Қарағанды облысында ШОБ үлесі жыл сайын артып келеді —  Ж. Қасымбек

2020 жыл өте күрделі болғанына және экономикалық әрі әлеуметтік дамудың барлық салаларында көптеген қиындықтар туындағанына қарамастан, Қарағанды облысында негізгі көрсеткіштер бойынша оң динамиканы сақтауға қол жеткізілді. Бұл туралы облыс әкімі Жеңіс Қасымбек айтты.

Мәселен, пандемия кезеңінде шағын және орта бизнес субъектілерінің санын қысқартуға жол берілмеді. Жұмыссыздық деңгейі орташа республикалық көрсеткіштен төмен – 4,5%. Халықтың табысы да 200 мың теңгеден асты. Осылайша, өткен жылды пандемияға қарамастан, Қарағанды облысы айтарлықтай сенімді өткізді, дегенмен, әрине, бірқатар көрсеткіштер біршама төмендеді.

Сондай-ақ Ж. Қасымбектің айтуынша, мұндай трендтер биыл да сақталып отыр.

«Негізгі көрсеткіштер, атап айтқанда, өңдеу өнеркәсібінің өсімі 103%-ды, ауыл шаруашылығы да 103%-ды құрады, ШОБ тұрақты даму қарқынын көрсетіп отыр. Жыл соңына дейін осы динамиканың сақталуын күтеміз», — деді ол.

ШОБ туралы айта кетсек, өңір экономикасындағы шағын және орта кәсіпкерліктің үлесі жыл сайын артып келеді. Қазір ол 16-17% деңгейінде. Шағын және орта бизнес барлық жұмыспен қамтылған еңбекке қабілетті халықтың 38%-ын жұмыспен қамтамасыз етеді.

Осыған байланысты ШОБ субъектілері халықаралық нарықтардағы металдарға және басқа да экспорттық позицияларға баға конъюнктурасының өзгеруіне қарамастан өңірге қосымша тұрақтылық береді деп айтуға болады. 

«Сондықтан біз ШОБ-ты дамытуға аса мүдделіміз. Егер бұған дейін Қарағанды шахтерлер қаласы болса, қазір мұнда шағын және орта бизнес көп. Жан-жақты практикалық қолдау көрсетілуде», — деді Қарағанды облысының әкімі.

Жалпы, қазіргі уақытта облыста 90 мыңға жуық шағын және орта кәсіпкерлік субъектілері бар. Бұл сегменттің жыл сайынғы өсу қарқыны шамамен 10% құрады. Өткен жылы пандемияға байланысты бірнеше басқа көрсеткіштер болды, олар 3%-ға өсті.

Бүгінде шағын және орта бизнес облыс экономикасына 1,6 трлн теңге береді. Өсу қарқыны бойынша бұл ел бойынша үшінші көрсеткіш. Осыдан шағын және орта бизнестің жақсы инвестициялық ахуалға және даму үшін жеткілікті қолайлы жағдайға ие деп қорытынды жасауға болады.

ШОБ облыс бойынша барлық жұмыс орындарының 18%-ын береді. Жыл сайын бұл үлес артып келеді. Бұған «Ауыл – ел бесігі», «Еңбек», Жұмыспен қамтудың жол карталары және басқа да бірқатар мемлекеттік бағдарламалар ықпал етуде. Олар сондай-ақ ШОБ, жеке кәсіпкерліктің жаңа кәсіпорындарын ашуға мүмкіндік береді.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу