Бүгін ҚР Премьер-Министрі Бақытжан Сағынтаев Наурыз мейрамын тойлауға орай ұйымдастырылған мерекелік сауық-сайран жəне спорт жарыстары өткізілген «Сарыарқа» велотрегі мен «Хан Шатыр» СОСО маңында орналасқан этноауылға барды.

«Сарыарқа» велотрегінің сахнасында тұрып Мемлекет басшысы Нұрсұлтан Назарбаев барлық қазақстандықтарды Наурыз мерекесімен құттықтады.

Қазақстан Президенті мыңжылдық тарихы бар Наурыз елдің ең жақсы көретін және асыға күтетін мейрамы екенін, ол адамның ұлты мен діни ұстанымына қарамай тойланып келе жатқанын айтты.

Сонымен қатар, Нұрсұлтан Назарбаев Наурыз сенімнің, достық пен бауырластықтың, ел тұрақтылығының нышаны екеніне назар аударды.

• 
• 
• 
•