04 Шілде 2022, 09:40
«Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы №1193 қаулысына өзгеріс енгізу туралы
Қазақстан Республикасының Үкіметі ҚАУЛЫ ЕТЕДІ:
1. «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы №1193 қаулысына мынадай өзгеріс енгізілсін:
8-қосымшаға ескертпелердің 2-тармағы мынадай редакцияда жазылсын:
«2. Спорт төрешілеріне спорттың ойын түрлерінен басқа спорттық жарыстардың бір күніне қызмет көрсеткені және ұйымдардың спорттық іс-шараларының күнтізбелік жоспарлары бойынша өткізілетін спорттың ойын түрлері бойынша спорттық жарыстардың бір ойынына, бірақ күніне екі ойыннан көп емес ойынға қызмет көрсеткені үшін:
2022 жылғы 1 сәуірден бастап:
1) халықаралық санаттағы спорт төрешісіне БЛА-дан 45%;
2) жоғары санатты ұлттық спорт төрешісіне БЛА-дан 36%;
3) ұлттық спорт төрешісіне БЛА-дан 30%;
4) бірінші санатты спорт төрешісіне БЛА-дан 24%;
5) спорт төрешісіне БЛА-дан 21% төленеді;
2023 жылғы 1 қаңтардан бастап:
1) халықаралық санаттағы спорт төрешісіне БЛА-дан 75%;
2) жоғары санатты ұлттық спорт төрешісіне БЛА-дан 65%;
3) ұлттық спорт төрешісіне БЛА-дан 55%;
4) бірінші санатты спорт төрешісіне БЛА-дан 45%;
5) спорт төрешісіне БЛА-дан 40% төленеді;
2024 жылғы 1 қаңтардан бастап:
1) халықаралық санаттағы спорт төрешісіне БЛА-дан 100%;
2) жоғары санатты ұлттық спорт төрешісіне БЛА-дан 90%;
3) ұлттық спорт төрешісіне БЛА-дан 80%;
4) бірінші санатты спорт төрешісіне БЛА-дан 70%;
5) спорт төрешісіне БЛА-дан 60% төленеді.».
2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2022 жылғы 1 сәуірден бастап туындаған қатынастарға қолданылады.
Қазақстан Республикасының
Премьер-Министрі Ә. Смайылов
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу