Үкімет мамыр мерекесі кезіндегі демалыс күндерін ауыстыру туралы қаулыны қабылдады
ҚР Премьер-Министрі Серік Ахметов мамыр мерекесі кезіндегі демалыс күндерін ауыстыру туралы Үкімет қаулысына қол қойды.
Еңбекшілердің демалысы үшін қолайлы жағдай туғызу және жұмыс уақытын тиімді пайдалану мақсатында демалыс күні сенбі 4 мамырдан жұма 10 мамырға ауыстырылды.
Қаулыға сәйкес қажетті өнімдер шығару, қызметтер көрсету, қаржылық қызметті қосқанда еңбек, материалдық және қаржылық ресурстармен қамтылған ұйымдарға, сондай-ақ құрылыс нысандарын іске қосуға байланысты, кәсіподақ ұйымдарымен келісім арқылы 2013 жылғы 10 мамырда жұмыс жүргізуге құқық беріледі.
Көрсетілген күнгі жұмыс Қазақстан Республикасының қолданыстағы заңына сәйкес төленетін болады.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз