Үкіметте мұнай өнімдеріне, ӘМАТ, дәрілік заттарға бағалар мен тарифтерді мемлекеттік реттеуді алып тастау тетіктері қаралды

Премьер-Министрдің орынбасары – қаржы министрі Ерұлан Жамаубаев ұлттық экономика вице-министрі Ілияс Өсеровті, салалық министрліктердің басшыларын мұнай өнімдеріне, әлеуметтік маңызы бар азық-түлік тауарлары, дәрі-дәрмекке бағалар мен тарифтерді мемлекеттік реттеуді кезең-кезеңімен алып тастау, тұрғын үй-коммуналдық шаруашылық саласындағы тарифтік саясат, сондай-ақ ТКШ саласында тарифтік саясатты реформалау бойынша атқарылып жатқан жұмыстарды тыңдады. 

Отырысты қорытындылай келе, Ерұлан Жамаубаев Ұлттық экономика министрлігіне Бәсекелестікті қорғау және дамыту агенттігінің ұсыныстарын ескере отырып, бағаны мемлекеттік реттеуді кезең-кезеңімен алып тастау жөніндегі Жол картасының жобасын әзірлеп, «Тарифті инвестицияға айырбастау» бағдарламасының жобасын Үкіметке енгізуді тапрсырды. 

Ерұлан Жамаубаев жүргізіліп жатқан реформаларды ақпараттық қамтуды күшейту қажеттігін атап өтті.
Оның айтуынша, жүргізіліп жатқан жұмыстар тауар нарығын дамытуға, сондай-ақ, тұрғын үй-коммуналдық шаруашылық саласында көрсетілетін қызметтердің сапасы мен сенімділігін арттыруға мүмкіндік береді.

Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз

Жазылу