1 наурыз күні Үкімет үйінде Қазақстан Үкіметінің отырысы өтті.
ҚР Премьер-Министрі Әлихан Смайыловтың төрағалығымен өткен ҚР Үкіметінің отырысында Украинадағы қақтығыстың ел экономикасына әсері, кәсіпкерлік қызметті «жаңа парақтан бастап» реттеу тәсілдерін іске асыру және әлеуметтік және еңбек салаларын цифрландыру мәселесі қаралды.
Қаржы нарығындағы қазіргі жағдай туралы ҚР Ұлттық Банкінің Төрағасы Ғалымжан Пірматов баяндады.
Үкімет басшысы бірінші кезекте ауыл шаруашылығы өнімдерін өңдеуге бағытталған жобалар басым түрде мемлекеттік қолдауға ие болатынын, биыл осы және басқа да шаралар қабылданатынын айтты.
Кәсіпкерлік қызметті реттеудің жаңа тәсілдерін іске асыру туралы ұлттық экономика министрі Әлібек Қуантыров, «Атамекен» ҰКП басқарма төрағасының міндетін атқарушы Нариман Әбілшайықов баяндама жасады.
ҚР Премьер-Министрі Ұлттық экономика министрлігіне «Атамекен» палатасымен бірлесіп, реттеудің жаңа тәсілдеріне сәйкес Міндетті талаптар реестрін құрудың кестесін бекітуді, бұған дейінгі реттеушілік актілерді биылғы 1 шілдеге дейін қайта қарауды тапсырды.
Әлеуметтік-еңбек саласын цифрландыру туралы еңбек және халықты әлеуметтік қорғау министрі Серік Шәпкенов және цифрлық даму, инновациялар және аэроғарыш өнеркәсібі министрі Бағдат Мусин баяндама жасады.
Премьер-Министр Ә. Смайылов жыл соңына дейін жұмыспен қамтуға жәрдемдесудің барлық шараларын электрондық форматқа ауыстыруды қамтамасыз етуді және жұмыс іздеп жүгінген азаматтардың кемінде 40%-ына онлайн режимде қызмет көрсетуді, биылғы жылғы 25-наурызға дейін Smart Data Ukimet базасында «Отбасының цифрлық картасы» жобасын іске асыру жұмыстарын аяқтауды, а.ж. 1-маусымға дейін медициналық ақпараттық жүйелерді «мүгедектікті сырттай белгілеу» жобасына қосуды және мемлекеттік қызметтің осы түрін сырттай алатын адамдардың үлесін 20%-ға дейін жеткізуді тапсырды.
Қазақстанның Премьер-Министрі мен Үкіметі жаңалықтарынан хабардар болыңыз — ресми Telegram-каналға жазылыңыз