Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

Қазақстан Республикасы Үкіметінің 2016 жылғы «27» қаңтардағы № 33 қаулысы

Жарияланды: Сәрсенбі, 27 Қаңтар 2016

«Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесін бекіту туралы» 2009 жылғы 30 қазандағы Қазақстан Республикасы Үкіметінің № 1729 қаулысына өзгерістер мен толықтыру енгізу туралы

 

Қазақстан Республикасының Үкіметі ҚАУЛЫ ЕТЕДІ:

1. «Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесін бекіту туралы»Қазақстан Республикасы Үкіметінің 2009 жылғы 30 қазандағы № 1729 қаулысына (Қазақстан Республикасының ПҮАЖ-ы, 2009 ж., № 47-48, 444-құжат)мынадай өзгерістер мен толықтыру енгізілсін:

көрсетілген қаулымен бекітілген Тегін медициналық көмектің кепілдік берілген көлемін көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу ережесінде:

2-тармақ мынадай мазмұндағы 5-1) тармақшамен толықтырылсын:

«5-1) лизинг берушінің сараптамалық бағасы – денсаулық сақтау саласындағы уәкілетті орган бекіткен, медициналық техниканың тиімді техникалық сипаттамаларының және клиникалық-техникалық негіздемесінің сараптамалық бағалауын жүзеге асыру әдістемесіне сәйкес лизинг беруші жүзеге асыратын баға;»;

50-тармақтың 6) тармақшасы мынадай редакцияда жазылсын:

«6) сатып алу туралы шарттың немесе қаржылық лизинг шартының күшіне енуі және тендерлік құжаттамада көзделген сатып алу туралы шарттың орындалуын қамтамасыз етуді тендер жеңімпазының енгізу сәтінен бастап кері қайтарады.»;

51-тармақтың 2) тармақшасы мынадай редакцияда жазылсын:

«2) тендер жеңімпазы болып анықталған, бірақ сатып алу немесе қаржылық лизинг шартын уақтылы жасаспаған жағдайларда әлеуетті өнім берушіге қайтарылмайды.»;

8-бөлімнің тақырыбы мынадай редакцияда жазылсын:

«8. Сатып алу туралы шартты немесе қаржылық лизинг шартын орындауды қамтамасыз етуді енгізу тәртібі»;

70-тармақ мынадай редакцияда жазылсын:

«70. Сатып алу туралы шартты немесе қаржылық лизинг шартын орындауды қамтамасыз ету мынадай түрде ұсынылуы мүмкін:

1) банкте орналастырылатын ақшалай кепілдік;

2) Қазақстан Республикасы Ұлттық Банкінің нормативтік құқықтық актілеріне сәйкес берілген банк кепілдігі.

Ақшалай кепілдік түрінде шарттың, қаржылық лизинг шартының орындалуын қамтамасыз етуді әлеуетті өнім беруші тендерді ұйымдастырушының тиісті шотына салады.

Сатып алу туралы шартты немесе қаржылық лизинг шартын орындауды қамтамасыз ету мөлшері шарттың жалпы сомасының үш пайызын құрайды.

Сатып алу туралы шарттың немесе қаржылық лизинг шартының сомасы тиісті қаржы жылындағы екі мың есе айлық есептік көрсеткіш мөлшерінен аспаған жағдайда, сатып алу туралы шартты немесе қаржылық лизинг шартын орындауды қамтамасыз ету енгізілмейді.»;

72, 73-тармақтар мынадай редакцияда жазылсын:

«72. Сатып алу туралы шартты немесе қаржылық лизинг шартын орындауды қамтамасыз етудің мазмұнын, нысаны мен енгізу шартын осы Ережеге сәйкес тендерді ұйымдастырушы айқындайды, тендерлік құжаттамада көрсетіледі және сатып алу туралы шартта немесе қаржылық лизинг шартында ескеріледі.

73. Өнім беруші сатып алу туралы шарттың немесе қаржылық лизинг шартының орындалуын қамтамасыз етуді, егер осы шартта өзгеше көзделмесе, өнім беруші шарт күшіне енгеннен кейін он жұмыс күні ішінде енгізеді.»;

77-2-тармақ мынадай редакцияда жазылсын:

«77-2. Жеткізу мерзімдерін Бірыңғай дистрибьютордың бұзуына байланысты дәрілік заттар мен медициналық мақсаттағы бұйымдардың атаулары бойынша тегін медициналық көмектің кепілдік берілген көлемін уақтылы көрсету үшін тапсырыс берушілерде дәрілік заттар мен медициналық мақсаттағы бұйымдардың қалдықтары болмаған жағдайда, дәрілік заттар мен медициналық мақсаттағы бұйымдарды уәкілетті орган белгілеген мөлшерден аспайтын бағамен үш айдан аспайтын қажеттілік кезеңіне сатып алуға жол беріледі.»;

88-1-тармақтың екінші бөлігі мынадай редакцияда жазылсын:

«Тегін медициналық көмектің кепілдік берілген көлемі шеңберінде бірыңғай дистрибьютордың тізіміне енгізілген құны 5000000 (бес миллион) теңгеге дейінгі медициналық техниканы сатып алуды осы Ереженің            133-139-тармақтарына сәйкес денсаулық сақтау саласындағы уәкілетті органмен немесе денсаулық сақтауды басқарудың жергілікті органдарымен келісу рәсімдерін және лизинг берушінің сараптама бағалауын жүргізбей міндетті түрде өтінім беру арқылы тапсырыс беруші жүзеге асырады.»;

88-3-тармақ мынадай редакцияда жазылсын:

«88-3. Медициналық техниканы сатып алуды ұйымдастырушы қаржылық лизинг шарттарында сатып алынбайтын құны 5000000                (бес миллион) теңгеден 50000000 (елу миллион) теңгеге дейінгі медициналық техниканы, құны 50000000 (елу миллион) теңгеден жоғары, сондай-ақ біріздендіруді талап ететін медициналық техниканы осы Ереженің                  8-2-тарауына сәйкес облыстық бюджеттерге, Астана және Алматы қалаларының бюджеттеріне жергілікті деңгейдегі медицина ұйымдарын материалдық-техникалық жарақтандыруға берілетін ағымдағы нысаналы трансферттерді қоса алғанда, республикалық бюджет қаражатының есебінен сатып алады. Сұрау салынған медициналық техниканың клиникалық-техникалық негіздемесіне, тиімді техникалық сипаттамасына және құнына сараптама бағалауын лизинг беруші жүргізеді.

Жергілікті бюджет қаражаты есебінен бірыңғай дистрибьютордың тізімі бойынша медициналық техниканы сатып алуды осы Ереженің                    133-139-тармақтарына сәйкес денсаулық сақтау саласындағы уәкілетті органмен немесе денсаулық сақтауды басқарудың жергілікті органдарымен келісу рәсімдерін және лизинг берушінің сараптама бағалауын жүргізбей міндетті түрде өтінім беру арқылы тапсырыс беруші жүзеге асырады.»;

88-5-тармақтың екінші және үшінші бөліктері мынадай редакцияда жазылсын:

«Лизинг беруші денсаулық сақтау саласындағы уәкілетті орган осы тармақтың бірінші бөлігінде көрсетілген ақпаратты ұсынған сәттен бастап қырық жұмыс күні ішінде денсаулық сақтау ұйымының медициналық техниканы қабылдауға және тиісті түрде пайдалануға дайындық деңгейін, медициналық техниканың денсаулық сақтау ұйымы көрсететін қызметтерге сәйкестігін айқындау, сондай-ақ өтінім берілген медициналық қызметтерге медициналық техниканың анағұрлым жарамды техникалық сипаттамаларын айқындау мақсатында, әрбір атауы бойынша медициналық техниканың клиникалық-техникалық негіздемесі, тиімді техникалық сипаттамасы және құны бөлігінде сараптама бағалауын жүргізеді және оның нәтижелері бойынша сараптамалық қорытындының ажырамас бөлігі болып табылатын техникалық ерекшелікті бекіте отырып сараптамалық қорытынды шығарады.

Біріздендіруді талап ететін медициналық техниканы сараптама бағалауының нәтижелері бойынша бірыңғай біріздендірілген бір техникалық ерекшелікке сараптамалық қорытынды әрбір тапсырыс беруші бойынша шығарылады.»;

88-6-тармақтың бірінші және екінші бөліктері мынадай редакцияда жазылсын:

«88-6. Денсаулық сақтау ұйымдары қаржылық лизинг шартында сатып алынатын, бірыңғай дистрибьютордың тізіміне енгізілмеген медициналық техниканың техникалық сипаттамасының (техникалық ерекшеліктердің) оңтайлы параметрлерін айқындау үшін клиникалық-техникалық негіздемені, техникалық ерекшелікті және өзге де құжаттарды оңтайлы техникалық сипаттамаларды, клиникалық-техникалық негіздемесін және құнын сараптамалық бағалауды, сондай-ақ қаржылық лизинг шарттары мен талаптарына сәйкестігіне ұйымдастырушылық сараптама және сараптама жүргізу үшін лизинг беруші айқындаған тәртіппен және құжаттар тізбесіне сәйкес ұсынады.

Лизинг беруші оңтайлы техникалық сипаттамаларды, клиникалық-техникалық негіздемесін және құнын сараптамалық бағалауды, сондай-ақ қаржылық лизинг шарттары мен талаптарына сәйкестігіне ұйымдастырушылық сараптама және сараптама жүргізілгеннен кейін он жұмыс күні ішінде сатып алу жоспарланған медициналық техниканың тізбесін әзірлейді, оны алған сәттен бастап күнтізбелік он бес күн ішінде медициналық техниканың тізбесін келісуді жүзеге асыратын денсаулық сақтау саласындағы уәкілетті органға саны және жеткізу орны бөлігінде келісуге жібереді.»;

88-10-тармақтың бірінші және екінші бөліктері мынадай редакцияда жазылсын:

«88-10. Денсаулық сақтау ұйымдары қаржылық лизинг шартында бірыңғай дистрибьютордың тізіміне енгізілген медициналық техниканы сатып алу үшін клиникалық-техникалық негіздемені, техникалық ерекшелікті, әлеуетті өнім берушінің атауын және басқа да құжаттарды оңтайлы техникалық сипаттамаларды, клиникалық-техникалық негіздемесін және құнын сараптамалық бағалауды, сондай-ақ қаржылық лизинг шарттары мен талаптарына сәйкестігіне ұйымдастырушылық сараптама және сараптама жүргізу үшін лизинг берушіге ұсынады.

Лизинг беруші оңтайлы техникалық сипаттамаларды, клиникалық-техникалық негіздемесін және құнын сараптамалық бағалауды, сондай-ақ қаржылық лизинг шарттары мен талаптарына сәйкестігіне ұйымдастырушылық сараптама және сараптама жүргізгеннен кейін он жұмыс күні ішінде сатып алу жоспарланған, отандық өндіруші өндірген медициналық техниканың тізбесін қалыптастырады және денсаулық сақтау саласындағы уәкілетті органға саны, мерзімі және жеткізу орны бөлігінде келісуге жібереді, ол оны алған кезден бастап күнтізбелік он бес күн ішінде медициналық техниканың тізбесін келісуді жүзеге асырады.»;

129-1-тармақ мынадай редакцияда жазылсын:

«129-1. Тендер жеңімпазының қағаз және doc* форматында электрондық түрдегі техникалық ерекшеліктерінің көшірмелерін қоса бере отырып, медициналық техниканы сатып алу бойынша екі кезеңді рәсімдер пайдаланылатын тендер қорытындылары туралы хаттаманың нотариат куәландырған көшірмелерін, сонымен қатар өнім беруші ұсынған шарттың немесе сатып алуға ұсынылған медициналық техниканы өткізуге өнім берушінің құқығын растайтын оның өндіруші не ресми дистрибьютор не өндірушінің ресми дистрибьюторы мәртебесін растайтын өзге де құжаттардың көшірмелерін тендердің қорытындысы шығарылған күннен бастап бес жұмыс күні ішінде медициналық техниканы сатып алуды ұйымдастырушы тапсырыс берушілердің тендер жеңімпаздарымен осы Ережеге 7-қосымшаға сәйкес жасалған медициналық техниканы сатып алу шарттарын (бұдан әрі – сатып алу шарты) немесе қаржылық лизинг шартын жасасу үшін қабылдау-беру актісі бойынша тапсырыс берушілерге беруге тиіс.»;

133-75-тармақ мынадай редакцияда жазылсын:

«133-75. Бірыңғай дистрибьютор ұзақ мерзімді жеткізу шартын жасау мүмкін болатын және 2015 жылғы 1 қаңтарға дейін жасалған ұзақ мерзімді жеткізу шарттары жоқ бірыңғай дистрибьютордың қолданыстағы тізіміндегі дәрілік заттардың, медициналық мақсаттағы бұйымдардың атауы көрсетілген, денсаулық сақтау саласындағы уәкілетті орган бекіткен номенклатураны алғаннан кейін ұзақ мерзімді шарт жасау үшін осы Ереженің 10-тарауына сәйкес екі кезеңді рәсімді пайдалана отырып тендер өткізеді.

2015 жылғы 1 қаңтарға дейінгі кезеңде жасалған дәрілік заттарды, медициналық мақсаттағы бұйымдарды ұзақ мерзімді жеткізу шарттары тараптардың келісімі бойынша дәлелденген клиникалық тиімділігі жоқ дәрілік препараттарды алып тастап, номенклатураны өзгерту арқылы конкурстық рәсімдер өткізілмей 10 жыл мерзімге ұзартылуы мүмкін.»;

133-80-тармақтың 1) және 6) тармақшалары мынадай редакцияда жазылсын:

«1) дәрілік заттар, медициналық мақсаттағы бұйымдар бірыңғай дистрибьютордың тізіміне енгізілген;»;

«6) жеткізу кестесі ұсынылған кезде әрбір қаржы жылы ұзақ мерзімді жеткізу шарттары бойынша оның қолданылу мерзімі ішінде, оның ішінде     2015 жылғы 1 қаңтарға дейін жасалған ұзақ мерзімді жеткізу шарттары бойынша тиісті қаржы жылына көлемін, бағасын, міндеттемелерді орындауды қамтамасыз етуді және дәрілік заттарды, медициналық мақсаттағы бұйымдарды жеткізу шарттарын көрсете отырып, қосымша келісім жасасу арқылы сатып алуды жүзеге асырады.»;

133-82-тармақтың бірінші және екінші бөліктері мынадай редакцияда жазылсын:

«Отандық тауар өндірушілер сараптамалық бағалауды жүргізу үшін лизинг берушіден тиісті сұрауды алған сәттен бастап 5 (бес) жұмыс күні ішінде лизинг берушіге өздері өндіретін медициналық техниканың тізбесін, техникалық ерекшелігін және жиынтығын, өндіруге жеткілікті, бірақ 150 күннен аспайтын жеткізу мерзімін, медициналық техниканың әрбір атауы бойынша бір бірлікке ұсынылған және жинақтама бөлінісіндегі құнын ұсынады.

Лизинг беруші денсаулық сақтау саласындағы уәкілетті орган                      133-82-тармақтың бірінші бөлігінде көрсетілген ақпаратты, сондай-ақ отандық тауар өндірушілер осы тармақтың екінші бөлігінде көрсетілген ақпаратты ұсынған кезден бастап 20 (жиырма) жұмыс күні ішінде отандық тауар өндірушілер жасаған медициналық техниканы, техникалық сипаттамасын, әрбір атауы және жиынтық бөлінісіндегі медициналық техниканың құнын, жеткізу мерзімін, сатып алынатын медициналық техниканы отандық тауар өндірушілер жасаған техникамен ауыстыру мүмкіндігін айқындау бөлігінде ұсынылған медициналық техника атауларына сараптама бағалауын жүргізеді және оның нәтижелері бойынша сараптама қорытындысының ажырамас бөлігі болып табылатын техникалық ерекшелікті бекітіп, сараптамалық қорытындысын шығарады.»;

133-115-тармақтың 1) тармақшасы мынадай редакцияда жазылсын:

«1) ұсынылған өтінім осы Ереженің 133-103-тармағының талаптарына сәйкес келмейтін болса;»;

133-138-тармақтың екінші және үшінші бөліктері мынадай редакцияда жазылсын:

«Денсаулық сақтау саласындағы уәкілетті орган тапсырыс берушілерден ақпаратты алған күннен бастап он жұмыс күні ішінде алған ақпаратты клиникалық-техникалық негіздеме бөлігінде сараптамалық бағалауды жүргізу және сараптамалық қорытынды шығару үшін лизинг берушіге жібереді.

Денсаулық сақтау саласындағы уәкілетті орган ақпарат берген кезден бастап, сондай-ақ медициналық техниканы жергілікті бюджет есебінен сатып алатын тапсырыс берушілерден алған ақпараттарды ұсынған сәттен бастап жиырма жұмыс күні ішінде лизинг беруші денсаулық сақтау ұйымының медициналық техниканы қабылдауға және тиісінше пайдалануға дайындық деңгейін, медициналық техниканың денсаулық сақтау ұйымы көрсететін қызметтерге сәйкестігін айқындау мақсатында клиникалық-техникалық негіздемесі бөлігінде сараптамалық бағалауды жүргізеді және оның нәтижелері бойынша сараптамалық қорытынды шығарады.»;

133-141-тармақтың бірінші бөлігі мынадай редакцияда жазылсын:

«133-141. Денсаулық сақтау саласындағы уәкілетті орган ұсынған шекті құнының және (немесе) техникалық сипаттамаларының жақсару жағына қарай өзгерісі негізінде лизинг беруші шекті құнының және (немесе) қарай техникалық сипаттаманың жақсару жағына қарай өзгерісін растайтын сараптамалық бағалау жүргізгеннен кейін бірыңғай дистрибьютор қосымша келісім жасау жолымен ұзақ мерзімді шартқа жылына бір реттен асырмай өзгеріс енгізеді.»;

140-тармақ мынадай редакцияда жазылсын:

«140. Өнім беруші осы шарт бойынша өз міндеттемелерін шартта көрсетілген мерзімде толық және тиісінше орындағаннан кейін оның жазбаша өтініші бойынша сатып алу туралы шарттың (жеткізу шарты) немесе қаржылық лизинг шартының орындалуына енгізілген қамтамасыз ету өнім берушіге қайтарылады.»;

көрсетілген Ережеге 7-қосымшада:

7-тармақ мынадай редакцияда жазылсын:

«7. Алдағы төлемде қажетті құжаттар:

  1. шарттың көшірмесі немесе өнім беруші ұсынатын және оның өндіруші, ресми дистрибьютор не ресми өндіруші өкілдің мәртебесін растайтын басқа да құжаттар;

2) _______________________________

(шот-фактура немесе қабылдау-тапсыру акті немесе т.б.)»;

көрсетілген Ережеге 12-қосымшада:

тақырыбы мынадай редакцияда жазылсын:

«Банк кепілдігі (жеткізу шартын/сатып алу шартын/қаржылық лизинг шартын орындауды қамтамасыз ету нысаны)»;

«Өнім беруші» _____________(өнім берушінің атауы) тапсырыс беруші мен өнім берушінің арасындағы______ж. №_________жеткізуге (орындауға, көрсетуге) медициналық техниканы сатып алу шартын (бұдан әрі – Шарт) жасасқанын (жасасатынын)*» деген жол мынадай редакцияда жазылсын:

«Өнім беруші» _____________(өнім берушінің атауы) тапсырыс беруші мен өнім берушінің арасындағы______ж. №_________жеткізуге (орындауға, көрсетуге) медициналық техниканы сатып алу шартын/қаржылық лизинг шартын (бұдан әрі – Шарт) жасасқанын (жасасатынын)*».

2. Осы қаулы алғашқы ресми жарияланған күнінен кейін он күнтізбелік күн өткен соң қолданысқа енгізіледі.

Қазақстан Республикасының  Премьер-Министрі                                  К. Мәсімов


Жаңалықтар тізбегі
26 Қыркүйек 2020, 12:47
Қасым-Жомарт Тоқаев Ұлттық қоғамдық сенім кеңесінің мүшелерімен кездесті
26 Қыркүйек 2020, 11:26
Мемлекет басшысы Ұлттық ғылым академиясының президенті Мұрат Жұрыновты қабылдады
25 Қыркүйек 2020, 21:34
Нұрсұлтан Назарбаев Өзбекстан Республикасының Президенті Шавкат Мирзиёевпен кездесті
25 Қыркүйек 2020, 18:20
Қазақстан Республикасы Үкіметінің 2020 жылғы 24 қыркүйектегі №613 Қаулысы
25 Қыркүйек 2020, 17:31
Қазақстан Республикасы Үкіметінің 2020 жылғы 24 қыркүйектегі №612 Қаулысы
25 Қыркүйек 2020, 16:57
Қазақстан Республикасы Үкіметінің 2020 жылғы 24 қыркүйектегі №607 Қаулысы
25 Қыркүйек 2020, 16:49
Қазақстан Республикасы Үкіметінің 2020 жылғы 24 қыркүйектегі №606 Қаулысы
25 Қыркүйек 2020, 16:45
Қазақстан Республикасы Үкіметінің 2020 жылғы 23 қыркүйектегі №603 Қаулысы
25 Қыркүйек 2020, 16:39
Қазақстан Республикасы Үкіметінің 2020 жылғы 23 қыркүйектегі №601 Қаулысы
25 Қыркүйек 2020, 16:30
Қазақстан Республикасы Үкіметінің 2020 жылғы 23 қыркүйектегі №599 Қаулысы
25 Қыркүйек 2020, 16:15
Мемлекет басшысы жұмыс сапарымен Алматыға барды
24 Қыркүйек 2020, 20:12
Балықты өсіруге бағдарлану, заңнаманы жетілдіру және мемлекеттік қолдау шаралары — Қазақстанда балық саласы қалай дамуда
24 Қыркүйек 2020, 17:38
ҚР Премьер-Министрі А. Мамин Шардарада еліміздің балық саласын дамыту жөнінде семинар кеңес өткізді
24 Қыркүйек 2020, 13:31
Мәди Такиев ҚР Президенті Әкімшілігінің Әлеуметтік-экономикалық мониторинг бөлімінің меңгерушісі болып тағайындалды
24 Қыркүйек 2020, 12:14
Арман Шаққалиев ҚР СИМ Техникалық реттеу және метрология комитетінің төрағасы қызметінен босатылды
23 Қыркүйек 2020, 21:04
Қазақстан Президенті БҰҰ Бас Ассамблеясы 75-сессиясының жалпысаяси дебаттарында сөз сөйледі
23 Қыркүйек 2020, 19:00
Людмила Бюрабекова ҚР денсаулық сақтау вице-министрі қызметінен босатылды
23 Қыркүйек 2020, 17:50
«Бәйтерек» холдингінің өңдеуші секторды қаржылық қолдауы 17%-ға артты
23 Қыркүйек 2020, 14:43
 «Астана EXPO-2017» ЖЭС биыл жыл соңына дейін 100 МВт көлеміндегі толық қуатына шығады
22 Қыркүйек 2020, 19:55
Президент Қасым-Жомарт Тоқаев Мемлекеттік хатшы Қырымбек Көшербаевты қабылдады
22 Қыркүйек 2020, 17:29
Қазақстан Республикасы Үкіметінің 2020 жылғы 22 қыркүйектегі №596 Қаулысы
22 Қыркүйек 2020, 17:26
Қазақстан Республикасы Үкіметінің 2020 жылғы 22 қыркүйектегі №597 Қаулысы
22 Қыркүйек 2020, 16:18
Қасым-Жомарт Тоқаев Қарағанды облысының әкімі Жеңіс Қасымбекті қабылдады
22 Қыркүйек 2020, 13:14
ҚР Үкіметінің отырысы, 22.09.2020
22 Қыркүйек 2020, 12:12
Қазақстанда егін жинау жұмыстары 93,4%-ға аяқталды — ҚР АШМ
22 Қыркүйек 2020, 11:16
Қазақстанда тұтынушылардың құқығын қорғау саласында 65 қоғамдық ұйым жұмыс істейді — ҚР СИМ
22 Қыркүйек 2020, 10:05
Үкімет басшысы тұтынушылардың құқығын қорғауды күшейту бойынша бірқатар тапсырма берді
22 Қыркүйек 2020, 10:02
2020 жылы ҚР егінінің экспорттық әлеуеті 7,5-8 млн тонна астықты құрайды
21 Қыркүйек 2020, 23:23
Қазақстан Президенті БҰҰ 75 жылдығына арналған Жоғары деңгейдегі іс-шарада сөз сөйледі
21 Қыркүйек 2020, 12:54
Үкіметте бұқаралық спортты дамыту мәселесі қаралды
21 Қыркүйек 2020, 11:44
22 қыркүйек күні Үкімет үйінде Қазақстан Үкіметінің отырысы өтеді
20 Қыркүйек 2020, 09:04
Видеодайджест: «Аптаның айшықты оқиғалары» №78
19 Қыркүйек 2020, 15:53
Қазақстанның Тұңғыш Президенті Әбіш Кекілбаев атындағы музейге барды
18 Қыркүйек 2020, 22:27
Нұрсұлтан Назарбаев халықаралық туристік хабтың таныстырылымына қатысты
18 Қыркүйек 2020, 18:26
ҚР Үкіметінде жұмыс орындарын сақтау және жалақыны уақытылы төлеу мәселелері талқыланды
18 Қыркүйек 2020, 18:10
Қазақстан Республикасы Үкіметінің 2020 жылғы 16 қыркүйектегі №590 Қаулысы
18 Қыркүйек 2020, 18:00
Қазақстан Республикасы Үкіметінің 2020 жылғы 16 қыркүйектегі №589 Қаулысы
18 Қыркүйек 2020, 17:49
Қазақстан Республикасы Үкіметінің 2020 жылғы 16 қыркүйектегі №588 Қаулысы
18 Қыркүйек 2020, 17:19
Қазақстан Республикасы Үкіметінің 2020 жылғы 16 қыркүйектегі №587 Қаулысы
18 Қыркүйек 2020, 17:15
Қазақстан Республикасы Үкіметінің 2020 жылғы 15 қыркүйектегі №584 Қаулысы
17 Қыркүйек 2020, 18:56
Қазақстан Премьер-Министрі А. Мамин Түрікменстан Президенті Г. Бердымухамедовпен келіссөз жүргізді
17 Қыркүйек 2020, 18:45
ҚР Үкіметінде мүгедек жандарды әлеуметтік қорғау мәселесі талқыланды
16 Қыркүйек 2020, 21:35
Елбасының төрағалығымен Қазақстан Республикасы Қауіпсіздік Кеңесінің отырысы өтті
16 Қыркүйек 2020, 18:09
Ерлан Қиясов ҚР денсаулық сақтау вице-министрі – ҚР Бас мемлекеттік санитарлық дәрігері болып тағайындалды
16 Қыркүйек 2020, 17:16
Мемлекет басшысы Төтенше жағдайлар министрі Юрий Ильинді қабылдады
15 Қыркүйек 2020, 20:33
Қасым-Жомарт Тоқаев жаңадан құрылған агенттіктердің төрағалары Серік Жұманғарин мен Қайрат Келімбетовті қабылдады
15 Қыркүйек 2020, 14:53
Мемлекет басшысы Премьер-Министр Асқар Маминді қабылдады
15 Қыркүйек 2020, 12:26
Қазақстанда бағаны тұрақтандыру үшін ішкі нарықты негізгі азық-түлікпен толықтыру жұмысы жүргізілуде — ҚР АШМ
15 Қыркүйек 2020, 10:27
Әлеуметтік маңызы бар азық-түлік тауарлары бағасының өсуі жыл соңына дейін 6%-дан аспайды — ҚР СИМ
15 Қыркүйек 2020, 10:07
ҚР Премьер-Министрі А. Мамин әлеуметтік маңызы бар азық-түлік өнімдері бағасының тұрақтылығына қатаң бақылау орнатуды тапсырды
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.