Бүгін Үкімет үйінде ҚР Премьер-Министрі Бақытжан Сағынтаев Мемлекет басшысының «Төртінші өнеркәсіптік революция жағдайындағы дамудың жаңа мүмкіндіктері» халыққа Жолдауын іске асыру мәселелері, сондай-ақ мемлекеттік органдардың 2018 жылға негізгі міндеттері бойынша кеңес өткізді.

Отырыс барысында дамудың бағыттары бойынша ақпарат тыңдалды: Премьер-Министрдің орынбасары — ауыл шаруашылығы министрі Ө. Шөкеев, сыртқы істер министрі Қ. Әбдірахманов, ұлттық экономика министрі Т. Сүлейменов, инвестициялар және даму министрі Ж. Қасымбек, қаржы министрі Б. Сұлтанов, дін істері және азаматтық қоғам министрі Н. Ермекбаев, қорғаныс және аэроғарыш өнеркәсібі министрі Б. Атамқұлов, ішкі істер министрі Қ. Қасымов, ақпарат және коммуникациялар министрі Д. Абаев, әділет министрі М. Бекетаев, еңбек және халықты әлеуметтік қорғау министрі Т. Дүйсенова, білім және ғылым министрі Е. Сағадиев, денсаулық сақтау министрі Е. Біртанов және басқалары.