Қазақстан Республикасы Үкіметінің 2022 жылғы 10 маусымдағы №384 Қаулысы

Мемлекеттiк әлеуметтiк сақтандыру қорынан төленетiн әлеуметтiк төлемдердiң мөлшерiн 2022 жылғы 1 сәуірден бастап арттыру туралы

«Міндетті әлеуметтік сақтандыру туралы» 2019 жылғы 26 желтоқсандағы Қазақстан Республикасының Заңы 8-бабының 3) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. 2022 жылғы 1 сәуірге дейін Мемлекеттік әлеуметтік сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтік төлемдердiң мөлшерiн 2022 жылғы 1 сәуірден бастап алатын әлеуметтік төлемдердің мөлшерінен төрт пайызға арттыру жүргізілсін.

2. Осы қаулы 2022 жылғы 1 сәуірден бастап қолданысқа енгiзiледi және ресми жариялануға тиіс.

Қазақстан Республикасының

Премьер-Министрі                                                             Ә. Смайылов