Emblem
Қазақстан Республикасы
Премьер-Министрінің
ресми ақпараттық ресурсы
Menu
Emblem
Close button

2030 жылға қарай Қазақстанның оқу орындары 3 млн-нан астам жаңа формациядағы маманды дайындайды — ҚР БҒМ

Сейсенбі, 30 Маусым 2020, 11:08:52

ҚР Премьер-Министрі Асқар Маминнің төрағалығымен өткен Үкіметтің селекторлық отырысында цифрлық экономика үшін адами капиталды дамыту мәселесі қаралды. Білім беру саласында жүргізіліп жатқан жұмыстар туралы білім және ғылым министрі А. Аймағамбетов баяндады.

А. Аймағамбетов атап өткендей, қазіргі таңда адами капитал кез келген мемлекеттің бәсекелестігінің басты факторына айналды. Дүниежүзілік экономикалық форумның баяндамасында болашақта 10 жұмыс орнының 9-ы сандық дағдыларды талап ететіні атап өтілді. 2030 жылға қарай әлем бойынша кем дегенде 1 млрд адамды қайта оқыту қажет.

Өз кезегінде, McKinsey болжамдарына сәйкес, 2030 жылға қарай цифрлық дағдыларға деген қажеттілік кемінде 55%-ға өседі. ЭЫДҰ баяндамасында жұмыс орындарының 32%-дан астамы цифрландыру нәтижесінде түбегейлі өзгертілетін болады деген болжам келтірілген. Бұл ретте компьютерлік сауаттылық туралы ғана емес, сонымен қатар алдыңғы қатарлы цифрлық құзыреттер туралы да айтылып отыр.

Министрдің айтуынша, бірнеше жыл бойы Қазақстан білім беру саласындағы халықаралық зерттеулерге қатысты, онда елдегі «гаджеттеудің» жоғары деңгейі цифрлық дағдылардың жоғары деңгейіне айтарлықтай әсер етпейтіні анықталды.

ICILS зерттеуіне сәйкес, 14 жастағы оқушылардың 54%-дан астамында цифрлық сауаттылық деңгейі төмен. PIААС зерттеуіне сәйкес, 6-дан 34 жасқа дейінгі 5 азамат қана жақсы цифрлық дағдыларға ие.

Дегенмен, А. Аймағамбетов атап өткендей, цифрлық экономика үшін қажетті адами капитал тек осы цифрлық құзыретті талап етпейді.

«Цифрлық құзыреттілікке қосымша, адам капиталы үшін функционалдық сауаттылық, сыни ойлау, креативтілік, оқу және талдау қабілеті болып табылатын soft skills дамыту қажет. Бұл бағыттағы басты қадамдарды біз бастадық», — деді білім және ғылым министрі.

2016 жылдан бастап мектептерде функционалдық сауаттылықты дамытуды қарастыратын жаңа білім беру бағдарламалары енгізілуде. Келесі оқу жылында мектептердің жаңа бағдарламаларға көшуі аяқталады.

Келесі қадам — білім берудің барлық деңгейлерінде цифрлық құзыреттерді енгізу болады.

Министрліктің алдында әлемдік стандарттарға сәйкес АT саласының мамандарын даярлау, цифрлық құрауышты қамти отырып, басқа салалардың мамандарын оқыту және қайта даярлау және барлық азаматтарға базалық цифрлық сауат беру секілді міндеттер тұр.

«Осыған байланысты Мемлекет басшысының тапсырмасына сәйкес, біз “Цифрлық білім беру” ауқымды жобасын жүзеге асыруды ұсынамыз. Жоба үш негізгі бағытты қамтиды. Бұл – базалық цифрлық құзыреттер, мамандандырылған АT-кадрларды және басқа салалардың қызметкерлерін АT құзыретімен үйлестіре отырып дайындау. Осы жобаның нәтижесінде терең АТ білімі бар жаңа мамандар шығарылады», — деді А. Аймағамбетов.

Аталған жоба аясында жыл сайын 400 мыңнан астам «цифрлық құзырет» кадрлары шығарылады. Осылайша, 2030 жылға қарай барлық деңгейдегі оқу орындары жаңа формациядағы 3 млн-нан астам маман даярлайтын болады.

Министрдің айтуынша, орта білім беруде 2013 жылға дейін ақпараттық технологиялар пәні 7-сыныптан басталып, ескірген мазмұннан құралды, кейін 5-сыныпқа қосылды. Бұл бағдарламаларда көбінесе компьютерді пайдалану, кеңсе қосымшаларын меңгеру қарапайым дағдылар мен жаңартуларды талап етті. Сондықтан енді 2021 жылдан бастап цифрлық сауаттылық пәні 1 сыныптан бастап енгізіледі. Балалар алгоритмді, ақпараттық гигиена мен қауіпсіздікті үйренеді, 3 сыныптан бастап — Scratch кодтау тілін, STEM, 3D-принтинг, роботты техника негіздерін үйренеді.

Сонымен қатар IOS, Android операциялық жүйелері, сондай-ақ Рython, С++ бағдарламалау тілдері оқытылады. Ол үшін еліміздің облыс орталықтарында 25 жаңа арнайы АT-лицей ашылды, 447 STEM зертханасы және 2 мыңға жуық роботты техника кабинеті ашылды.

Сондай-ақ оқушылар сарайларында 560-тан астам балалар технопаркі мен роботты техника кабинеттері ашылды.

«Сабақтан тыс үйірмелерде балалар роботтарды бағдарламалауды, 3D-printing оқуды үйренеді. Дегенмен, олар әлі де жеткіліксіз деп санаймын. Педагогтар да АT сауаттылығын арттыру курстарынан өтеді. Әсіресе, АТ оқытатын мұғалімдердің роботты техника мен бағдарламалау бойынша оқудан өтуі маңызды», — деді министр.

Бұған қоса колледждерде АT мамандықтары бойынша мемлекеттік тапсырыс көлемі артып келеді. Жаңа жоба аясында әр облыста АТ-құзыреттілік орталығы ашылады. Орталықтар WorldSkills халықаралық стандарттарын іске асыру үшін әдістемелік, талдау, жаттығу жұмыстарын ұйымдастырады.

«Биыл жаңа оқу жылынан бастап цифрлық сала үшін мамандар дайындайтын жетекші колледждер базасында 31 жаңа бағдарлама енгізіледі», — деп хабарлады ведомство басшысы.

Сонымен қатар АT мамандығы бойынша жоғары білім беру жүйесінде 51 мыңнан астам студент білім алуда. Жыл сайын мемлекеттік тапсырыс көлемі артып келеді. 326 кәсіби стандарт негізінде АТ-бағыт бойынша бағдарламаның 95% жаңартылды.

«Енді биылғы қыркүйек айынан бастап бірнеше өзгеріс енгізіледі. Талаптарды қысқартудың арқасында өндіріске мамандарды тарту мүмкіндігі пайда болды, сонымен қатар ғылыми дәреже бойынша талаптар жеңілдетілді, енді АТ саласының білікті мамандары университеттерде оқиды», — деді А. Аймағамбетов.

Министр атап өткендей, білім беру бағдарламаларына үлкен өзгерістер енгізілді. 2019 жылдан бастап университеттерге академиялық еркіндік берілді. Енді осы жоба аясында жаңа оқу жылынан бастап 91 инновациялық бағдарлама енгізіледі.

Мысалы, мынадай жаңа бағдарламалар пайда болды:

  • Үлкен деректерді талдау
  • Киберқауіпсіздік
  • Роботты техника жүйелері
  • Жасанды зерде (VR/AR).

Пәнаралық бағдарламалар бойынша мамандарға: «цифрлық криминалистика, медицинадағы аддитивті технологиялар», «жобалаудағы BIM-технологиялар», «дәлме-дәл егіншілік».

«Халықаралық тәжірибе негізінде жаппай ашық онлайн-курстар жүзеге асырылуда. Олар қолжетімді және жылдам жаңа дағдыларды алу үшін өте қолайлы. “Қазақстанның ашық университеті” құрылды, ол – тегін онлайн-курстарға арналған онлайн-платформа. Бүгінгі таңда бұл платформаға 63 жоғары оқу орны қосылады. Ғылым саласында да АТ бойынша 49 ғылыми жоба іске асырылуда. Бұл жұмыстарды жүзеге асыру үшін тиісті инфрақұрылым қажет. Мәселен, PISA зерттеуі интернетке қосылған компьютерлердің болуы оқушылардың нәтижелерін 20 баллға арттыратынын көрсетеді», — деп түйіндеді білім және ғылым министрі.


Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-ботқа жазылыңыз


Жаңалықтар тізбегі
27 Қыркүйек 2020, 17:48
ҚР Премьер-Министрі А. Мамин мен Татарстан Президенті Р. Минниханов үш автомобиль жасау жобасын бастап берді
26 Қыркүйек 2020, 12:47
Қасым-Жомарт Тоқаев Ұлттық қоғамдық сенім кеңесінің мүшелерімен кездесті
26 Қыркүйек 2020, 11:26
Мемлекет басшысы Ұлттық ғылым академиясының президенті Мұрат Жұрыновты қабылдады
25 Қыркүйек 2020, 21:34
Нұрсұлтан Назарбаев Өзбекстан Республикасының Президенті Шавкат Мирзиёевпен кездесті
25 Қыркүйек 2020, 18:20
Қазақстан Республикасы Үкіметінің 2020 жылғы 24 қыркүйектегі №613 Қаулысы
25 Қыркүйек 2020, 17:31
Қазақстан Республикасы Үкіметінің 2020 жылғы 24 қыркүйектегі №612 Қаулысы
25 Қыркүйек 2020, 16:57
Қазақстан Республикасы Үкіметінің 2020 жылғы 24 қыркүйектегі №607 Қаулысы
25 Қыркүйек 2020, 16:49
Қазақстан Республикасы Үкіметінің 2020 жылғы 24 қыркүйектегі №606 Қаулысы
25 Қыркүйек 2020, 16:45
Қазақстан Республикасы Үкіметінің 2020 жылғы 23 қыркүйектегі №603 Қаулысы
25 Қыркүйек 2020, 16:39
Қазақстан Республикасы Үкіметінің 2020 жылғы 23 қыркүйектегі №601 Қаулысы
25 Қыркүйек 2020, 16:30
Қазақстан Республикасы Үкіметінің 2020 жылғы 23 қыркүйектегі №599 Қаулысы
25 Қыркүйек 2020, 16:15
Мемлекет басшысы жұмыс сапарымен Алматыға барды
24 Қыркүйек 2020, 20:12
Балықты өсіруге бағдарлану, заңнаманы жетілдіру және мемлекеттік қолдау шаралары — Қазақстанда балық саласы қалай дамуда
24 Қыркүйек 2020, 17:38
ҚР Премьер-Министрі А. Мамин Шардарада еліміздің балық саласын дамыту жөнінде семинар кеңес өткізді
24 Қыркүйек 2020, 13:31
Мәди Такиев ҚР Президенті Әкімшілігінің Әлеуметтік-экономикалық мониторинг бөлімінің меңгерушісі болып тағайындалды
24 Қыркүйек 2020, 12:14
Арман Шаққалиев ҚР СИМ Техникалық реттеу және метрология комитетінің төрағасы қызметінен босатылды
23 Қыркүйек 2020, 21:04
Қазақстан Президенті БҰҰ Бас Ассамблеясы 75-сессиясының жалпысаяси дебаттарында сөз сөйледі
23 Қыркүйек 2020, 19:00
Людмила Бюрабекова ҚР денсаулық сақтау вице-министрі қызметінен босатылды
23 Қыркүйек 2020, 17:50
«Бәйтерек» холдингінің өңдеуші секторды қаржылық қолдауы 17%-ға артты
23 Қыркүйек 2020, 14:43
 «Астана EXPO-2017» ЖЭС биыл жыл соңына дейін 100 МВт көлеміндегі толық қуатына шығады
22 Қыркүйек 2020, 19:55
Президент Қасым-Жомарт Тоқаев Мемлекеттік хатшы Қырымбек Көшербаевты қабылдады
22 Қыркүйек 2020, 17:29
Қазақстан Республикасы Үкіметінің 2020 жылғы 22 қыркүйектегі №596 Қаулысы
22 Қыркүйек 2020, 17:26
Қазақстан Республикасы Үкіметінің 2020 жылғы 22 қыркүйектегі №597 Қаулысы
22 Қыркүйек 2020, 16:18
Қасым-Жомарт Тоқаев Қарағанды облысының әкімі Жеңіс Қасымбекті қабылдады
22 Қыркүйек 2020, 13:14
ҚР Үкіметінің отырысы, 22.09.2020
22 Қыркүйек 2020, 12:12
Қазақстанда егін жинау жұмыстары 93,4%-ға аяқталды — ҚР АШМ
22 Қыркүйек 2020, 11:16
Қазақстанда тұтынушылардың құқығын қорғау саласында 65 қоғамдық ұйым жұмыс істейді — ҚР СИМ
22 Қыркүйек 2020, 10:05
Үкімет басшысы тұтынушылардың құқығын қорғауды күшейту бойынша бірқатар тапсырма берді
22 Қыркүйек 2020, 10:02
2020 жылы ҚР егінінің экспорттық әлеуеті 7,5-8 млн тонна астықты құрайды
21 Қыркүйек 2020, 23:23
Қазақстан Президенті БҰҰ 75 жылдығына арналған Жоғары деңгейдегі іс-шарада сөз сөйледі
21 Қыркүйек 2020, 12:54
Үкіметте бұқаралық спортты дамыту мәселесі қаралды
21 Қыркүйек 2020, 11:44
22 қыркүйек күні Үкімет үйінде Қазақстан Үкіметінің отырысы өтеді
20 Қыркүйек 2020, 09:04
Видеодайджест: «Аптаның айшықты оқиғалары» №78
19 Қыркүйек 2020, 15:53
Қазақстанның Тұңғыш Президенті Әбіш Кекілбаев атындағы музейге барды
18 Қыркүйек 2020, 22:27
Нұрсұлтан Назарбаев халықаралық туристік хабтың таныстырылымына қатысты
18 Қыркүйек 2020, 18:26
ҚР Үкіметінде жұмыс орындарын сақтау және жалақыны уақытылы төлеу мәселелері талқыланды
18 Қыркүйек 2020, 18:10
Қазақстан Республикасы Үкіметінің 2020 жылғы 16 қыркүйектегі №590 Қаулысы
18 Қыркүйек 2020, 18:00
Қазақстан Республикасы Үкіметінің 2020 жылғы 16 қыркүйектегі №589 Қаулысы
18 Қыркүйек 2020, 17:49
Қазақстан Республикасы Үкіметінің 2020 жылғы 16 қыркүйектегі №588 Қаулысы
18 Қыркүйек 2020, 17:19
Қазақстан Республикасы Үкіметінің 2020 жылғы 16 қыркүйектегі №587 Қаулысы
18 Қыркүйек 2020, 17:15
Қазақстан Республикасы Үкіметінің 2020 жылғы 15 қыркүйектегі №584 Қаулысы
17 Қыркүйек 2020, 18:56
Қазақстан Премьер-Министрі А. Мамин Түрікменстан Президенті Г. Бердымухамедовпен келіссөз жүргізді
17 Қыркүйек 2020, 18:45
ҚР Үкіметінде мүгедек жандарды әлеуметтік қорғау мәселесі талқыланды
16 Қыркүйек 2020, 21:35
Елбасының төрағалығымен Қазақстан Республикасы Қауіпсіздік Кеңесінің отырысы өтті
16 Қыркүйек 2020, 18:09
Ерлан Қиясов ҚР денсаулық сақтау вице-министрі – ҚР Бас мемлекеттік санитарлық дәрігері болып тағайындалды
16 Қыркүйек 2020, 17:16
Мемлекет басшысы Төтенше жағдайлар министрі Юрий Ильинді қабылдады
15 Қыркүйек 2020, 20:33
Қасым-Жомарт Тоқаев жаңадан құрылған агенттіктердің төрағалары Серік Жұманғарин мен Қайрат Келімбетовті қабылдады
15 Қыркүйек 2020, 14:53
Мемлекет басшысы Премьер-Министр Асқар Маминді қабылдады
15 Қыркүйек 2020, 12:26
Қазақстанда бағаны тұрақтандыру үшін ішкі нарықты негізгі азық-түлікпен толықтыру жұмысы жүргізілуде — ҚР АШМ
15 Қыркүйек 2020, 10:27
Әлеуметтік маңызы бар азық-түлік тауарлары бағасының өсуі жыл соңына дейін 6%-дан аспайды — ҚР СИМ
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі.
SoftDeCo компаниясының жобасы.