ҚР Премьер-Министріне ЭКСПО-2017 көрмесі аясындағы «Жасыл орам» құрылысының жобалары таныстырылды
Бүгін Астанада ҚР Премьер-Министрі Серік Ахметовке ЭКСПО-2017 Халықаралық көрмесі аясындағы «Жасыл орам» құрылысының жобалары таныстырылды.
Арнайы комиссия «Жасыл орам» құрылысы жобасының Тұжырымдамасы мен алдын ала техникалық экономикалық негіздемесін (ТЭН) жасау бойынша Халықаралық байқау өткізуде.
Дауыс беру қортындысы бойынша жеңімпазды одан әрі қарау мен анықтау үшін Ұлыбритания, Франция, Португалия, Германия және Қазақстанның компанияларынан 5 жоба іріктеліп алынды.
Бүгінгі күні 100 гектардан астам жер телімін бөлу туралы мәселе қаралуда.
«Жасыл орам» аумағында энергия тиімділігі саласында оны арттыруға қатысты соңғы үлгілер қолданылған әкімшілік-іскерлік орталық, тұрғын үй орамдары, саябақтар мен әлеуметтік-мәдени нысандарды орналастыру көзделуде. Сонымен қатар, «Жасыл орам» электр қуатын Ерейментау қаласында орналасқан желден энергия өндіретін генераторлардан, сондай-ақ күн фермаларынан алатын болады.
Қазақстанның Премьер-министрі мен Үкіметі жаңалықтарынан хабардар болыңыз — ресми Telegram-каналға жазылыңыз
