Премьер-министрдің бірінші орынбасары

1976 жылы Қызылорда облысында дүниеге келген. Қазақ мемлекеттік аграрлық университетін, Қазақ гуманитарлық-заң университетін бітірген.

Еңбек жолын 1997 жылы «Қазақойл-коммерция» ЖШС мұнай және мұнай өндірісі сарапшысы болып бастаған.

1997–2005 жылдары жеке коммерциялық құрылымдарда басшылық қызметтер атқарған.

2005–2007 жылдары — Қызылорда қаласы әкімінің орынбасары, бірінші орынбасары.

2007–2008 жылдары — Қызылорда облысы әкімі аппаратының басшысы.

2008–2013 жылдары — Қызылорда облысы Шиелі ауданының әкімі.

2013–2021 жылдары — Қызылорда қаласының әкімі.

2021–2022 жылдары — ҚР Премьер-министрі Кеңсесінің Өңірлік даму бөлімінің меңгерушісі.

2022–2026 жылдары — Қызылорда облысының әкімі.

2026 жылғы 6 мамырда Мемлекет басшысының Жарлығымен ҚР Премьер-министрінің бірінші орынбасары болып тағайындалды.

2026 жылғы 3 қыркүйекте Мемлекет басшысының Жарлығымен Қазақстан Республикасы Премьер-министрінің бірінші орынбасары болып тағайындалды.

Өзінің лауазымдық міндеттері аясында келесі мәселелерді үйлестіреді:

• Экономиканы жедел басқару;

• Құрылысты дамыту;

• Энергия үнемдеуді және энергия тиімділігін арттыруды, жаңартылатын энергия көздерін, көмір өнеркәсібін, атом өнеркәсібін және ядролық энергетиканы дамыту мәселелері, қажет болған жағдайда Үкімет шешімінің негізінде мемлекет қатысатын заңды тұлғалардың, сондай-ақ дауыс беретін акцияларының (жарғылық капиталға қатысу үлестерінің) елу және одан да көп пайызы аталған заңды тұлғаларға тиесілі ұйымдардың басқарушы органының немесе байқаушы кеңесінің құрамына кіру;

• Өнеркәсіпті, инновацияларды, техникалық реттеуді, электр энергетикасын, геологияны, жер қойнауын пайдалануды және  экспорттық бақылауды дамыту;

• Алтын өндіру (барлау, өндіру, өңдеу, өткізу және әкелу-әкету) саласын дамыту;

• Ұйымдар мен мемлекеттік органдардың тауарларды, жұмыстар мен көрсетілетін қызметтерді сатып алуы кезінде қазақстандық қамту үлесін ұлғайту жөніндегі мемлекеттік саясатты жүзеге асыру;

• Қоршаған ортаны қорғау, табиғи ресурстарды пайдалану;

• Орман шаруашылығы және жануарлар дүниесі мәселелері;

• Жылыту маусымдарына дайындық және оны өткізу (ЖЭО, МАЭС және жылыту жүйелері);

• Арнайы экономикалық және индустриялық аймақтарды дамытуды үйлестіру;

• Мұнай-газ секторын және мұнай химиясын дамыту;

• Қорғаныс өнеркәсібі;

• Әскери қауіпсіздік мәселелері;

• Инфрақұрылымдық даму қорының қаражаты есебінен іске асырылатын объектілердің құрылысын үйлестіру және бақылау;

• Оқу-ағарту;

• Денсаулық сақтауды дамыту;

• Туризмді және спортты дамыту мәселелері;

• «Қазатомөнеркәсіп» ұлттық атом компаниясы», «ҚазМұнайГаз» ұлттық компаниясы», «QazaqGaz» ұлттық компаниясы» акционерлік қоғамдарының қызметін үйлестіру.