Бақыт Сұлтанов Астана әкімі болып тағайындалды

Тиісті жарлық Ақорданың ресми сайтында жарияланған.

«Мемлекет басшысының жарлығымен Бақыт Тұрлыханұлы Сұлтанов Астана қаласының әкімі болып тағайындалды», — делінген хабарламада.

Бақыт Сұлтанов 1971 жылы Алматы қаласында дүниеге келген. Қазақ ұлттық техникалық университетін және Қазақ мемлекеттік басқару академиясын бітірген. Инженер-электрик, экономист.

1994–1997 жж. — ҚР Қаржы министрлігінің жетекші экономисі, мемлекеттік бағалы қағаздар басқармасы бастығының орынбасары – бөлім бастығы.

1996-1997 жж. — ҚР Қаржы министрлігі жанындағы Қазынашылық мемлекеттік қарыз және кассалық қаржы басқармасы бастығының орынбасары.

1997–1998 жж. — ҚР Қаржы министрлігі бюджеттік департаменті директорының орынбасары, мемлекеттік сатып алу жөніндегі департамент директоры.

1998–1999 жж. — ҚР Қаржы министрлігі Қазынашылық департаменті директорының орынбасары.

1999–2002 жж. — ҚР Қаржы министрлігі бюджеттік департаменті директорының орынбасары, мемлекеттік бюджет департаменті директорының орынбасары, директоры

2003–2006 жж. — ҚР экономика және бюджеттік жоспарлау вице-министрі.

2006–2007 жж. — ҚР Статистика жөніндегі агенттігінің төрағасы, ҚР қаржы вице-министрі.

2007–2010 жж. — ҚР экономика және бюджеттік жоспарлау министрі.

Мемлекет басшысының 2010 жылғы наурыздағы Жарлығымен ҚР Президентінің көмекшісі болып тағайындалды.

2012 жылдың қаңтарында Мемлекет басшысының Жарлығымен ҚР Президентінің Әкімшілігі Басшысының орынбасары болып тағайындалған.