«Туған жер» жобасы, музей экспонаттарының цифрлық каталогын және ұлттық электрондық кітапхана құру  — «Рухани жаңғыру» бағдарламасы қалай жүзеге асырылуда

Бейсенбі, 30 Қаңтар 2020, 15:05:40

ҚР Тұңғыш Президенті – Елбасы Н. Назарбаев жариялаған «Болашаққа бағдар: Рухани жаңғыру» атты бағдарламалық мақалада қоғамдық сананы жаңғыртудың нақты бағыттары айқындалған, онда қазақстандық қоғамның дамуының бірегей беталысы көрініс тапқан. Ұлттық деңгейдегі ауқымды жобада қамтылған шаралар мен оны іске асыру бойынша атқарылып жатқан жұмыстар туралы толығырақ Рrimeminister.kz шолуынан оқыңыздар.   

«Рухани жаңғыру» бағдарламасын іске асыру мақсатында ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссия құрылды. Елбасы бастамаларын жүзеге асыру бойынша ауқымды ақпараттық-имидждік жұмыс жоспары бекітілді, өңірлік жоспарларды іске асыру мақсатында жобалық офистер құрылды. Халықаралық тәжірибені ескере отырып, аударма бюросының жұмысы ұйымдастырылды. Бүгінгі таңда «Рухани жаңғыру» бағдарламасы аясында 6 бағыт бойынша кешенді жұмыс жүргізілуде.

 

«Жаңа гуманитарлық білім. Қазақ тіліндегі 100 жаңа оқулық» жобасының жүзеге асырылуы

Елбасы Н. Назарбаев «Болашаққа бағдар: Рухани жаңғыру» мақаласында тарих пен саясаттану, әлеуметтану мен философия, психология, педагогика, экономика, мәдениеттану және филология ғылымдары бойынша студенттерге заманауи білім беруге қажетті жағдай жасауды тапсырды.

2017 жылы осы тапсырманы орындауға мүмкіндік беретін негізгі тетік ретінде «Жаңа гуманитарлық білім. Қазақ тіліндегі 100 жаңа оқулық» жобасы қолға алынды. Жобаны жүзеге асыру үшін Ұлттық аударма бюросы құрылды.

Жобаның мақсаты – гуманитарлық бағыттағы әлемнің ең үздік оқулықтарын қазақ тіліне аударып, елдегі барлық жоғары оқу орнына жеткізу, сол арқылы гуманитарлық білім мен ғылымның мазмұнын жаңарту. 

Аударылатын оқулықтарды іріктеу барысында 800-ден аса ұсыныс түсіп, арнайы жұмыс тобының қарауына жіберілді. Оқулықты таңдауда бірнеше талап ескеріледі:

  • әлемнің ең озық 100 университетінің оқу бағдарламасында болуы;
  • кемінде үш басылымда жарық көруі және соңғы 3 жылда басылып шығуы;
  • мазмұнының бейтарап сипатта болуы;
  • заманға сай, түрлі интерактивті қосымшаларының болуы.

Аталған талаптардың негізінде 47 оқулық аударылды. Әр оқулық 10 мың данамен басылып, еліміздегі 132 ЖОО-ға таратылды. Оқулықтардың басым бөлігі ағылшын тілінен, сонымен қатар француз және орыс тілдерінен аударылған. Бұл кітаптардың кейбірінің орыс тіліндегі нұсқасының болуына қарамастан, оқулықтың түпнұсқа тілінен тікелей аударылуына баса мән берілді. Іріктелген оқу құралдарын қазақ тіліне аударуға Қазақстанның алдыңғы қатарлы оқу орындарының оқытушылары, білікті аудармашылар мен редакторлар тартылды. 

Аударма барысында арнайы мамандардың ғана емес, оқырман тарапынан келіп түскен ұсыныстар да ескеріледі. Кез келген оқырман 100kitap.kz сайтындағы кері байланыс жүйесі арқылы өзінің ой-пікірін білдіре алады. Нәтижесінде, соңғы 10 жыл бойы бестселлер қатарынан табылып жүрген Стивен Ковидің «Жасампаз жандардың 7 дағдысы», әлем назарын аударған Ювал Хараридің «Sapiens: адамзаттың қысқаша тарихы», «Homo Deus: болашақтың қысқаша тарихы», «XXI ғасырға 21 сабақ» туындылары қазақ тіліне аударылды.  

Оқулықтардың электрондық нұсқасы да әзірленіп, олар «Қазақстанның ашық университеті» – OpenU.kz платформасына жүктелген. Қазіргі таңда платформада 172 курс қамтылған, оған тіркелген қолданушылар саны 46 мыңнан, ал қазақ және орыс тілдеріндегі дәрістер саны 4000-нан асады. Бейнедәрістермен қатар, тапсырмалар мен қосымша оқу материалдары, тест сынақтары және конспектілер беріледі.  

Өткен жылы 9 мыңға жуық сөзді қамтитын «Қазақ тілінің кірме сөздерінің сөздігі» дайындалып, басылып шықты. Сонымен қатар «Оксфорд әлеуметтік ғылымдар сөздігі» және «Оксфорд экономика сөздігі» жарық көрді. Сөздіктер 10 мың данамен басылып, көптеген оқу орындарына таратылды. 2020 жылы Оксфорд баспасымен бірлесіп, көлемі мың беттен асатын «Oxford Kazakh Dictionary» қазақша-ағылшынша және ағылшынша-қазақша сөздіктерді шығару жоспарлануда. 

 

«Туған жер» бағдарламасының іске асырылуы 

«Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады. Сол себепті, мен «Туған жер» бағдарламасын қолға алуды ұсынамын», - деді Н. Назарбаев. Бұл бастама аясында қолға алынған жоба қазақстандықтарды туған өлкесін дамытуға тартуды, жергілікті жерлердегі әлеуметтік мәселелерді шешуде мемлекет пен азаматтық қоғамды жұмылдыруды мақсат етеді. Ол қазіргі таңда екі бағыт бойынша жүзеге асырылуда: өлкетанулық қызмет және меценаттықты дамыту. 

2019 жылы «Туған жер» бағдарламасы аясында республика деңгейінде 12 мыңнан аса іс-шара өткізілді. Осы мақсатта жалпы көлемі 62 млрд теңгеден астам қаражат қарастырылған болатын. Соның ішінде 14 млрд теңге мемлекеттік бюджеттен жұмсалса, қалған 48 млрд теңге демеушілер мен меценаттар қаражаты есебінен тартылды. Жалпы, 2017-2019 жылдары еліміз бойынша 11 173 меценат және 274 млрд теңге көлемінде қаражат тартылған. Сонымен қатар 2019 жылы 825 жаңа нысан салынды және 547 нысан жаңартылды.

Меценаттардың қолдауымен мектептер, балабақшалар, ауруханалар, емханалар, мәдениет үйлері, спорт нысандары т.б. салынған және жөндеуден өткізілген.

Мәселен, қыркүйек айында Қостанай облысында меценаттардың атсалысуымен мектеп оқушыларының жаңа заманауи технологияларды еркін игеруі үшін 3 IT-технология және робототехника кабинеті жасақталды.

 Қарағанды облысы Степное ауылында мәдениет үйінің ғимараты  демеушілер есебінен жөндеуден өткізіліп, пайдалануға берілді.

 Ақмола облысында «Нұр Астық» ЖШС есебінен Мықтыкөл ауылдық мектебінің ғимараты жөндеуден өткізілді. 

Солтүстік Қазақстан облысында «Дайындық Агро» ЖШС-ның демеушілік көмегімен Дайындық ауылының жолдары 60 млн теңгеге жөндеуден өткізілді.

Ақтөбе облысының Темір ауданында «Сәт» шаруа қожалығы басшысының қолдауымен Бірлік ауылында көпір салынды. 

Алматы қаласында демеушілер мен меценаттар қаражаты есебінен

1200 орынға арналған мектеп, 500 адамға арналған емхана, «Жарыс Арена» кешені салынды. Орталық мәдениет және демалыс саябағын жөндеу жұмыстары аяқталды.

Қызылорда облысында демеушілер мен меценаттар қаражаты есебінен: 

  • Шиелі ауданында спорттық-сауықтыру кешені құрылысына қолдау көрсетілді; 
  • Ақүйек және Өзгент ауылдық округтерінде медициналық амбулаториялар қолданысқа берілді;
  • Қармақшы ауданының Дауылкөл ауылдық округінде 80 орынға арналған балабақша салынды.

Маңғыстау облысында демеушілер мен меценаттар қаражаты есебінен 500 орынға арналған мәдениет үйі, 12 спорт кешені мен 39 балалар ойын алаңы салынды.

«Өлкетанулық қызмет» бағыты бойынша туған өлкенің тарихын, табиғатын, мәдениетін өскелең ұрпақтың санасына сіңіру мақсатымен 5-7 сыныптардың мектеп бағдарламасына «Өлкетану» оқу курсы енгізілді. Жалпы білім беретін орта мектептерде 1670 мектеп музейі , 2179 өлкетану үйірмесі жұмыс істейді. Олардың жұмысына 46,9 мың бала, 93 оқушылар сарайы, 4 жас натуралист сарайы, 18 аула клубы тартылған. 3 жыл ішінде (2017-2019 жылдары) 1 млн астам оқушы қамтылды.

«Қазақстанның киелі жерлерінің географиясы» жобасының іске асырылуы

Жоба аясында өлкедегі киелі орындарды анықтау, қайта қалпына келтіру жұмыстарын жүргізу, олардың картасын жасау көзделген. Жобаны жүзеге асыру мақсатында Ұлттық музей жанынан республикалық «Қасиетті Қазақстан» ғылыми зерттеу орталығы құрылды. Бүгінгі таңда Қазақстанның қасиетті жерлерін анықтау жұмыстары қарқынды жүргізілуде.

Өткен жылы «Қасиетті Қазақстан» орталығының жанынан құрылған ғылыми-сараптамалық кеңес отырысы өткізілді. Нәтижесінде Қазақстанның жалпыұлттық маңызы бар киелі жерлерінің тізімі толықтырылып, олардың  саны 206 нысанға, ал жергілікті маңызы бар киелі жерлерінің саны 575 нысанға жетті. 

Сонымен қатар Қазақстанның киелі жерлерінің тізіміне енген, республикалық маңызы бар 23 тарихи және мәдени ескерткішке ғылыми реставрациялау жұмыстары жүргізілді. Олардың қатарында Қожа Ахмет Яссауи, Айранбай кесенелері; Аппақ ишан, Ақыртас кешендері; Ескі Түркістан, Отырар, Сауран, Сығанақ қалашықтары; Сырымбеттегі Уәлихановтар үйі т.б. бар. 

Ал «Бозоқ» музей-қорығы үшін елордадағы Есіл ауданынан 412,6 га көлеміндегі жер учаскесі бөлінді. ҚР Мәдениет және спорт министрлігі мен Нұр-Сұлтан қаласы әкімдігінің арасында «Бозоқ» мемлекеттік тарихи-мәдени музей-қорығының инфрақұрылымын дамыту мәселелері жөніндегі өзара түсіністік пен ынтымақтастық меморандумына қол қойылды. Биыл қорық аумағында орналасатын нысандардың (визит орталық, археологиялық парк) жобалық-сметалық құжаттамасын әзірлеу, ал келесі жылдан бастап құрылыс жұмыстарын жүргізу жоспарланған.  

Сондай-ақ өткен жылы «Ботай қонысындағы әлеуметтік-экономикалық және дүниетанымдық контекстерді зерттеу және қайта құру» ғылыми жобасы аясында Солтүстік Қазақстан облысындағы Ботай қонысының маңынан көне Ботай мәдениетінің үйі салынды.

Алматы облысындағы «Таңбалы», Түркістан облысындағы «Отырар» музей-қорықтары сапар орталықтарының құрылысы аяқталды. 2019 жылы 1 желтоқсанда «Отырар» музей-қорығының сапар орталығының ресми ашылу салтанаты өтті. «Ұлытау» ұлттық тарихи-мәдени және табиғи музей-қорығының сапар орталығының құрылысы ағымдағы жылы аяқталады. 

Қазіргі уақытта Күлтөбе қалашығында археологиялық зерттеу жұмыстары белсенді жүргізілуде, 15 ғылыми қызметкер мен 40 зертханашы жұмыс жасауда. Археологиялық саябақ құру бойынша жұмыстар 2021 жылы толық аяқталады.

Жалпыұлттық киелі нысандар туралы мобильді форматтағы 30 дана бейнеролик түсіріліп, қазақ, орыс және ағылшын тілдерінде әлеуметтік желілерде таратылды.  

Қазақстанның киелі жерлерінің жалпыұлттық тізіміне енген 15 нысанның 3D моделі жасалды олардың ішінде: саяси қуғын-сүргін құрбандарына арналған «Алжир» мемориалды кешені, Қабанбай батыр кесенесі, Қосбатыр-Құмай мемориалдық кешені, Кенесары үңгірі, Беспақыр, Рабия Сұлтан Бегім, Гауhар ана, Есім хан, Ибраһим ата, Қарашаш ана, Үкаша ата, Қарабура, Домалақ ана, Хақназар хан кесенелері, Бірлік – Ордабасы кешені бар.

«Қасиетті Қазақстан» энциклопедициясының қазақ және орыс тілдерінде 3-ші томы жарыққа шықты. Онда Жамбыл, Қарағанды, Қостанай, Қызылорда облыстарының киелі жерлері қамтылған.

Жоба аясындағы жұмыстар биыл да жалғасады. Киелі жерлер көп шоғырланған өңірлерде: Алматы облысындағы «Есік», Түркістан облысындағы «Ордабасы» және «Әзірет Сұлтан» музей-қорықтарында сапар орталығының құрылысы басталады. 

Елбасының «Ұлы даланың жеті қыры» мақаласы аясында жоспарланған «Ежелгі Отырар қаласын ішінара қалпына келтіру» жобасы бойынша ауқымды жұмыстар жүргізу жоспарланған. Оның ішінде көне қалашықтың 10 нысанын қалпына келтіру жұмыстары жүргізіледі. Сондай-ақ Қазақстандағы киелі жерлер туралы деректі фильм («Туркестан – вчера, сегодня, завтра») түсіріледі. 

 

«Жаһандағы заманауи қазақстандық мәдениет» жобасын жүзеге асыру

Жоба шеңберінде қазіргі заманғы қазақ әдебиетін Біріккен Ұлттар Ұйымында қабылданған 6 тілге аудару көзделген. Аударылған шығармалар заманауи қазақ әдебиеті прозасының антологиясы мен заманауи қазақ әдебиеті поэзиясының антологиясына енгізіледі, бұл антологияларды да БҰҰ тілдерінде басып шығару қолға алынады.

Поэзия және проза жанры бойынша 30 қазақстандық автордың қазіргі заманғы 290 шығармасы ағылшын, француз, испан және орыс тілдеріне аударылды. 

2019 жылы Лондон қаласында «Заманауи қазақ әдебиеті прозасының антологиясы» мен «Заманауи қазақ әдебиеті поэзиясы антологиясын» таныстыру шаралары өтті.  Қазақ әдебиетінің жауһарларының жинақтары ағылшын тілінде 100 052 данамен жарық көріп, әлемнің 94 еліне таратылды.

Шетелдерде «Рухани жаңғыру» бағдарламасына арналған 100-ге жуық іс-шара ұйымдастырылды:

  • кітап, фото және өнер туындыларының көрмесі;
  • Қазақстанның тарихы мен мәдениеті туралы фильмдер көрсетілімі;
  • қазақстандық шығармашылық ұжымдардың концерті;
  • дөңгелек үстелдер, ғылыми-практикалық конференциялар.

Бұдан өзге, шетелдік БАҚ-та 100-ге жуық мақала жарық көрді. 

Шетелдерде қазақ әдебиетінің  танымалдығын арттыру мақсатында сол елдердегі Қазақстанның ресми мекемелері қазақстандық жазушылардың туындыларын шет тілдеріне аудару және басып шығару бойынша жұмыстар жүргізуде. Қазақтың ұлы ақыны әрі ойшылы Абайдың өлеңдері мен қара сөздерінің парсы, малай, поляк, голланд және португал тілдеріндегі жинақтары дайындалды.

Анкара қаласында Халықаралық түркі академиясы басып шығарған «Түркі интеграциясының архитекторы» кітабының тұсаукесері өтті. Іс-шара түркітілдес мемлекеттердің ынтымақтастық кеңесін құру жөніндегі Нахчыван келісімінің 10 жылдығына орайластырылды. Жинаққа Түркі кеңесі мемлекеттері басшыларының, сондай-ақ шетелдік ғылыми және мәдени қайраткерлердің мақалалары енді. Сонымен бірге профессор Г. В. Канның «Қазақстан тарихы» атты кітабы қытай тіліне аударылды.

Мәскеудегі «Современник» драма театрында қазақстандық драматург Р. Мұқанованың ақиық ақын Ф. Оңғарсыноваға арналған «Фариза» спектаклінің премьерасы өтті. 

Канадада, Иорданияда, Швецияда, Румынияда, Франция және Беларусьте қазақстандық кино фестивальдері өткізілді. Шетелдік көрермендерге отандық режиссерлердің «Қазақ хандығы. Алмас қылыш», «Көшбасшы жолы. Жұлдыздар тоғысқанда», «Әміре», «Әруақ», «Талан», «Анаға апарар жол» және т.б. фильмдері көрсетілді. «Азиатика» (Рим қаласы, Италия) және «DORF» (Винковци қаласы, Хорватия) халықаралық кинофестивальдері аясында да Қазақстан фильмдерінің жеке көрсетілімдері өтті. Ал Нью-Дели қаласында шығыстың әйгілі ойшылы Әбу Насыр әл-Фарабидің 1150 жылдық мерейтойына арналған әл-Фараби үйі ашылды.

Қазақстан халықаралық деңгейдегі түрлі кітап, өнер және археологиялық көрмелерге қатысты. Қытай ұлттық музейінде өткен «Жібек жолы бойындағы елдер ұлттық мұражайларының қазыналары» көрмесі аясындағы «Алтын адам» жәдігерлер көрмесінде, Литвада өткен «Qazaq brands showroom» қазақстандық әйелдер киімдерінің көрмесінде көпшілік назарына қазақ тарихы мен өнерінің теңдессіз қазынасы ұсынылды. 

«Рухани жаңғыру» бағдарламасы аясында Қазақстан мәдениетін шетелде ілгерілету мақсатында шетелдік БАҚ өкілдеріне арналған мәдени баспасөз турлары өткізілді. Мәселен, өткен жылы 4-6 қыркүйекте Нұр-Сұлтан қаласында өткен Азия елдері қаламгерлерінің Бірінші форумына арналған баспасөз турына әлемнің 13 елінен журналистер қатысты.  Олар сонымен қатар Қазақстан астанасының бірқатар мәдени-тарихи және туристік нысандарын аралады. Шетелдік журналистерге танымал азиялық авторлар Ко Ын (Оңтүстік Корея), Моза аль-Малки (Қатар), Мэнд-Ооёо (Моңғолия), Амар Митра (Үндістан), Анар Расул Рзаев (Әзербайжан), Ұлықбек Есдәулет, Олжас Сүлейменов, Мұхтар Шаханов және т.б. жеке кездесулер мен сұхбаттар ұйымдастырылды. Шара қорытындысы бойынша шетелдік БАҚ беттерінде 40-қа жуық мақала жарық көрді.

М. Әуезов атындағы Қазақ мемлекеттік академиялық драма театры Будапешт қаласында  өткен «Имре Мадач атындағы VI халықаралық театрлар кездесуі» фестивалінде Иран Ғайыптың «Қорқыттың көрі» қойылымын көрсетті. Сонымен қатар театр «Түркі мәдениеті: түркі мәдениетіндегі Қорқыт мұрасы» тақырыбында өткен ғылыми конференцияға қатысып, іс-шара қорытындысы бойынша АҚШ қалаларына гастрольдік сапарға шақырту алды. 

Құрманғазы атындағы Қазақ мемлекеттік академиялық халық аспаптары оркестрі 85 жылдық мерейтойы аясында гастрольдік сапармен Ресейдің Мәскеу және Санкт-Петербург қалаларына  барды. Ал Римдегі Teatro dell’Opera di Roma сахнасында «Астана Опера» опера және балет театры А. Хачатурянның аңызға айналған «Спартак» балетін көрермендер назарына ұсынды. Сонымен қатар Абайдың 175 жылдығына орай «Абай» операсы шетелдерге гастрольдік сапарлардың репертуарына енгізілді. Рим қаласында Н. Тілендиев атындағы «Отырар сазы» Академиялық фольклорлық-этнографиялық оркестрінің концерті өтті. Абай атындағы Қазақ мемлекеттік академиялық опера және балет театрының гастролі Лондон қаласындағы әлемнің ең беделді опералық сахналарының бірі - Колизей театрында өтті. 

Венгрияның Сазхаломбатта қаласындағы Матрика музейінде ҚР Орталық мемлекеттік музейінің «Ұлы даланың тарихи-мәдени келбеті» атты халықаралық жылжымалы көрмесі өтті. Шарада музей қорындағы ерте көшпелілер кезеңінің мәдениетін көрсететін археологиялық артефактілер, Есік қорғанынан табылған «Алтын адамның» ғылыми реконструкциясы, сондай-ақ дәстүрлі қазақ мәдениетіне қатысты этнографиялық құндылықтар көпшілік көзайымына ұсынылды.

ҚР Ұлттық музейі Афины қаласындағы Эпиграфиялық музейде «Ұлы дала: тарих және мәдениет» көрмесін ашты. Көрмеге Ұлттық музейдің ең құнды жәдігері - «Алтын адам» қойылды. 

 

Тарихи және мәдени жәдігерлерді цифрландыру 

Бүгінде музейлердегі құндылықтардың 3D моделін, яғни музейлік заттардың цифрлық көшірмесін жасау өзекті. Еліміздегі музей ісін жаңғырту аясында отандық музейлердің қорындағы экспонаттардың 3D үлгілерінің цифрлық каталогын құру бойынша жұмыстар жүргізілуде. 

2018-2019 жылдары Қазақстан Республикасының Орталық мемлекеттік музейінің Қазақстанның археологиялық алтындары және этнографиялық коллекциясынан 1020 құндылықтың цифрлық көшірмесі мен 3D нұсқасы жасалды.

Ә. Қастеев атындағы мемлекеттік өнер музейінде цифрландыру негізгі екі бағытта жүргізіледі. Көлемді жәдігерлердің 3D көшірмесінің цифрлық мұрағатын жасау бағытында 3D зертхана жасақталды, онда фотограмметрия әдісімен 3D сканерлеу технологиясы қарастырылған. Осы технология бойынша 3D цифрлық мұрағаты жасалып, оған 300 бірліктен астам мүсін өнерінің қоры енгізілді. 2019 жылы 3D сканерлеу үдерісін оңтайландырудың арқасында бұдан екі есе көп жәдігерлер цифрландырылды.

2D цифрлық суреттер мұрағатын толықтыру жұмыстары жалғасуда. Қазір цифрландырылған жәдігерлер саны - 16 100 бірлік.

Бұдан басқа, Ұлттық музей базасында «Музей қорының мемлекеттік каталогы» және «Қасиетті Қазақстан бойынша виртуалды турлар» жобаларының пилоттық нұсқасы іске қосылды. 

«Музей қорының мемлекеттік каталогы» жүйесі пайдаланушыға ҚР музей қорындағы кез келген экспонаттың 3D үлгісіне шапшаң кіруге мүмкіндік береді. 

«Қасиетті Қазақстан бойынша виртуалды турлар» тізіміне енген нысандар онлайн режимінде тамашалау үшін қолжетімді. Пилоттық жобалардың нәтижесі бойынша қажетті өзгерістерді енгізе отырып, оларды республика музейлеріне де тарату жоспарлануда. Сондай-ақ биыл Қазақстанның 29 киелі орны 3D форматқа түсірілді. Осы іспеттес жобалар кітапханаларда да іске асырылуда. Бұл жұмыс кітапхана қорындағы әлеуметтік-маңызды құжаттарды цифрландыруға,  өңірлердің цифрлық коллекцияларын құрып, маңызды құжаттардың электрондық коллекцияларын жасауға мүмкіндік береді.

«Қазақстанның ұлттық электрондық кітапханасы» ақпараттық кітапханалық жүйесінде сандық жүйеге түсірілген кітапхана ресурстары жинақталған. Жоба операторы - ҚР Ұлттық академиялық кітапханасы.

Соңғы екі жылда «Қазақстанның ұлттық электрондық кітапханасы» қорындағы құжаттардың электрондық көшірмелерінің саны екі есеге артып, биыл 58 мыңнан астам дананы (2015 жылы – 22 047 дана) құрады. 2019 жылы портал контенті 11 021 құжатпен толықты. Жалпы, көшірілген құжаттар саны 707 955 бірлікті құрап отыр. Сондай-ақ электронды кітапхана қызметін пайдаланушылар саны 200 мың адамды құрады, оның ішінде шет елден 99 сеанс тіркелген. 

Кинематография саласында «Ер Тарғын» операсы, «Қош бол, Медеу» фильмінің премьерасы, «Шәкен Айманов» деректі фильмі және т.б. 3 000-нан астам киноқұжаттардың цифрлық көшірмелері HD форматына көшірілді. Сонымен қатар 500 данадан астам киноқұжаттардың 4D форматындағы цифрлық көшірмелері жасалды.

 

«Қазақстанның 100 жаңа есімі» жобасы 

Жобаның мақсаты – Тәуелсіздік жылдары Қазақстанның дамуына елеулі үлес қосқан азаматтардың тарихы мысалында табысқа жету, бәсекеге қабілеттілік, прагматизм және білімге табыну идеяларын ілгерілету. 

2019 жылы «Қазақстандағы 100 жаңа есім» жобасына қатысу үшін жобаның 100zhanaesim.ruh.kz ресми сайтында 1673 өтінім қабылданды. Өтінімдерді іріктеу онлайн дауыс беру арқылы жүргізілді. Сонымен қоса,  олар көрнекті қоғам және мәдениет, спорт қайраткерлерінен, бизнес өкілдерінен құралған әділқазы мүшелерінің сүзгісінен өтті.

Конкурсқа қатысушылар мына критерийлер бойынша іріктелді:

  • 39 жастан аспауы;
  • қызметтің белгілі салаларында нақты жетістіктерінің болуы;
  • Қазақстан Республикасының азаматы болуы.

2019 жылы 1678 өтінім қабылданды. 658 142 қазақстандық 1 974 428 дауыс берді. Дауыс беру және әділқазы мүшелерінің жұмысы нәтижесінде «Қазақстандағы 100 жаңа есім» жобасының ІІІ кезеңінде 32 азамат жеңімпаз деп танылды. Оның ішінде онлайн дауыс беру бойынша сайтта 20 мыңнан астам дауыс жинаған 25 қатысушы және жоба әділқазыларының ұсынуы бойынша 7 үміткер бар. 


Жаңалықтар тізбегі
17 Ақпан 2020, 12:34
Ержан Жылқыбаев ҚР еңбек және халықты әлеуметтік қорғау бірінші вице-министрі қызметінен босатылды
17 Ақпан 2020, 10:18
18 ақпанда Үкімет үйінде ҚР Үкіметінің отырысы өтеді
15 Ақпан 2020, 16:20
Қазақстан Президенті Кувейттің Премьер-Министрі шейх Сабах Халид әл-Хамад ас-Сабахпен кездесті
15 Ақпан 2020, 14:40
Мемлекет басшысы бірқатар заңға қол қойды
15 Ақпан 2020, 14:22
Видеодайджест: «Аптаның айшықты оқиғалары» №48
15 Ақпан 2020, 11:31
ЕАЭО-ға мүше мемлекеттер ЕАЭО-ның бірыңғай нарығының ең жоғары тиімділігін қамтамасыз етуге келісті
14 Ақпан 2020, 20:12
Қазақстан Президенті Германияның ірі компаниялары басшыларымен бірқатар кездесу өткізді
14 Ақпан 2020, 16:43
Қазақстанда денсаулық сақтау жүйесінің жетілдірілуі: «Денсаулық» мемлекеттік бағдарламасын іске асыру қорытындысы, заманауи медициналық технологиялар және әлеуметтік сақтандыру
14 Ақпан 2020, 16:30
ҚР Премьер-Министрі А. Мамин Жаңғырту жөніндегі ұлттық комиссияның отырысын өткізді
14 Ақпан 2020, 12:56
А. Мамин Катардың сауда және индустрия министрі Али бен Ахмед әл-Кауаримен кездесу өткізді
13 Ақпан 2020, 20:02
ҚР Премьер-Министрі Асқар Маминнің Түркістан қаласына жұмыс сапарының қорытындысы бойынша видеодайджест
13 Ақпан 2020, 18:52
Қасым-Жомарт Тоқаев ақпараттық қауіпсіздік мәселелері жөнінде кеңес өткізді
13 Ақпан 2020, 18:51
ҚР Премьер-Министрі А. Мамин ДДСҰ Еуропалық аймақтық бюросының директоры Х. Клюгемен кездесу өткізді  
13 Ақпан 2020, 16:21
2019 жылы Түркістан облысының дамуы: экономикасы, жұмыспен қамту, туризмі
13 Ақпан 2020, 15:23
ҚР Премьер-Министрі А. Мамин Түркістан қаласында инфрақұрылымның салыну барысын тексерді
13 Ақпан 2020, 13:11
Мемлекет басшысы Ұлттық банк төрағасы Ерболат Досаевты қабылдады
12 Ақпан 2020, 21:04
ҚР Премьер-Министрі Асқар Маминнің Шымкент қаласына жұмыс сапарының қорытындысы бойынша видеодайджест
12 Ақпан 2020, 19:26
ҚР Президенті Қазақстан халқы Ассамблеясы төрағасының орынбасары Жансейіт Түймебаевты қабылдады
12 Ақпан 2020, 15:48
ҚР Премьер-Министрі А. Мамин Шымкент қаласын дамыту мәселелері жөнінде кеңес өткізді 
12 Ақпан 2020, 14:51
Мемлекет басшысы «Birgemiz» атты республикалық Волонтерлер фронт-офисінің ашылу рәсіміне қатысты
11 Ақпан 2020, 20:26
Қазақстанның Тұңғыш Президентінің төрағалығымен Қауіпсіздік Кеңесінің отырысы өтті
11 Ақпан 2020, 20:06
Ералы Тоғжанов ҚР Премьер-Министрінің орынбасары болып тағайындалды
11 Ақпан 2020, 17:47
Асқар Маминнің тапсырмалары, министрлердің баяндамалары, үкімет кулуары — Министрлер кабинетінің кезекті отырысы
11 Ақпан 2020, 17:25
Роман Скляр су тасқыны кезеңіне дайындық мәселелері бойынша Ведомствоаралық мемлекеттік комиссия отырысын өткізді
11 Ақпан 2020, 16:05
Қазақстан Президенті Экология, геология және табиғи ресурстар министрі Мағзұм Мырзағалиевті қабылдады
11 Ақпан 2020, 14:23
Мемлекет басшысы қорғаныс министрі Нұрлан Ермекбаевты қабылдады
11 Ақпан 2020, 11:31
2020 жылғы қаңтарда негізгі капиталға салынған инвестициялар 3,1%-ға өсті — Р. Дәленов
11 Ақпан 2020, 11:28
11 ақпанда ҚР 217 азаматы Қытайдан Нұр-Сұлтан қаласына жеткізілді — ҚР СІМ
11 Ақпан 2020, 10:19
Қазір Қордай ауданындағы жағдай тұрақты — Б. Сапарбаев
11 Ақпан 2020, 09:45
Үкімет коронавирус инфекциясына қатысты жағдайды және ҚР азаматтарын қорғау шараларын қарастырды
11 Ақпан 2020, 09:32
Биылғы қаңтар айында экономиканың барлық негізгі салаларындағы оң қарқын ҚР ЖІӨ 3,6% өсімін қамтамасыз етті
10 Ақпан 2020, 20:09
ҚР Премьер-Министрі А. Мамин Жамбыл облысының жаңа әкімі Б. Сапарбаевты таныстырды
10 Ақпан 2020, 18:21
Нұрсұлтан Назарбаев ҚР Қауіпсіздік Кеңесінде бірқатар кадрлық тағайындаулар жасады
10 Ақпан 2020, 18:18
Жаңа заң аясында педагог біліктілікті арттыру курсынан үздіксіз немесе кезең-кезеңмен өте алады — Ш. Каринова
10 Ақпан 2020, 17:09
Қордай ауданында ақсақалдар кеңесі құрылады
10 Ақпан 2020, 16:42
Қазақстан Президенті Ішкі істер министрін қабылдады
10 Ақпан 2020, 15:10
Аттестаттаудан өткен барлық санаттағы педагогтер 2020 жылдың қыркүйегінен бастап үстемақы алатын болады — ҚР БҒМ
10 Ақпан 2020, 14:39
Қазақстан Президенті Премьер-Министр Асқар Маминді қабылдады
10 Ақпан 2020, 14:38
11 ақпанда Үкімет үйінде ҚР Үкіметінің отырысы өтеді
10 Ақпан 2020, 14:23
Мемлекет басшысы Бас прокурор Ғизат Нұрдәулетовті қабылдады
10 Ақпан 2020, 13:18
Қ. Тоқаев Жамбыл облысындағы бірқатар шенеунікті қызметінен босатуды тапсырды
10 Ақпан 2020, 11:24
Үкімет комиссиясы Қордай ауданында болған оқиға салдарынан қаза тапқан Дархан Әбдірахымның отбасына барды 
09 Ақпан 2020, 20:25
ҚР Премьер-Министрінің орынбасары Қордай ауданындағы ауылдардың тұрғындарымен кездесті
09 Ақпан 2020, 15:35
Бердібек Сапарбаев Қордай ауданында қаза тапқандардың отбасыларына барды
09 Ақпан 2020, 12:30
Бұзылған барлық үйлер қалпына келтіріледі — Б. Сапарбаев
09 Ақпан 2020, 11:41
Видеодайджест: «Аптаның айшықты оқиғалары» №47
09 Ақпан 2020, 00:48
Премьер-Министрдің орынбасары Қордай ауданындағы ауылдарда түнгі уақытта қауіпсіздік пен құқықтық тәртіптің қамтамасыз етілуін тексерді
08 Ақпан 2020, 23:24
Бердібек Сапарбаев Қордай ауданының тұрғындарымен кездесті
08 Ақпан 2020, 17:27
Үкімет комиссиясы Қордай ауданына барды
08 Ақпан 2020, 14:10
Жамбыл облысының Қордай ауданындағы оқиға салдарын жою жөніндегі Үкімет комиссиясы құрылды
08 Ақпан 2020, 11:41
Мемлекет басшысы Қ.К. Тоқаевтың Жамбыл облысындағы жағдайға байланысты мәлімдемесі
08 Ақпан 2020, 11:04
Шолу: Қазақстанда экологиялық қауіпсіздік қалай қамтамасыз етілуде
07 Ақпан 2020, 18:22
Үкіметте Мемлекет басшысының Жолдауын іске асырудың аралық қорытындысы шығарылды
07 Ақпан 2020, 16:57
Мемлекет басшысы «Самұрық-Қазына» ҰӘҚ» акционерлік қоғамының басқарма төрағасы Ахметжан Есімовті қабылдады
07 Ақпан 2020, 14:24
Б. Сапарбаев Мәдениет және спорт министрлігінің басшылығына бірқатар тапсырмалар берді
07 Ақпан 2020, 12:30
ҚР Премьер-Министрі А. Мамин Көлік жөніндегі кеңестің отырысын өткізді
07 Ақпан 2020, 10:22
Салықтан босату және тексеруге мораторий – алдағы 3 жылда Қазақстанда бизнес қалай дамиды
06 Ақпан 2020, 15:12
Мемлекет басшысы әлеуметтік кәсіпкерлік өкілдерімен кездесті
06 Ақпан 2020, 13:07
Динара Щеглова ҚР индустрия және инфрақұрылымдық даму вице-министрі болып тағайындалды
06 Ақпан 2020, 12:55
Жанат Жахметова ҚР энергетика вице-министрі болып тағайындалды
05 Ақпан 2020, 19:16
Нұрсұлтан Назарбаев «Nur Otan» партиясы Төрағасының бірінші орынбасары Бауыржан Байбекті қабылдады
05 Ақпан 2020, 19:08
Б. Сапарбаев коронавирустың таралуына жол бермеу жұмыстарын күшейтілген режимде жалғастыруды тапсырды
05 Ақпан 2020, 17:23
Қ. Тоқаев Конрад Аденауэр атындағы қордың Қазақстандағы өкілдігінің директоры Т. Хельмді қабылдады
05 Ақпан 2020, 16:42
Үкімет басшысы Қазақстанның ЕО-мен инвестициялық ынтымақтастығы жөніндегі диалогтың IV отырысын өткізді
05 Ақпан 2020, 16:11
Мемлекет басшысы Семей қаласының әкімі Ермак Сәлімовті қабылдады
05 Ақпан 2020, 12:54
Үкімет басшысы «One Web» басшылығымен ҚР-да жерсеріктік интернетті дамыту мәселесін талқылады 
05 Ақпан 2020, 11:49
Қазақстан Президенті Премьер-Министрдің орынбасары Роман Склярды қабылдады
05 Ақпан 2020, 11:13
«Педагог мәртебесі туралы» заң: мұғалімдердің жалақысын көтеру, құқықтарын қорғау және әлеуметтік қолдау
04 Ақпан 2020, 19:00
ҚР Үкіметінің отырысы, 04.02.2020
04 Ақпан 2020, 17:10
Үкіметтік сейсенбі: әлеуметтік маңызы бар тауарлардың бағасын белгілеу, цифрландыруды дамыту және коронавирустан қорғау бойынша ахуал
04 Ақпан 2020, 16:03
Сұңғат Есімханов энергетика вице-министрі қызметінен босатылды
04 Ақпан 2020, 15:54
Саннан ‒ сапаға: Б. Сапарбаев әлеуметтік МЖӘ-жобаларын іске асыру жөнінде кеңес өткізді
04 Ақпан 2020, 14:08
Б. Сұлтанов: Тауарларды шекара арқылы өткізу коронавирустың таралуына әсер етпейді
04 Ақпан 2020, 14:02
Қазақстанда Испания мен Франция елдеріндегі тәрізді көтерме нарықтар құрылады
04 Ақпан 2020, 12:29
Мемлекет басшысы Премьер-Министр Асқар Маминді қабылдады
04 Ақпан 2020, 11:31
Тауар өткізу инфрақұрылымы аясында 15 агро-логистикалық орталық құру жоспарлануда — ҚР СИМ 
04 Ақпан 2020, 10:43
«Цифрлық Қазақстан» мемлекеттік бағдарламасын жүзеге асырудың екі жылында инновациялық экожүйеге 32,8 млрд теңге тартылды
04 Ақпан 2020, 09:48
Үкімет «Цифрлық Қазақстан» мемлекеттік бағдарламасын іске асыру барысын қарады
04 Ақпан 2020, 09:33
ҚР Премьер-Министрі А. Мамин әлеуметтік маңызы бар азық-түлік өнімдерінің бағасын тұрақтандыру бойынша бірқатар тапсырмалар берді
03 Ақпан 2020, 18:38
ҚР Премьер-Министрі А. Мамин импорт алмастыру және экспортты ілгерілету жөніндегі ВАК отырысын өткізді
03 Ақпан 2020, 17:17
Мемлекеттік инспекторлар еңбек заңнамасының бұзылуына еш кедергісіз әрекет етуі тиіс — Б. Нұрымбетов
03 Ақпан 2020, 15:24
Қазақстанда шетелдік жұмыс күшін тартуға бөлінетін квота 40%-ға қысқартылды — Б. Нұрымбетов
03 Ақпан 2020, 15:14
113 мыңнан астам қазақстандық тұрғын үй сатып алу үшін зейнетақы жинақтарын пайдалана алады — ҚР ЕХӘҚМ
03 Ақпан 2020, 12:36
4 ақпанда Үкімет үйінде ҚР Үкіметінің отырысы өтеді
03 Ақпан 2020, 12:18
ҚР сыртқы істер министрінің орынбасары тағайындалды
02 Ақпан 2020, 12:00
Қазақстан өз азаматтарын Уханьнан эвакуациялады
01 Ақпан 2020, 15:51
Видеодайджест: «Аптаның айшықты оқиғалары» №46
01 Ақпан 2020, 15:31
Мемлекет басшысының әлеуметтік-еңбек саласы мәселелері жөніндегі тапсырмаларын іске асыру барысы туралы баспасөз конференциясы өтеді
01 Ақпан 2020, 12:46
Қазақстан Президенті Ресей Федерациясы Үкіметінің Төрағасы Михаил Мишустинмен кездесті
01 Ақпан 2020, 11:35
А. Маминнің Алматыда Еуразиялық үкіметаралық кеңес отырысына қатысу қорытындысы бойынша видеодайджест
01 Ақпан 2020, 11:29
А. Маминнің «Digital Almaty: жаһандық экономиканың цифрлық болашағы» форумына қатысу қорытындысы бойынша видеодайджест
31 Қаңтар 2020, 20:13
ЕАҮК: Алматыдағы Үкіметтік келіссөздер қалай өтті
31 Қаңтар 2020, 18:38
2019 жылдағы Алматы: өнеркәсіп өнімінің өсімі, инвесторларды қолдау және білім саласындағы жетістіктері
31 Қаңтар 2020, 18:28
Сарапшылар ЕАЭО туралы: ЕАЭО нарығында бәсекелестіктің күшеюі — еуразиялық интеграцияның басты жетістігі
31 Қаңтар 2020, 17:10
А. Мамин 2021 жылдың соңына дейін ЕАЭО-дағы мемлекеттік сатып алуларды толықтай электронды форматқа көшіруді ұсынды 
31 Қаңтар 2020, 15:01
Репортаж: Алматыда «Digital Almaty: жаһандық экономиканың цифрлық болашағы» форумы өтуде
31 Қаңтар 2020, 13:02
ЕАЭО Премьер-Министрлері «Digital Almaty» форумына қатысты
31 Қаңтар 2020, 10:58
ҚР Премьер-Министрі А. Мамин РФ Үкіметінің Төрағасы М. Мишустинмен келіссөз өткізді 
31 Қаңтар 2020, 10:28
Алматыда ЕАЭО одан әрі дамыту бағыттары талқыланды
31 Қаңтар 2020, 08:38
Артур ван Дизен: цифрландырудағы жетістіктер - ҚР Үкіметінің бағыттылығының нәтижесі
31 Қаңтар 2020, 08:30
Еуразиялық экономикалық одақ — инвестициялар мен жоғары технологияларды тартудың аймақтық орталығы
31 Қаңтар 2020, 08:00
ЕЭК министрі Т. Жақсылықов ЕАЭО үкіметаралық кеңесінің отырысында қандай мәселелер талқыланатынын айтты
30 Қаңтар 2020, 20:27
Президент «Қазатомөнеркәсіп» ҰАК» АҚ басқарма төрағасы Ғалымжан Пірматовты қабылдады
30 Қаңтар 2020, 19:59
Қазақстан GIGA бастамасының Орталық Азиядағы көшбасшысына айнала алады — К. Фабиан
30 Қаңтар 2020, 19:20
А. Мамин Беларусь пен Молдованың үкімет басшыларымен кездесулер өткізді
30 Қаңтар 2020, 15:43
А. Мамин инновациялар мен цифрландыру саласындағы шетелдік сарапшылармен кездесулер өткізді
30 Қаңтар 2020, 15:05
«Туған жер» жобасы, музей экспонаттарының цифрлық каталогын және ұлттық электрондық кітапхана құру  — «Рухани жаңғыру» бағдарламасы қалай жүзеге асырылуда
30 Қаңтар 2020, 14:29
Қазақстанда жоғарғы технологиялар мектебі ашылады — Кваме Ямгнанемен сұхбат
30 Қаңтар 2020, 11:13
Мемлекет басшысы Қазақстанның Ресейдегі жаңадан тағайындалған елшісі Ермек Көшербаевты қабылдады
29 Қаңтар 2020, 19:38
Қазақстанның Тұңғыш Президенті Жоғары Сот Кеңесінің төрағасы Талғат Донақовты қабылдады
29 Қаңтар 2020, 16:01
ҚР Үкіметі жанындағы ВАК ҚР-да коронавирустың таралуына жол бермеу бойынша бірқатар қосымша қорғану шараларын қабылдады
29 Қаңтар 2020, 12:43
Мемлекет басшысы бірқатар кадрлық өзгерістер жасады
28 Қаңтар 2020, 20:40
Президенттің тапсырмаларын орындау, Су ресурстарын басқару жөніндегі тұжырымдаманы қабылдау, халықты коронавирустан қорғау немесе Үкімет отырысы қалай өтті
28 Қаңтар 2020, 19:00
ҚР Үкіметінің отырысы, 28.01.2020
28 Қаңтар 2020, 18:45
Е. Біртанов: коронавирусқа қатысты тек ҚР Денсаулық сақтау министрлігінің ақпаратына сүйенген жөн
28 Қаңтар 2020, 18:13
ҚР Премьер-Министрі А. Маминге Қазақстанның автоөнеркәсібінің 2020 жылға даму жоспары туралы баяндалды
28 Қаңтар 2020, 16:17
ҚР СІМ ҚХР-дағы қазақстандық студенттер үшін арнайы бортты ұйымдастыру мәселесін пысықтауда
28 Қаңтар 2020, 15:31
Қасым-Жомарт Тоқаев шейх Сурур бен Мұхаммед Әл Нахаянмен кездесті
28 Қаңтар 2020, 14:46
ҚР Денсаулық сақтау министрлігі Қазақстанда коронавирустық инфекцияны таратпау және оның алдын алу бойынша шаралар кешенін қабылдады 
28 Қаңтар 2020, 13:06
2020 жылы инвестициялар экономикалық өрлеудің негізгі қозғаушы күшіне айналады — Р. Дәленов 
28 Қаңтар 2020, 11:03
2020 жылы ақпанда банк жүйесі активтерінің сапасын тәуелсіз бағалау аяқталады — М. Әбілқасымова
28 Қаңтар 2020, 10:46
Ұлттық банк 2030 жылға дейінгі Ақша-несие саясаты стратегиясының жобасын әзірлейді
28 Қаңтар 2020, 10:14
Су ресурстарын басқару бағдарламасы бойынша 500-ге жуық гидротехникалық құрылыс реконструкцияланады — М. Мырзағалиев
28 Қаңтар 2020, 09:51
Үкімет ҚР Су ресурстарын басқару жөніндегі 2020-2030 жылдарға арналған мемлекеттік бағдарламасының тұжырымдамасын бекітті
28 Қаңтар 2020, 09:42
Үкімет Мемлекет басшысының тапсырмаларын іске асыру жөніндегі шараларды қарады
28 Қаңтар 2020, 09:29
Мемлекет басшысының әрбір тапсырмасын жедел әрі мұқият пысықтау қажет — Р. Дәленов
28 Қаңтар 2020, 01:27
Қазақстан Президенті «Уахат әл-Карама» мемориалды кешеніне барды
27 Қаңтар 2020, 21:47
ҚР Тұңғыш Президенті – Елбасы бірқатар кездесулер өткізді
27 Қаңтар 2020, 21:36
Қазақстан Президенті БАӘ-нің бизнес өкілдері қатысқан жиында сөз сөйледі
27 Қаңтар 2020, 21:31
Қасым-Жомарт Тоқаев БАӘ-ға сапары аясында бірқатар кездесулер өткізді
27 Қаңтар 2020, 20:34
Б. Сапарбаев ҚР аумағында коронавирустың пайда болуына және таралуына жол бермеу жөніндегі ВАК отырысын өткізді
27 Қаңтар 2020, 20:28
Роман Скляр республикалық автожолдардағы ТЖ мәселелері бойынша бірқатар тапсырмалар берді
27 Қаңтар 2020, 18:47
Жанат Элиманов ҚР Қаржы министрлігінің Қаржы мониторингі комитетінің төрағасы болып тағайындалды
27 Қаңтар 2020, 16:20
Мемлекет басшысы Абу Дабидің тақ мұрагері, шейх Мұхаммед бен Заид Әл Нахаянмен келіссөз жүргізді
27 Қаңтар 2020, 14:29
28 қаңтарда Үкімет үйінде ҚР Үкіметінің отырысы өтеді
26 Қаңтар 2020, 15:28
Видеодайджест: «Аптаның айшықты оқиғалары» №45
26 Қаңтар 2020, 14:51
ҚР Премьер-Министрі А. Мамин халықты коронавирустан қорғау мәселелері жөнінде кеңес өткізді 
24 Қаңтар 2020, 20:12
Қасым-Жомарт Тоқаев бірқатар әкімдерді қабылдады
24 Қаңтар 2020, 19:00
ҚР Үкіметінің отырысы, 24.01.2020
24 Қаңтар 2020, 18:40
Б. Сапарбаев зейнетақы жүйесін жаңғырту жөніндегі жұмыс тобының отырысын өткізді
24 Қаңтар 2020, 18:37
Қазақстан Президенті әкімдермен кеңес өткізді
24 Қаңтар 2020, 17:16
2019 жылы Нұр-Сұлтан қаласының ЖӨӨ көлемі 7,2%-ға өсті — А. Көлгінов
24 Қаңтар 2020, 16:28
Мемлекет басшысы Қазақстан Республикасы Үкіметінің кеңейтілген отырысын өткізді
24 Қаңтар 2020, 15:58
2019 жылы Алматы облысында 48 мыңнан аса жұмыс орны ашылды
24 Қаңтар 2020, 15:26
О. Оразалин: 2019 жылы Ақтөбе облысында өңір үшін рекордты көрсеткіш — 1 млн ш.м. жуық тұрғын үй пайдалануға берілді
24 Қаңтар 2020, 15:01
2019 жылы 136 мың отбасы мұқтаждық деңгейінен шығарылды — Б. Сапарбаев
24 Қаңтар 2020, 14:42
2019 жылдың қорытындысы бойынша ШҚО-да барлық негізгі әлеуметтік-экономикалық көрсеткіштердің өсу қарқыны қамтамасыз етілді
24 Қаңтар 2020, 12:46
Теңгені нығайту және ұлттық валютадағы депозиттерді ұлғайту: Е. Досаев 2019 жылдың қорытындысы бойынша қаржы секторының жай-күйі туралы баяндады
24 Қаңтар 2020, 11:30
Үкімет 2019 жылғы әлеуметтік-экономикалық даму қорытындысын шығарып, 2020 жылға міндеттер қойды
24 Қаңтар 2020, 10:56
ҚР Премьер-Министрі Асқар Маминнің Президенттің қатысуымен өткен Үкіметтің кеңейтілген отырысында сөйлеген сөзі
23 Қаңтар 2020, 17:16
Елбасы Қазақстан Республикасының халық әртісі Жәния Әубәкірованы қабылдады
23 Қаңтар 2020, 17:13
Нұрсұлтан Назарбаев Президент көмекшісі – Қауіпсіздік Кеңесінің Хатшысы Әсет Исекешевті қабылдады
22 Қаңтар 2020, 15:26
Мемлекет басшысы Жоғары Сот Кеңесінің төрағасы Талғат Донақовты қабылдады
22 Қаңтар 2020, 11:50
24 қаңтарда Үкімет үйінде Президент Қ. Тоқаевтың төрағалығымен Үкіметтің кеңейтілген отырысы өтеді
22 Қаңтар 2020, 11:43
Президент «Атамекен» ҰКП президиумының төрағасы Тимур Құлыбаевты қабылдады
22 Қаңтар 2020, 11:39
Ә. Смайылов ҚР-да инвестициялық саясатты іске асыру мәселелері жөнінде кеңес өткізді
21 Қаңтар 2020, 19:30
Нұрсұлтан Назарбаев Конституциялық Кеңестің отырысына қатысты
21 Қаңтар 2020, 18:44
Қазақстанның Тұңғыш Президенті «Астана Опера» мемлекеттік опера және балет театрына барды
21 Қаңтар 2020, 16:41
Қасым-Жомарт Тоқаев Абай Құнанбайұлының 175 жылдық мерейтойының салтанатты ашылу рәсіміне қатысты
21 Қаңтар 2020, 16:04
Б. Сапарбаев Нұр-Cұлтан қаласында Медициналық психиатриялық денсаулық орталығының жұмысымен танысты
21 Қаңтар 2020, 16:00
Мемлекеттік тілді дамыту мәселесіне қатысты депутаттық сауал
21 Қаңтар 2020, 13:03
Роман Скляр ГФР бизнесмендерімен Қазақстанға тікелей неміс инвестициясын тарту мәселесін талқылады
21 Қаңтар 2020, 12:47
Мемлекет басшысы Нұр-Сұлтан қаласының әкімі Алтай Көлгіновті қабылдады
21 Қаңтар 2020, 11:02
Мұрат Әйтенов Шымкент қаласының әкімі болып тағайындалды
21 Қаңтар 2020, 08:48
ҚР Премьер-Министрі А. Мамин Павлодар облысының жаңа әкімі Ә. Сқақовты таныстырды
21 Қаңтар 2020, 08:23
Ә. Сқақов Павлодар облысының әкімі болып тағайындалды
20 Қаңтар 2020, 19:11
ҚР Премьер-Министрі А. Мамин цифрлық экономика мен инновацияларды дамыту мәселелері жөнінде кеңес өткізді
20 Қаңтар 2020, 18:03
Семей қаласына республикалық маңызы бар қала мәртебесін беруге қатысты депутаттық сауал
18 Қаңтар 2020, 16:40
Қазақстанда ауыл мектептерінде білім беру сапасын жақсарту бойынша пилоттық жоба іске қосылады
18 Қаңтар 2020, 11:59
«Жылдың үздік волонтері» сыйлығы мен әлеуметтік студенттік несие: Қазақстанда еріктілерді қалай ынталандырады
Депутаттық сауал
© 2019 - 2020 Қазақстан Республикасы Премьер-Министрінің Баспасөз Қызметі