21 Қараша 2023, 18:50
21 қарашада Үкімет үйінде Қазақстан Үкіметінің отырысы өтті.
Отырыста теміржол саласын одан әрі дамыту және мемлекеттік қызметтерді көрсету сапасын жақсарту шаралары қаралды. Еліміздің көлік-логистика әлеуетін дамыту аясында атқарылып жатқан жұмыстар жөнінде көлік министрі Марат Қарабаев пен «Қазақстан темір жолы» ҰК» АҚ-ның басқарма төрағасы Нұрлан Сауранбаев баяндама жасады. Үкімет басшысы жылжымалы құрамды жаңарту және 2029 жылға қарай тозу деңгейін 40%-ға дейін төмендету жөніндегі жұмысты жандандыру қажет екенін атап өтті.
Цифрлық даму, инновациялар және аэроғарыш өнеркәсібі министрі Бағдат Мусин мемлекеттік қызметтерді көрсету бойынша цифрлық сервистерді дамыту туралы баяндады. Бағдат Мусин бүгінгі таңда мемлекеттік қызметтердің шамамен 93%-ы электронды түрде көрсетілетінін айтты. Оның айтуынша, өткен жылмен салыстырғанда смартфон арқылы көрсетілетін қызметтер саны 6 есеге өскен. Әлихан Смайылов мемлекет тарапынан қабылданған шаралар Қазақстанға онлайн қызметтер көрсету бойынша БҰҰ рейтингінде 8-орынға көтерілуге себепші болғанын атап өтті.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз
Жазылу