02 Ақпан 2018, 06:48
Кездесу барысында Мемлекет басшысына Ұлттық банктің 2017 жылы атқарған жұмысының қорытындысы жөніндегі есебі ұсынылды. Бұл туралы Ақорданың баспасөз қызметі хабарлайды.
Данияр Ақышев Елбасыға Ұлттық банктің қазіргі қызметі, ақша-несие саясатының басты бағыттары, сондай-ақ еліміздің қаржы нарығындағы ахуал туралы баяндады.
Ұлттық банк төрағасының есебіне сәйкес, 2017 жылы инфляция деңгейі 7,1%-ды құрап, жыл соңында алтын-валюта қорының көлемі $30,7 млрд жеткен.
«Қаңтар айында ахуал одан да жақсара түсті. Банк резервтері тағы 3%-ға өсіп, $31,7 млрд жетті. Ұлттық қордың шетел валютасындағы активтері $58,3 млрд құрады. 2018 жылғы қаңтарда инфляция деңгейі 0,6% болды. Бұл біздің биылға белгілеген – бестен жеті пайызға дейінгі аралықтағы жаңа өлшемімізге еніп отыр», — деді Д. Ақышев.
Кездесу қорытындысы бойынша Мемлекет басшысы бірқатар нақты тапсырма берді.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу