18 Қараша 2026, 20:35
Құрылтай депутаттары Үкімет ұсынған онлайн-платформалар және масс-медиа мәселелері бойынша заң жобаларын, сондай-ақ Әкімшілік құқық бұзушылық туралы кодекске енгізілетін түзетулерді бірінші оқылымда мақұлдады. Құжаттар цифрлық платформалардың жауапкершілігін күшейтуге, балаларды қорғауға және медиа саланы жетілдіруге бағытталған.
Заң жобаларын мәдениет және ақпарат министрі Арман Қырықбаев таныстырды. Ұсынылған өзгерістер төрт негізгі бағытты қарастырады:
«Біздің міндетіміз – мемлекеттің ірі онлайн-платформалармен өзара іс-қимылының пәрменді тетігін қалыптастыру, мұнда заңнаманы сақтау сөз жүзіндегі талап емес, олардың ел аумағындағы қызметінің міндетті шарты болады. Ұсынылған нормалар құқыққа қайшы контентке қарсы іс-қимылға ғана емес, сонымен қатар азаматтардың, ең алдымен балалардың құқықтарын қорғауға, ақпараттық кеңістіктің ашықтығын қамтамасыз етуге және жауапты цифрлық ортаны қалыптастыруға бағытталған», — деп атап өтті Арман Қырықбаев.
Одан бөлек, Құрылтай депутаттары екінші оқылымда 2027–2029 жылдарға арналған республикалық бюджет туралы заң жобасын, екі оқылымда Сингапурмен қылмыстық істер бойынша өзара құқықтық көмек туралы келісімді ратификациялау туралы заң жобасын мақұлдады және үшінші оқылымда қабылдады, сондай-ақ Түркі мемлекеттері ұйымына мүше мемлекеттер арасындағы цифрлық экономика саласындағы әріптестік туралы келісім ратификацияланды.
Қазақстанның Премьер-министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу