22 Желтоқсан 2022, 17:17
ҚР денсаулық сақтау министрінің бұйрығымен Бауыржан Сатжанұлы Байсеркин берілген өтінішіне сәйкес Қазақстан Республикасы Денсаулық сақтау министрлігі Медициналық және фармацевтикалық бақылау комитетінің төрағасы қызметінен босатылды. Бұл туралы ҚР Премьер-Министрінің баспасөз қызметі хабарлайды.
Бауыржан Байсеркин 1966 жылы Қарағанды қаласында туған.
Қарағанды мемлекеттік медицина институтын, «ҚДСЖМ» қазақстандық медицина университетін бітірген.
Еңбек жолын 1989 жылы Жезқазған облысы Ағадыр ауданының Санитарлық-эпидемиологиялық станциясының дәрігер-эпидемиологы болып бастады.
Әр жылдары денсаулық сақтау министрлігінің құрылымында жұмыс істеді.
2009-2011 жылдары – Қазақ Республикалық санитариялық-эпидемиологиялық станциясының директоры.
2014-2015 жылдары — «ЖИТС-тың алдын алу және оған қарсы күрес жөніндегі орталығы» МКҚК бас дәрігері.
2019-2021 жылдары – ҚР ДСМ «Қазақ дерматология және инфекциялық аурулар ғылыми орталығы» ШЖҚ РМК директоры.
2021 жылдың сәуір айынан бастап қазіргі уақытқа дейін ҚР ДСМ Медициналық және фармацевтикалық бақылау комитетінің төрағасы болды.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу