Ақтөбе үкіметінің әкімшілігінде аудандық кәсіпкерлік бөлімдерінің басшылары, облыс аудандарындағы кәсіпкерлер палаталарының директорлары және аудандық КҚО-ның кеңесшілерінің қатысуымен ауыл кәсіпкерлерін мемлекеттік бағдарламаға одан да белсенді түрде тарту мәселелері жөнінде кеңес өтті.

Мысалға, «Даму» қорының деректеріне сәйкес, Ақтөбе облысында «Бизнестің жол картасы 2020» бағдарламасы бойынша қаржыландырылған жобалардың 80 пайызы облыс орталығына, ал 20 пайызы ғана облыстың барлық 12 ауданына тиесілі.
«Даму» қоры филиалының директоры Жеделбек Мырзағалиев әңгімелегендей, қаржыландырылған жоба саны бойынша Мұғалжар, Хромтау, Алға аудандары көш бастап тұр.

«Аудандардың мемлекеттік бағдарламаға қатысуға неліктен белсенділік танытпайтыны белгісіз, мәселен, Хромтау моноқала мәртебесіне және ол үлкен артықшылықтарға ие болуына қарамастан, аудандар арасында ол тек екінші орында. Гранттық қаржыландыру тәрізді танымал құралды мүлдем пайдаланбайтын аудандар да жоқ емес. Солардың қатарында Әйтеке би, Байғанин, Темір, Ойыл, Қобда, Шалқар аудандары бар», - деп атап өтті Ж.Мырзағалиев.

Аймақтық кәсіпкерлер палатасы директорының орынбасары Нұрлыбек Мұқанов аудан өкілдеріне бірлесіп ауыл кәсіпкерлерін дамыту картасын құруды ұсынды, мұнда әр аудан үшін әлеуетті жобалар тізімі көрсетілуі тиіс. Бұл үшін әр ауданда бизнестің дамуын мұқият зерттеу қажет.

«Әр ауданда болашағы бар бизнес түрін анықтап, жобаны жүзеге асыруға көмектесу керек. Біз қолдау көрсетуге, мысалы, бизнес жоспарды тегін жасап беруге дайынбыз», - деді ол.

• 
• 
• 
•