ҚР Премьер-Министрінің бірінші орынбасары Роман Скляр губернатор Сюй Куньлинь бастаған ҚХР Цзянсу провинциясы Үкіметінің делегациясымен кездесу өткізді. Кездесуге Қытай Халық Республикасының Қазақстандағы елшісі Чжан Сяо да қатысты.

Әңгімелесу барысында тараптар сауда-экономикалық және көлік-логистикалық ынтымақтастықтың келешегі бар бағыттарын талқылады.

Сондай-ақ кездесуде мәдени-гуманитарлық және агроөнеркәсіптік кешен саласындағы ынтымақтастық мәселелері қозғалды.

Делегация өкілдерін қарсы алған Р.оман Скляр Қазақстан ҚХР-мен екіжақты қарым-қатынастарды дамытуға ерекше көңіл бөлетінін атап өтті.

Өз кезегінде губернатор екі ел арасындағы қарым-қатынастардың дамуындағы жоғары серпінді атап өтті, сондай-ақ көлік-логистика, өнеркәсіп, энергетика және мәдени-гуманитарлық салалардағы ынтымақтастықты одан әрі дамытуға мүдделілік танытты.

#Халықаралық ынтымақтастық #Роман Скляр