белгіленген талаптарға сәйкес келетін жобалары бойынша беріледі.

44-2. Кепілдік беруге: осы Кепілдік беру қағидаларына 8-қосымшаға сәйкес агроөнеркәсіптік кешендегі өңдеу жөніндегі, осы Кепілдік беру қағидаларына          9-қосымшаға сәйкес өңдеу өнеркәсібі мен көрсетілетін қызметтер жөніндегі жобалар бойынша тауарлар (көрсетілетін қызметтер) тізбесі шеңберінде банктер инвестицияларға (даму банкін қоспағанда) және айналым қаражатын толықтыруға (оның ішінде жаңартылатын негізде) беретін кредиттер жатады.

44-3. Айналым қаражатының мөлшері қарыз алушының бір жобасы шеңберінде кредит сомасының 50 %-ынан аспауға тиіс айналым қаражатын толықтыруға арналған кредитке кепілдік беруге жол беріледі.

44-4. ЕДБ-ның жылдық номиналды сыйақы мөлшерлемесі 15 %-дан аспайтын кредиттері кепілдік беруге жатады. Кепілдік кредит мерзімінен аспайтын мерзімге беріледі.

44-5. Қарыз алушының бір жобасы шеңберіндегі кепілдік мөлшері:

қоса алғанда 3 млрд. теңгеге дейінгі кредит сомасының 50 %-ы аспайды.

3 млрд. теңгеден астам, қоса алғанда 5 млрд. теңгеге дейінгі кредит сомасының 20 %-ынан аспайды;

Бұл ретте, кредит (кепілдік құны) бойынша қамтамасыз етудегі айырманы кәсіпкер жабады.

44-6. Тетіктің шеңберінде банктер мыналарға:

1) кәсіпкер бастамашылық ететін кредит беру шарттарының өзгеруіне байланысты;

2) кәсіпкердің кредит бойынша міндеттемелерді бұзуы себебінен алынатын;

3) кепіл затына тәуелсіз бағалау жүргізуге, кепіл шартын тіркеуге және ауыртпалықты алуға байланысты;

4) есеп айырысу-кассалық қызмет көрсету бойынша төлемдерге байланыстыларды қоспағанда, кредитке байланысты қандай да бір комиссияларды, алымдарды және/немесе өзге төлемдерді алмайды.»;

мынадай мазмұндағы 5-1-тараумен толықтырылсын:

«5-1. Тетік шеңберінде кепілдіктер беру тәртібі

55-1. Кәсіпкер Тетік шеңберінде кредит алу үшін банкке өтініш береді.

Банктің ішкі құжаттарында белгіленген рәсімге сәйкес банк кәсіпкердің өтінішін дербес қарайды және қамтамасыз ету жеткіліксіз болған жағдайда, қаржы агенттігінің ішінара кепілдігімен кредит беру мүмкіндігі туралы шешім қабылдау үшін жобаны банктің уәкілетті органының қарауына шығарады.

Банктің уәкілетті органы шешім қабылдаған күннен бастап 2 (екі) жұмыс күні ішінде қаржы агенттігіне кепілдік беру туралы мәселені қарау үшін осы Кепілдік беру қағидаларына 3-қосымшаға сәйкес құжаттарды ұсынады.

55-2. Қаржы агенттігі 10 (он) жұмыс күні ішінде банктен келіп түскен құжаттарды және кәсіпкерден түскен өтінішті Тетік шарттарына сәйкестігі тұрғысынан қарайды. Тетік шеңберіндегі жобалар портфельдік кепілдік беру шеңберінде қаралмайды.

Агроөнеркәсіптік кешендегі өңдеу бойынша және/немесе өңдеу өнеркәсібіндегі жобалар мен көрсетілетін қызметтер бойынша 10 (он) миллиард теңгеден асатын жобалар бойынша салалық қорытынды алу үшін тиісті салалық орталық уәкілетті органға сұрау салу жіберіледі.

Салалық қорытындыны тиісті орталық уәкілетті мемлекеттік органдар қаржы агенттігінен сұрау салу түскен күннен бастап 10 (он) жұмыс күні ішінде ұсынады.

Қажет болған жағдайда орталық уәкілетті мемлекеттік орган жеке кәсіпкерлік субъектісінен қосымша ақпаратты/құжаттарды сұратуға құқылы.

55-3. Агроөнеркәсіптік кешендегі өңдеу және өңдеу өнеркәсібі мен көрсетілетін қызметтер жөніндегі жобалар бойынша қаржы агенттігі жобаны уәкілетті мемлекеттік органдар қарағаннан кейін (қажет болған жағдайда)               15 (он бес) жұмыс күні ішінде қарайды және кепілдік беру туралы шешім қабылдайды.

Ұсынылған құжаттарға ескертулер болған жағдайда және/немесе қосымша құжаттарды ұсыну қажет болған кезде қаржы агенттігі 3 (үш) жұмыс күні ішінде жою және (немесе) ақпарат ұсыну үшін банкке анықталған ескертулерді/қосымша құжаттарға сұрау салуды жібереді. Бұл ретте қаржы агенттігі үшін жоғарыда көрсетілген құжаттарды қарау мерзімі жаңартылады.

55-4. Қаржы агенттігі кепілдік беру (бермеу) туралы оң/ теріс шешім қабылдаған жағдайда, қаржы агенттігі 2 (екі) жұмыс күні ішінде банкке міндетті зейнетақы жарналары және (немесе) әлеуметтік аударымдар бойынша деректер негізінде қаржы агенттігі шешім қабылдаған күннен бастап 2 (екі) қаржы жылынан кейін кірістің 10 %-ға өсуін немесе жұмыс орындарының орташа жылдық санын сақтауды/ұлғайтуды көрсете отырып, қаржы агенттігінің кепілдік беру мүмкіндігі (мүмкін еместігі) туралы шешімі бар хат жібереді.

55-5. Қаржы агенттігінің кепілдік беру мүмкіндігі туралы оң шешімі бар хатты алғаннан кейін:

1) банк пен кәсіпкер банктік қарыз шартын, кепіл(-дер) шарт(-тар)ын жасасады. Банктік қарыз шартының көшірмесі қаржы агенттігіне жіберіледі.

Қаржы агенттігінің оң шешімі бар хатты алғаннан кейін банктің қалауы бойынша кредит сомасының 50 %-ына дейінгі бір бөлігін беруге жол беріледі;

2) банктен банктік қарыз шартының көшірмесін алғаннан кейін қаржы агенттігі кепілдік шартын ресімдейді және оған қол қойып, банкке жібереді;

3) банк кепілдік шартына қол қояды, оған кәсіпкердің қол қоюын қамтамасыз етеді және қол қойылған кепілдік шартын қаржы агенттігіне жібереді;

4) банк қаржы агенттігінен қол қойылған кепілдік шартын алғаннан кейін кәсіпкерге кредит беруді жүзеге асырады.»;

60-тармақ мынадай редакцияда жазылсын:

«60. Бағдарламаның/Тетіктің іске асырылуын мониторингілеуді кәсіпкерлік жөніндегі уәкілетті орган бекітетін «Бизнестің жол қартасы-2020» бизнесті қолдау мен дамытудың мемлекеттік бағдарламасы шеңберінде іске асырылатын жобаларға мониторинг жүргізу қағидаларының негізінде қаржы агенттігі жүзеге асырады.»;

64 және 65-тармақтар мынадай редакцияда жазылсын:

«64. Қазақстан Республикасы Қаржы министрлігінің Мемлекеттік кірістер комитеті кәсіпкерлік субъектілерінің салық төлеуші туралы мәліметтерді беруге келісуі туралы ұсынылған өтініштердің негізінде Бағдарламаға/Тетікке қатысушылар жұмыскерлерінің бюджетке төлеген салықтары мен төлемдерінің көлемі және саны туралы мәліметтерді қаржы агенттігіне жібереді. Бағдарламаға/Тетікке қатысушылар жұмыскерлерінің кірістері, бюджетке төлеген салықтары мен төлемдерінің көлемі және саны туралы соңғы 5 (бес) жылдағы жылдық деректер кәсіпкерлік субъектілерінің салық төлеуші туралы мәліметтер беруге келісуі туралы ұсынылған өтініштердің негізінде қаржы агенттігінің сұрау салуы бойынша ұсынылады.

65. Бағдарламаның/Тетіктің тиімділігінің жалпы кешенді жылдық талдамалық есебін қалыптастыру мақсатында қаржы агенттігі есепті кезеңнен кейінгі жылдың сәуірінен кешіктірмей, Бағдарламаның бірінші және екінші бағыттарын мониторингілеу нәтижелерін қаржылық емес қолдау операторына және уәкілетті органға жібереді.»;

осы қаулыға 3 және 4-қосымшаларға сәйкес 8 және 9-қосымшалармен толықтырылсын;

2) «Қолжетімді кредит беру міндетін шешу үшін ұзақ мерзімді теңгелік өтімділікті қамтамасыз етудің кейбір мәселелері туралы» Қазақстан Республикасы Үкіметінің 2018 жылғы 11 желтоқсандағы № 820 қаулысында:

2-тармақтың тоғызыншы бөлігі мынадай редакцияда жазылсын:

«Бұл ретте ЕДБ айналым қаражатын толықтыру мақсатына қарыз алушының бір жобасы шеңберінде берілетін кредит қаражатының 50 %-дан аспайтын мөлшерін жіберуге құқылы. Бұл шектеу агроөнеркәсіптік кешендегі өндіріс бойынша жобаларды қаржыландыруға қолданылмайды.»;

5-тармақтың екінші бөлігі мынадай редакцияда жазылсын:

«Жобаларға 10 миллиард теңгеден астам сомаға кредит берген жағдайда тиісті салалық орталық уәкілетті органның оң қорытындысы қажет.»;

6-тармақтың бірінші бөлігі мынадай редакцияда жазылсын:

«қаржы агенттігінің субсидиялау және/немесе кепілдік беру туралы шешімі қабылданған күннен бастап 2 (екі) қаржы жылынан кейін салықтық есептілік деректерінің негізінде жұмыс орындарының орташа жылдық санын сақтау/ұлғайту немесе кірісті 10 %-ға өсіруге қол жеткізу.»;

мынадай мазмұндағы 7-1-тармақпен толықтырылсын:

«7-1. ЖКС жобаларына кепілдік беру шарттары:

Номиналды сыйақы мөлшерлемесі жылдық 15 %-дан аспайтын кредиттерге кепілдік беруге жатады. Қарыз алушының бір жобасы шеңберінде кепілдік көлемі:

қоса алғанда 3 млрд. теңгеге дейінгі кредит сомасының 50 %-ынан аспайды;

3 млрд. теңгеден астам, 5 млрд. теңгеге дейінгі қоса алғанда кредит сомасының 20 %-ынан аспайды.

Кепілдік мерзімі кредит мерзімінен аспайды.

Кепілдік беру шарттары, тәртібі және тетігі, сондай-ақ осы тетік шеңберінде іске асырылатын жобалардың мониторингі Қазақстан Республикасы Үкіметінің 2016 жылғы 19 сәуірдегі № 234 қаулысымен бекітілген «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде шағын және орта кәсіпкерлік субъектілерінің кредиттері бойынша кепілдік беру қағидаларымен регламенттеледі.»;

басым жобаларға кредит беру тетігіне қосымша осы қаулыға
5-қосымшаға сәйкес жаңа редакцияда жазылсын.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының  Премьер-Министрі                         А. Мамин

Қосымша 1

Қосымша 2

Қосымша 3

Қосымша 4

Қосымша 5


Жаңалықтар тізбегі
04 Наурыз 2021, 20:54
Қазақстан Президенті Экономикалық ынтымақтастық ұйымының 14-саммитіне қатысты
04 Наурыз 2021, 19:56
Қазақстан мен Өзбекстанның вице-премьерлері COVID-19 таралуына жол бермеу жөніндегі бірлескен шараларды талқылады
04 Наурыз 2021, 18:27
ҚР-да 30 шетелдік фармацевтикалық өндіруші өз өндірісін жергіліктендіреді — А. Мамин
04 Наурыз 2021, 14:32
ҚР Премьер-Министрі Асқар Мамин Chevron басшылығымен кездесті
04 Наурыз 2021, 11:19
Абзал Бейсенбекұлы ҚР Қаржы министрлігі аппаратының басшысы болып тағайындалды
04 Наурыз 2021, 10:45
Мархабат Жайымбетов ҚР ИИДМ Құрылыс және тұрғын үй-коммуналдық шаруашылық істері комитетінің төрағасы қызметінен босатылды
04 Наурыз 2021, 10:21
Қазақстан The Economist Intelligence Unit азық-түлік қауіпсіздігінің жаһандық рейтингінде позициясын жақсартты
03 Наурыз 2021, 20:38
Мемлекет басшысы Шетелдік инвесторлар кеңесінің жұмыс кездесуіне қатысты
03 Наурыз 2021, 19:12
Мемлекет басшысы «Қазақстан Республикасының дипломатиялық қызметі туралы» ҚР Заңына түзетулер енгізді
03 Наурыз 2021, 19:05
Қасым-Жомарт Тоқаев Еуразиялық экономикалық комиссия алқасының төрағасы Михаил Мясниковичпен кездесті
03 Наурыз 2021, 19:04
Мемлекет басшысы ҚР-ның Марокко Корольдігіндегі Төтенше және Өкілетті Елшісін тағайындады
03 Наурыз 2021, 15:12
Қазақстан мен Қырғызстан президенттері «Астана» халықаралық қаржы орталығына барды
03 Наурыз 2021, 13:20
Президент Қасым-Жомарт Тоқаев Ұлттық банк төрағасы Ерболат Досаевты қабылдады
02 Наурыз 2021, 20:27
А. Мамин Қырғызстан Президенті С. Жапаровпен келіссөз жүргізді
02 Наурыз 2021, 19:17
Тұрғын үй секторындағы өрт қауіпсіздігін бақылау, су тасқыны кезеңіне дайындық, төтенше жағдайларға ден қою — ҚР ТЖМ
02 Наурыз 2021, 18:15
Қазақстанның Тұңғыш Президенті Қырғыз Республикасының Президенті Садыр Жапаровпен кездесті
02 Наурыз 2021, 17:33
Дәурен Кеңбейіл Қазақстан Республикасының қаржы вице-министрі болып тағайындалды
02 Наурыз 2021, 15:10
Мұрат Теміржанов ҚР Ауыл шаруашылығы министрлігі Жер ресурстарын басқару комитетінің төрағасы болып тағайындалды
02 Наурыз 2021, 15:04
Гүлжахан Бимендина ҚР АШМ Жер ресурстарын басқару комитетінің төрайымы қызметінен босатылды 
02 Наурыз 2021, 14:14
ҚР Үкіметінің отырысы, 02.03.2021
02 Наурыз 2021, 13:25
Инвестициялардың өсуі, ауыл шаруашылығы өнімдерін өндіру және жұмыс орындарын құру — Ақмола облысының 2020 жылы дамуы
02 Наурыз 2021, 13:12
Қасым-Жомарт Тоқаев Қырғызстан Президенті Садыр Жапаровпен шағын құрамда келіссөздер өткізді
02 Наурыз 2021, 12:48
Медициналық-санитариялық алғашқы көмекті жақсарту үшін МСАК Астана декларациясының операциялық тетігі ілгерілетілуде — А. Цой
02 Наурыз 2021, 11:00
Қазақстанда бес жылда ауыл шаруашылығында өнім экспортын және ауыл шаруашылығы жұмыскерлерінің табысын 2 есе ұлғайту жоспарланған  
02 Наурыз 2021, 10:37
Қазақстан 2020 жылғы экономикалық еркіндік рейтингінде 39-орынды иеленді
02 Наурыз 2021, 10:22
Үкімет медициналық-санитариялық алғашқы көмекті дамыту шараларын қарады
02 Наурыз 2021, 09:38
А. Мамин: 2025 жылға дейін ҚР АӨК-не 4 трлн теңгеден астам инвестиция тарту көзделген
01 Наурыз 2021, 19:29
Коронавирус инфекцияcымен күрес, медициналық ұйымдарды жабдықтау, медицина саласындағы жалақы реформасы — 2020 жылдың қорытындысы бойынша денсаулық сақтау жүйесінің дамуы
01 Наурыз 2021, 15:34
ҚР Премьер-Министрі А. Мамин «Роскосмос» басшысы Д. Рогозинмен кездесу өткізді
01 Наурыз 2021, 15:13
2 наурыз күні Үкімет үйінде Қазақстан Үкіметінің отырысы өтеді
01 Наурыз 2021, 10:07
Ержан Біржанов ҚР еңбек және халықты әлеуметтік қорғау вице-министрі болып тағайындалды
01 Наурыз 2021, 08:26
ҚР Премьер-Министрі Асқар Мамин Қазақстан халқын Алғыс айту күнімен құттықтады
28 Ақпан 2021, 09:58
Видеодайджест: «Аптаның айшықты оқиғалары» №101
27 Ақпан 2021, 15:24
Қазақстанның денсаулық сақтау жүйесіне шолу: 2020 жылдың қорытындысы және 2021 жылға арналған жоспар
26 Ақпан 2021, 19:55
Қасым-Жомарт Тоқаев Реформалар жөніндегі жоғары кеңестің кезекті отырысын өткізді
26 Ақпан 2021, 18:31
Мемлекет басшысы бірқатар кадрлық тағайындау жасады
26 Ақпан 2021, 16:20
Азаматтардың әлеуметтік құқықтарын қорғау, қызметтерді цифрландыру, зейнетақы реформасы — 2020 жылдың қорытындысы бойынша маңызды әлеуметтік жобалардың іске асырылуы
26 Ақпан 2021, 11:02
Мемлекет басшысы Kaspi.kz компаниясының негізін қалаушыларды қабылдады
26 Ақпан 2021, 10:05
Қазақстан Республикасы Үкіметінің 2021 жылғы 18 ақпандағы №75 Қаулысы
25 Ақпан 2021, 19:09
«Бәйтерек» холдингінің өңдеу секторын қаржылай қолдау көлемі 21%-ға өсті
25 Ақпан 2021, 18:27
Президент Қасым-Жомарт Тоқаев бірқатар мемлекеттің елшілерінен сенім грамоталарын қабылдады
25 Ақпан 2021, 18:07
Мемлекет басшысы Ұлттық қоғамдық сенім кеңесінің бесінші отырысына қатысты
25 Ақпан 2021, 16:58
«Nur Otan» партиясының Төрағасы Нұрсұлтан Назарбаев Бауыржан Байбекті қабылдады
25 Ақпан 2021, 15:31
Мемлекет басшысы Қасым-Жомарт Тоқаевтың Ұлттық қоғамдық сенім кеңесінің V отырысында сөйлеген сөзі
25 Ақпан 2021, 13:31
Мұрат Нұртілеу ҚР Президентінің Әкімшілігі басшысының орынбасары лауазымына тағайындалды
25 Ақпан 2021, 10:29
Әлібек Қуантыров ҚР ұлттық экономика вице-министрі болып тағайындалды  
25 Ақпан 2021, 10:02
Мейіржан Юсупов ҚР ұлттық экономика вице-министрі қызметінен босатылды
24 Ақпан 2021, 18:18
Е. Тоғжанов COVID-19 таралуына жол бермеу жөніндегі ведомствоаралық комиссияның отырысын өткізді
24 Ақпан 2021, 17:56
Ернат Мұхамадиев ҚР Мәдениет және спорт министрлігі аппаратының басшысы болып тағайындалды
24 Ақпан 2021, 17:46
Қазақстан мен Германия «жасыл экономиканы» бірлесіп дамуға ниетті
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.