Қазақстан Республикасы Үкіметінің 2026 жылғы 24 тамыздағы №757 қаулысы

«Қазақстан Республикасы Энергетика министрлігінің мәселелері» туралы Қазақстан Республикасы Үкіметінің 2014 жылғы 19 қыркүйектегі №994 қаулысына өзгерістер мен толықтырулар енгізу туралы

Қазақстан Республикасының Үкіметі ҚАУЛЫ ЕТЕДІ:

1. «Қазақстан Республикасы Энергетика министрлігінің мәселелері» туралы Қазақстан Республикасы Үкіметінің 2014 жылғы 19 қыркүйектегі № 994 қаулысына мынадай өзгерістер мен толықтырулар енгізілсін:

көрсетілген қаулымен бекітілген Қазақстан Республикасы Энергетика министрлігі туралы ережеде:

15-тармақта:

22) тармақша мынадай редакцияда жазылсын:

«22) мемлекеттік қызметтер көрсету тәртібін айқындайтын заңға тәуелді нормативтік құқықтық актілерді әзірлейді және олардың уақтылы қабылдануын қамтамасыз етеді, сондай-ақ олардағы қарама-қайшылықтар мен олқылықтарды жояды;»;

мынадай мазмұндағы 22-2) тармақшамен толықтырылсын:

«22-2) цифрландыру саласындағы уәкілетті органмен келісу бойынша Қазақстан Республикасының заңнамасына сәйкес, мемлекеттік көрсетілетін қызмет нәтижесіне автоматтандырылған қол қоюды қолдануды қоса алғанда, мемлекеттік көрсетілетін қызметті цифрлық және проактивті форматтарға көшіруді қамтамасыз етеді;»;

мынадай мазмұндағы 466-1), 466-2) және 466-3) тармақшалармен толықтырылсын:

«466-1) «Б» корпусының әкімшілік мемлекеттік лауазымдарына қойылатын біліктілік талаптарын бекітеді;

466-2) мемлекеттік қызметшілер еңбек тәртіптемесінің қағидаларын бекітеді;

466-3) мемлекеттік заңды тұлғаларда басқарушылық функцияларды атқарумен байланысты лауазымдарға қойылатын біліктілік талаптарын бекітеді;»;

19-тармақтың 2) тармақшасы мынадай редакцияда жазылсын:

«2) өз қызметінде өзінің бақылауында болатын комитеттердің басшыларын, Министрліктің аумақтық бөлімшелерінің басшыларын, Министрліктің ведомстволық бағынысты ұйымдарының басшыларын лауазымдарға тағайындайды және лауазымдарынан босатады;»;

21-тармақ мынадай редакцияда жазылсын:

«21. Министрліктің аппаратын Министрліктің бірінші басшысы лауазымға тағайындайтын және лауазымынан босататын аппарат басшысы басқарады.»;

22-тармақ алып тасталсын.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының

Премьер-Министрі                                                                    О. Бектенов