ҚР Премьер-министрінің бірінші орынбасары Роман Скляр Корея Республикасы Президентінің арнаулы өкілі – Президент Әкімшілігінің басшысы Кан Хун Шикпен және Корея Республикасының сауда, өнеркәсіп және ресурстар министрі Ким Чон Кванмен кездесті.

Келіссөздер барысында тараптар сауда-экономикалық және инвестициялық ынтымақтастыққа, сондай-ақ энергетика және өнеркәсіп салаларындағы бірлескен жобаларды жүзеге асыруға баса назар аудара отырып, екіжақты ынтымақтастықтың қазіргі жағдайы мен даму перспективаларын талқылады.

Инвестициялық ынтымақтастықты кеңейту перспективалары, соның ішінде кореялық компаниялардың мұнай-газ жобаларына, тау-кен және металлургия өнеркәсібіне, сондай-ақ ядролық энергетиканы дамытуға қатысуы талқыланды.

Тараптар Үкіметаралық комиссияның келесі отырысына дайындық мәселелерін талқылады.

Кездесу қорытындысы бойынша стратегиялық серіктестікті одан әрі нығайтуға және бірлескен бастамаларды жүзеге асыруға өзара міндеттеме расталды.

#Роман Скляр #Сауда-экономикалық ынтымақтастық #Халықаралық ынтымақтастық

• 
• 
• 
•